Esekelo 17:4 - Baibo Busansulushi Bwa Libuku Ili

⁴ Mpeeke wakatyolaako musampi wakwiculu kwiine akuutola kucishi ca beshimakwebo, uko nkwaakaya mukuushanga mundabala yomwi pamandabalaabo.

Esekelo 17:4 Referans Kwoze

Ciyubululo 18:3

Mukwiinga mishobo yoonse yakanwa waini ukali wa bufuule bwakwe. Bamaami boonse ba mucishi ca panshi bakoonaakwe kale, abalo beshimakwebo boonse ba mucishi ca panshi bakabila abuumbi ceebo ca lunkumbwa lwakwe lunene.”

Jelemiya 51:13

Mwebo nomushiite kufwaafwi amilonga iinji nomucite buboni buunji, ono bwamweela, cashikila ciindi canu cakufwa.

Isaya 47:15

Ono njempindubo yeenka iyo njeshi ukacane kuswa kubantu abo. Basongo ba shintu shili mwiculu abo wasebensaabo kuswa kubwanike bwako. Boonse balaakukupalangana akuya munshila shabo beene. Taaku nabi womwi weshi akacaale kwaamba ayi akupulusheeko.”

Isaya 43:14

Mwaami Lesa, Mupulushi wanu Usalalite wa bene Isilaeli waamba ayi, “Ceebo canu ndaakutuma likoto lya bashilumamba kwaamba ayi bakalwane bene Babiloni. Ndaakunyonyoola minjililo ya ndabala. Lyalo ciyobeyobe cakukondwa ca bantu bekalaamo cilaakuba kulila.

Esekelo 17:3

kubeshibisha nebo neMwaami Lesa Shinkusu shoonse nshentokwaamba. Cikoshanyo ico ncakwaamba ayi, ‘Kwakalinga mumbankwashi munene wakalinga kucite mapapaminwa ankusu amapepe alaamfu a mishobo ipusenepusene. Mumbankwashi wakoolukila kuLebanoni akucata kwiculu lya cisamu ca sida.

Esekelo 17:5

Wakabwesa ambuuto shimwi sha mucishi canu akuya mukushanga kuli bulongo bucite mboleshi. Wakaya mukucishanga anga ncisamu ca masompe munshaamaanshi aanji.

Esekelo 31:3

Webo uli anga ncisamu ca sida ca kuLebanoni ico cakalinga kucite misampi ibotu yakalinga kupa cimfule cinene pamusaansa woonse. Cakalinga cilaamfu abuumbi kuya mukushika amumakumbi.

2 Baami 24:12

Lyalo mwaami Jeoiyakini mwaami wa bene Juda wakalyaaba mumaansaakwe Nebukadinesa pantu pomwi abanyina, bana bakwe basankwa, bamatanjilili ba bashilumamba alimwi abacinenenene ba kuŋanda ya bwaami boonse. Mumwaaka wasanu ayotatwe wa bwaami bwakwe Nebukadinesa mwaami wa bene Babiloni, Jeoiyakini mwaami wa bene Juda wakatolwa busha kuli nguwe.

Jelemiya 24:1

Ono Jeoiyakini mwanaakwe Jeoiyakimu mwaami wa bene Juda, bacinenenene, beshikubesa shintu abacibwene shakupangapanga bakatolwa busha kuswa kuJelusalemu kuya kuBabiloni. Bakatolwa aNebukadinesa mwaami wa bene Babiloni. Pesule Mwaami Lesa wakantondesha mitaanga yobilo ya nkuyu keebikitwe kunembo lya Ŋanda yakwe.