Esekelo 11:3 - Baibo Busansulushi Bwa Libuku Ili

³ Balo balaamba ayi, ‘Sa te onoonobo nciindi cakuyaka maanda? Ndabala ino ili anga ninongo yakutelekaamo, ono swebo tuli nyama! Nakubi boobo ilatutabilila kuswa kumulilo.’

Esekelo 11:3 Referans Kwoze

Esekelo 12:27

“Webo omuntu, mushobo wa bene Isilaeli utokwaamba ayi, ‘Shili anga nshiloto nshaabona teshi shikacitike coonoono alimwi nshaalaluka nsheesho sheshi shikacitike kalekale.’

Esekelo 12:22

“Webo omuntu, Ceebonshi bene Isilaeli ncebaambila kashimpi aka kakwaamba ayi, ‘Nshiku shileenda, sombi taaku cili anga nciloto cicitika cancinencine?’

2 Pita 3:4

Balaakwaamba ayi, “Te Klistu wakashomesha ayi ulaakwisa? Ino uli kuli? Bamashali besu bakulukulu bakafwabo kale kale, sombi shintu shoonse shicilibo bweenka mboshakalinga kumatalikilo a cishi!”

Amosi 6:5

Mulisunibo kulisha nyimbo patulumbu bweenka bwakalinga kucita Defedi. Ncakwiila mulisunishi shakulishalisha akupanga nyimbo.

Esekelo 7:7

Meelelesho ashikila pali ndimwe nobantu nomushiite mucishi ici. Ciindi cashikila, bushiku buli pafwaafwi, bushiku bwakupilingana peculu lya tulundu kuteshi kusangalala.

Isaya 5:19

Balaamba ayi, “Lesa aafwambaane kucita ncaatooyeeya kwaamba ayi tuciboone. Ee, Usalalite wa bene Isilaeli aafwambaane kucita miyeeyo yakwe kwaamba ayi twiishiibe.”

2 Baami 4:38

Ono kunembo mucishi coonse ndimwakaba nsala, Elisha wakaboolela kuGilugala. Mpeeke ndyaakalinga kwiisha balaluki, wakaambila musebenshi wakwe ayi abike nongo inene pamulilo akuteleka musushi wa nyama kwaamba ayi balye.

Mika 3:3

Mulalya bantu bangu, kufunda shipaya shabo, kupwayoola shifuwa shabo akutimboola anga ninyama yakuteleka mumupika.