Esekelo 1:16 - Baibo Busansulushi Bwa Libuku Ili

¹⁶ Mawilo oonse one akalinga kukoshenye. Liwilo lyomwi alyomwi kubekabeka anga ndibwe lyamakwebo alimwi lyomwi alyomwi lyakalinga kuboneka anga lilicite liwilo limwi licilingene mukati.

Esekelo 1:16 Referans Kwoze

Danyelo 10:6

Mubili wakalinga kuboneka anga ngamabwe amakwebo eetwa ayi kilisolaiti. Ciwa cakwe cakalinga kubeka anga ngamabeebe a mfula. Meenso akwe akalinga kunyaka anga ngumulilo. Maansaakwe amyeendo yakwe shakalinga kuboneka anga ngubulonse wafulwa. Liswi lyakwe lyakalinga kunyumfwika anga nciyobeyobe ca likoto linene lya bantu.

Bene Efeso 3:10

Wakalinga kusuni ayi kwiinda mucoonde, baanjelo abo beendelesha alimwi bacite nkusu mwiculu, beshibe busongo bwakwe Lesa mushintu shoonse.

Bene Loma 11:33

Ma, Lesa ulicite nkumbu abuumbi! Ngumusongo bumbi alimwi lushibo lwakwe talwaambiki! Taaku weenga wasansulula miyeeyo yakwe nabi kunyumfwishisha nshila shakwe.

Kulumbaisha 40:5

Shintu shikankamika nshemwakatucitila nshiinji, noBaami baLesa, baLesa besu. Taaku ukonsha kushimika shintu nshemwakatubambila. Nshikoonshi kushaamba shoonse mukwiinga shafulisha.

Kulumbaisha 36:6

Kululama kwanu kulabonekesha anga ntulundu tulaamfu. Bululami bwanu buli anga ndweenge lulaamfu abuumbi. NoBaami baLesa, bantu abanyama ndimwe mubalama.

Jobo 9:10

Ulacita shitondesho sha nkusu sha kwiculu shiyumu kwishiba ashaankamiko shitakonsheki kubelengwa.

Kulonga 39:13

Mumundando wane mwakaya mabwe eetwa ayi belilu, kanelyani alimwi ajasipa. Mabwe amakwebo aya akabikwa mushakubikaamo sha golodi.

Lwiimbo lwakwe Solomoni 5:14

Maansaakwe ali anga ndijoko lya golodi alimwi ulafwala ninga sha mabwe amakwebo. Mubili uli anga ngameeca a nsofu akateshimishikwa, ayo akaboteshekwa amabwe a safaya.

1 Baami 7:33

Mawilo akalinga anga nga cikoci ca maaki. Mingwala icata mawilo, shingelengele, masipoko, maabu shoonse shakapangwa abulonse.

Danyelo 7:9

“Kaanceebela shuuna sha bwaami shakabambwa, lyalo Lesa walyoonse alyoonse wakekala pacuuna comwi. Shakufwala shakwe shakalinga kutuba anga ncaandwa. Misusu yakwe yakalinga kutuba anga mbutonge. Cuuna cakwe ca bwaami cakalinga kubilimabo mulilo aalo mawilo a ncico akalinga kunyaka.