Biblia Todo Logo
Bib sou entènèt

- Piblisite -




Dutolonomi 7:25 - Baibo Busansulushi Bwa Libuku Ili

25 Shibumbwabumbwa shabo mukashiteente. Tamweelete kukumbwa silifa agolodi ili pali nshisho alimwi tamweelete kwiibwesa. Na mukacite boobo cilaakumucaisha. Mukwiinga bantu balambila shibumbwabumbwa, balalensha bunya Mwaami Lesa, Lesa wanu.

Gade chapit la Kopi




Dutolonomi 7:25
22 Referans Kwoze  

Kuswawaawo wakabwesa mucende mwaana uyo ngobakapanga akumusungulula, wamupelapela waboolabo anga mbusu alimwi akubusanseela pamaanshi, mpeeke wakakakatisha bene Isilaeli ayi banwe.


Bene Filisiti bakashiya ashibumbwabumbwa shabo uko, lyalo Defedi wakaambila bashilumamba bakwe ayi bashiteente mumulilo.


“Kuteelesha kubenga ŋombe nabi mbelele icite kampenda kali koonse kuMwaami Lesa, Lesa wanu ayi ngumulambu, mukwiinga ico Mwaami Lesa ulicipatite.


pashintu isho nshetwakabwesa, ndakabonawo cakufwala ca peculu cibotu abuumbi ca kuBabiloni, makilogilamu obilo a silifa alimwi acipimpita ca golodi cakalinga kulema musa wa kilogilamu. Ndakakumbwa shintu isho akushibwesa. Anu ndakashifukila mutente yangu, silifa njeili panshi peene.”


Mukamwayoole shipaililo shabo, mukanyonyoole mabwe ngobakeemika pamisena yakulambililaawo alimwi mukatente shikoshanyo shakwe Ashela mumulilo, lesa wabo mwanakashi wakubesa akutimboola shibumbwabumbwa shabo kwaamba ayi batakalambilili mumisena iyo lyobilo.


Lyalo shibumbwabumbwa shanu shinanikitwe silifa ashikoshanyo shanu sha balesa bamwi isho shinanikitwe golodi, mulaakushisowa anga ninsalu ishipite cakwiiluka. Pakushisowa mulaakunokwaamba ayi, “Nshisuni akumubonawo tubili.”


Nacibi boobo bene Isilaeli tabakwe kunyumfwila Mwaami Lesa ndyaakabaambila ayi tabeelete kubwesa cintu nabi comwi mundabala inene ya Jeliko ico ceelete kunyonyoolwa. Akani mwanaakwe Kami, mwishikulu wakwe Sabudi, mucipani cakwe Sela mumukowa wakwe Juda, wakabwesa shintu shimwi. Aboobo Mwaami Lesa wakakalalila bene Isilaeli.


Anu taaku maali acanikwa munshila ya mushobo wooyo eenga aletwa muŋanda ya Mwaami Lesa ayi ngakucita kweelana akushomesha cakulumbila. Mulyeelete kwishiba ayi Mwaami Lesa, Lesa wanu ulipatite bafuule abo.


Sombi mukamwaaye shipaililo shabo, mukanyonyoole mabwe ngobakeemika pamisena yakulambilaawo alimwi akutimboola shikoshanyo shakwe Ashela, lesa wabo mwanakashi wakubesa akutenta shibumbwabumbwa shabo.


Pankumo yakwe, pakalinga kulembetwe liina lya busansulushi bushisitwe lyakwaamba ayi, “Babiloni munene, mushali wa bafuule boonse alimwi amicito yoonse ilensha nsoni ya mucishi ca panshi.”


Ndaakunyonyoola bantu abanyama boonse, tuyuni twa mwiculu answi sha mulweenge. Lyalo bamucita shibi balaakuba ntantaala ndaakumana kulobya bantu pacishi ca panshi. Nebo neMwaami Lesa ndaamba.”


Mukanyonyoole mishobo ili yoonse Mwaami Lesa njeshi akaabe mumaansa anu. Mutakabanyumfwili nkumbu alimwi mutakalambili balesa babo, ceebo ico inga camucaisha.


Mose wakakumbula ayi, “Inga tacibotiiwo kucita boobo mukwiinga inga bene Ijipiti twabakalasha kwiinda mumilambu ya banyama njetubenga kuMwaami Lesa, Lesa wesu. Ono na tukalashe bene Ijipiti kwiinda mukubenga milambu ya banyama abo kabatubwene, batootuuma mabwe kushikila tufwe.


“Utakumbwi ŋanda ya shikamukobonyoko camunyono. Utakumbwi mukamwiine, musha wakwe musankwa nabi mwanakashi, ŋombe shakwe, mbongolo shakwe nabi shintu shakwe shimwi.”


Kuswawaawo mukabunjike shintu sha bantu ba mundabala umo pamusena ucanika bantu baanji. Lyalo ndabala mukeeteente alimwi ashintu shoonse shiliimo ayi ncipo kuMwaami Lesa. Ndabala iyo ilyeelete kunyonyookelabo limwi, tayeelete kuyakululwa alimwi, sobwe.


Mwaami Josiya wakapwaya macinko asalalite mutupanshapansha. Wakatimboola shikoshanyo shakwe Ashela lesa mwanakashi akufweka waawo mposhakalinga kwiimfwi ashifuwa sha bantu.


Kuswawaawo mupailishi ulaakucitenta mukwiinga nkubunda kuya ciindaawo. Nkokwaamba ayi cilyeelete kunyonyoolwa amulilo.


“Tamweelete kushiya ndime akutalika kulambila shibumbwabumbwa. Tamweelete kubumba balesa ba sheela akutalika kubalambila. Nebo ndime Mwaami Lesa wanu.


‘Aashinganishikwe muntu uli woonse uyo upanga cibumbwabumbwa cakubesa nabi ca ceela akunoocilambila cabushishi, ceebo Mwaami Lesa ulipatite kulambila shibumbwabumbwa.’ “Mpeeke bantu boonse balaakwaamba ayi, ‘Ameni!’


Sombi mwebo taaku mbomubete ayalo micito yanu taaku mbweebete. Ncakwiila abalo bamulambila balalensha abunya.


Swiv nou:

Piblisite


Piblisite