Dutolonomi 6:22 - Baibo Busansulushi Bwa Libuku Ili

²² Twakabona ameenso esu, Mwaami Lesa kaacita shaankamiko ashintu shimwi shiyoosha kubene Ijipiti bamwi boonse, mwaami wabo alimwi abacinenenene bakwe boonse.

Dutolonomi 6:22 Referans Kwoze

Dutolonomi 4:34

Sa kuliiwo lesa wakayeeyaawo kuya mukubwesa bantu kuswa pakati ka mushobo umwi akubaalula kuba bantu bakwe mbuli bwakamucita Mwaami Lesa, Lesa wanu muIjipiti? Mumeenso anu wakasebensesha nkusu shakwe shinene. Wakaletela bene Ijipiti myaalu ankoondo, wakacita shaankamiko ashitondesho sha nkusu sha kwiculu alimwi akulengesha shintu shiyoosha kucitika.

Kulumbaisha 91:8

Webo ulaakunoolangabo meenso, akubona bamucita shibi kabapekwa mulandu.

Dutolonomi 7:19

Amwiibaluke myaalu iyoosha iyo njemwakabona ameenso anu nobeene. Amwiibaluke ashaankamiko, shitondesho shankusu alimwi ankusu shinene isho Mwaami Lesa, Lesa wanu nshaakasebensesha ayi amwaangulule. Mwaami Lesa ulaakunyonyoola mishobo iyo njemutooloonda bulya bweenka mbwaakacita kubene Ijipiti.

Dutolonomi 4:3

Mwebo nobeene mwakabona cakacita Mwaami Lesa paKalundu ka Peyo. Wakanyonyoola woonse wakalambila lesa wa kuPeyo wiitwa ayi Baali.

Dutolonomi 3:21

“Lyalo ndakalwiita Joshuwa ayi, ‘Waboona shintu shoonse Mwaami Lesa, Lesa wako nshaakacita kubamaami bobilo balya, Sioni aOgi. Ncakwiila akubamwi boonse bacite shishi nshemutooyaako, ulaakucita bweenka ubo.

Dutolonomi 1:30

Mwaami Lesa, Lesa wanu utoomutanjilila alimwi utoomulwaninaako bweenka mbomwakabona kaacita muIjipiti

Kulumbaisha 135:9

Wakacita shaankamiko ashitondesho sha nkusu sha kwiculu pakati kabo. Ee, kwaamba ayi ape mulandu Falawo abacinenenene bakwe.

Kulonga 3:20

Sombi ndaakusebensesha nkusu shangu, alimwi ndaakupa mulandu bene Ijipiti kwiinda mukucita shintu shiloondesha mucishi cabo. Kuswawaawo mwaami ulaakumusuminisha ayi muye.

Dutolonomi 6:21

Mwebo mukakumbule ayi, ‘Twakalinga basha bakwe Falawo, mwaami wa cishi ca Ijipiti. Ono Mwaami Lesa wakatufuna kwiinda munkusu shakwe shinene.

Dutolonomi 6:23

Wakatwaangulula akutuleta kokuno kwaamba ayi atupe cishi cino kweelana ambwaakashomesha bamashali besu bakulukulu.

Kulumbaisha 136:4

Mwaami Lesa eenkabo ngookonsha kucita shaankamiko, ee, mukwiinga lusuno lwakwe ndwamuyayaya.

Kulonga 10:2

Alimwi ndalengesha kuba beshicimpamya kwaamba ayi mukalwiite kabotu bana banu alimwi abamashikulu banu mbuli bene Ijipiti mbobakaboneka buluya kwiinda mushaankamiko shendakacita. Mpeeke mwebo noonse mulaakwishiba ayi ndime Mwaami Lesa.”