Dutolonomi 4:32 - Baibo Busansulushi Bwa Libuku Ili

³² “Ono amuyeeye kukalekale, ciindi mwebo kamutana kushalwa, kuyabo akuciindi Lesa ndyaakalenga muntu pacishi ca panshi. Muyeeye cishi ca panshi coonse. Sa kuliiwo cintu cinene cakacitikawo kale mbuli ceeci? Sa kuliiwo muntu wakanyumfwaawo cintu ca mushobo uyu?

Dutolonomi 4:32 Referans Kwoze

Jobo 8:8

“Ukeepushe shabusongo bwa bakulukulu akuyeeya mwakeenda bamashali besu bakulukulu.

Mateyo 24:31

Kulaakunyumfwika lupeenga lwa nkusu, lyalo ulaakutuma baanjelo bakwe kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Kulumbaisha 44:1

NobaLesa, twakalinyumfwila amatwi esu, bamashali besu bakulukulu bakatulwiita milimo njemwakacita munshiku shabo.

Dutolonomi 32:7

“Amwiibaluke nshiku shakalekale, muyeeye mashalane akulukulu. Mukeepushe bamaishiwanu bakamulwiite, mukeepushe bamanene bakamusansulwite.

Jowelo 1:2

Amunyumfwe nobamaloba, amukutike mwebo nomwikala mucishi ca Juda. Sa camushobo wooyu cakacitikawo kale mubuumi bwanu nabi mubuumi bwa bamashali banu bakulukulu?

Matalikilo 1:27

Aboobo Lesa wakalenga muntu, kumulenga mucikoshanyo cakwe mwiine. Wakalenga musankwa amwanakashi.

Maako 13:27

Lyalo MwanaaMuntu ulaakutuma baanjelo kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Dutolonomi 30:4

Nacibi kwaamba ayi mukapalanganishikwe cakuya mukushika kweela cishi ca panshi, Mwaami Lesa, Lesa wanu ulaakumubunganya akumuboosha,

Kulonga 34:10

Mwaami Lesa wakaambila Mose ayi, “Ono bulya ntoopangana abene Isilaeli. Ndaakucita shintu shinene pameenso abo, isho shitana kucitikwaawo pakati ka mishobo imwi mucishi coonse ca panshi. Bantu boonse balaakubona shintu shikankamika isho nebo neMwaami Lesa nsheenga ndamucitila.

Dutolonomi 4:7

“Taaku mushobo aumwi nabi ngunene buyani, ucite lesa uli pafwaafwi bobulya paciindi coonse nceenga kamumusuni mbuli Mwaami Lesa, Lesa wesu. Ulatucafwa munshila shili shoonse kulilabo twamusenga.

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.

Dutolonomi 33:29

Mulicite coolwe mwebo nobene Isilaeli! Taaku mushobo uli mbuli ndimwe nomwakafunwa aMwaami Lesa. Mwaami Lesa mwiine ndyeliyawo lyanu alimwi ngomupeeni wanu, uyo umufuna akulengesha ayi mukome. Balwani banu balaakwisa mukulibombya kuli ndimwe, nakubi boobo mulaakubalyatoola.”

2 Samwelo 7:23

Sa pacishi ca panshi paliwo mushobo uli mbuli wa bene Isilaeli uyo wa bantu mbomwakafuna kuswa mubusha ayi babe bantu banu? Taapuuwo. Mwakabacitila shintu shikankamika isho shakalengesha liina lyanu kuya mpuwo mucishi ca panshi coonse. Mwakatanda mishobo imwi abalesa ba njiyo kuswa kunembo lya bantu banu. Ee, bantu abo mbomwakafuna kuswa mucishi ca Ijipiti ayi babe bantu banu.

Isaya 45:12

Ndime ndakalenga cishi ca panshi akulenga bantu bekalaamo. Ngamaansaangu nemwiine akafungulula liculu alimwi ndime nyendelesha makoto makoto anyenyeenshi ashimwi shiliimo.

Amosi 3:2

Waamba ayi, “Pakati ka mishobo yoonse ya pacishi ca panshi, ndimwebo ndakasala kuba bantu bangu. Paceebo ceeco ndaakumupa mulandu pashibiibi shanu shoonse.”