Dutolonomi 4:31 - Baibo Busansulushi Bwa Libuku Ili

³¹ Mwaami Lesa, Lesa wanu, ngushinkumbu. Teshi akamusuule nabi kumunyonyoola alimwi teshi akaluube cipangano ico lakwe mwiine ncaakapanga abamashali banu bakulukulu.

Dutolonomi 4:31 Referans Kwoze

Kulumbaisha 116:5

Mwaami Lesa ngushiluse alimwi uliluleme, Ncakwiila Lesa wesu ulicite nkumbu shiinji.

Dutolonomi 31:8

Mwaami Lesa mwiine ngweshi anookutanjilila alimwi unanooli awebo. Teshi akakushiyeewo nabi kukusuula. Aboobo tooelete kuloonda nabi kutyongola.”

Jona 4:2

Mpeeke wakapaila ayi, “Sa te nceceeci ncendakaamba kaantana kuswa kumisheesu ayi cilaakucitika? Anu ncendakafwambaanina kulobokela kuTashishi. Ndakalinga kwishi ayi uli Lesa walusuno alimwi shinkumbu, utafwambaani kukalala, Lesa shiluse luteeli alimwi upilula miyeeyo akucileka kunyonyoola.

Neyemiya 9:31

Ceebo ca nkumbu shanu shikankamika, tamukwe kubanyonyoola nabi kubafutatila. Mwebo muli baLesa beshiluse alimwi beshinkumbu.

2 Makani 30:9

Na muboole kuMwaami Lesa, abo bakatola bamakwabanu busha balaakubanyumfwila nkumbu akubaleka ayi baboolele kumishaabo. Mwaami Lesa ngushinkumbu alimwi ulicite luse. Na muboole kuli nguwe, ncakwiila utoomutambula.”

Bene Lefi 26:42

ndaakwiibaluka cipangano cangu capali Jakobo, Isaki alimwi aAbulaamu. Lyalo ndaakulasha kupa bantu bangu cishi kweelana ambondakabalasha kataanshi.

Dutolonomi 31:6

Anu amuyume akulishoma. Mutabaloondi nabi kututuma ceebo Mwaami Lesa, Lesa wanu unanooli amwebo. Teshi akamushiyeewo nabi kumusuula.”

Luka 1:72

Wakaamba ayi ulaakunyumfwila nkumbu bamashali besu bakulukulu alimwi teshi akalubeeko cipangano cakwe cisalalite.

Jelemiya 14:21

Ceebo ca liina lyanu mutatusuuli, mutalengeshi nsoni cuuna canu ca bulemu. Amwiibaluke cipangano ncemwakapanga andiswe, mutacileeki kucita kweelana a ncico.

Kulumbaisha 111:9

Wakapulusha bantu bakwe, wakapanga cipangano citamaani ambabo. Liina lyakwe lilisalalite alimwi lilaloondesha.

Kulumbaisha 111:5

Ngoopa shakulya bantu bamulemeka. Uleebaluka cipangano cakwe ciindi coonse

Joshuwa 1:5

Anu webo Joshuwa, taaku weshi akakukomeewo mubuumi bwako boonse. Ndaakunooli awebo kweelana ambondakalinga aMose. Teshi nkakushiyeewo nabi kukusuula.

Shakubelenga 14:18

‘Nebo neMwaami Lesa nshifwambaani kukalala, ndabonesha lusuno lunene alimwi ndalekelela shibiibi abwaashu bwa bantu. Nacibi boobo, teshi nkaalilwe kupa mulandu baana kushikila akulishalane lyatatu alyane ceebo ca shibiibi sha bamashali babo bakulukulu.’

Bene Lefi 26:45

Ndaakwiibaluka cipangano ico ncendakapanga abamashali babo bakulukulu, ndindakabonesha nkusu shangu kumishobo yoonse kwiinda mukukusha bantu bangu mucishi ca Ijipiti ayi nebo inga ndaba Lesa wabo. Nebo ndime Mwaami Lesa.”

Neyemiya 1:5

Ndakapaila ayi, “NoBaami baLesa, baLesa ba kwiculu, nobaLesa banene, nomulemekwa, mulalama cipangano ca lusuno kuli baabo bamusuni alimwi bakonkela milawo yanu.

Kulumbaisha 105:8

Ulaakulama cipangano cakwe kwalyoonse alyoonse, ee, kushomesha kwakwe mumashalane ali cuulu.

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

1 Makani 28:20

Mwaami Defedi wakaambila Solomoni mwanaakwe ayi, “Ulyeelete kuyuma akulishoma alimwi ukacite mulimo uyo. Utakaloondi nabi kutyongola mukwiinga Mwaami Lesa, Lesa wangu, uli awebo. Teshi akakulekelesheewo, sombi ulaakunooli awebo kushikila ukamanishe kuyaka Ŋanda yakwe.

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Bene Ebulu 13:5

Mutasunishi bunene maali, sombi mukondwe mushintu sheenka nshemucite. Ceebo Lesa wakaamba ayi, “Teshi nkamushiyeewo nabi kumulekelesha, sobwe.”

Bene Lefi 26:44

Nacibi boobo, pakunoocili mucishi ca balwani babo, teshi nkabalubileko limwi nabi kubanyonyoola. Ico inga camanisha cipangano cangu ambabo. Nebo ndime Mwaami Lesa, Lesa wabo.

Kulumbaisha 103:8

Mwaami Lesa ngushinkumbu alimwi ngushiluse. Lakwe taakalali bwaangu alimwi lusuno lwakwe talumaani.

Kulumbaisha 111:4

Wakalengesha ayi milimo yakwe ikankamika inokwiibalukwa. Ncakwiila Mwaami Lesa ngushiluse alimwi ngushinkumbu.

Jelemiya 30:11

Ndi amwebo alimwi ndaakumupulusha. Nabi nkanyonyoole mishobo yoonse mulya mondakamupalanganishisha, mwebo teshi nkamunyonyoole cakumaninina, sobwe. Ndaakumupa mulandu, sombi ndaakumoombolosha cakutamunyengelela. Teshi nkamulekebo kwakutamupa mulandu, sobwe. Nebo neMwaami Lesa ndaamba.”

Kulonga 6:8

Ndaakumutola kucishi ico ncendakashomesha cakulumbila kupa Abulaamu, Isaki alimwi aJakobo. Ono ndaakupa ndimwe kwaamba ayi cikabe cinenu cancinencine. Nebo ndime Mwaami Lesa.’ ”