Dutolonomi 33:7 - Baibo Busansulushi Bwa Libuku Ili

⁷ Akwalo kumukowa wakwe Juda wakaamba ayi, “NoBaami baLesa, amunyumfwe kulila kwa mukowa wakwe Juda. Amubacatanye amikowa imwi alimwi. NoBaami baLesa amubape nkusu shakulifuna, mubacaafwe kukoma balwani babo.”

Dutolonomi 33:7 Referans Kwoze

Bene Ebulu 7:14

Cilishibikitwe ayi Mwaami wesu wakalinga wamulunyungu lwakwe Juda alimwi Mose taakwe kulwaambaawo lunyungu ulu ndyaakalinga kwaamba shabapailishi.

1 Bene Kolinto 15:25

Ceebo Klistu ulyeelete kweendelesha kushikila Lesa akome balwani boonse akulengesha ayi babe mpopakulyata myeendo yakwe.

Luka 19:27

Ono balwani bangu abo batakalinga kusuni ayi nebo mbe mwaami wabo, amubaleete kuno mubacaaye kambweneeko!’ ”

Isaya 9:17

Paceebo ceeco Mwaami Lesa teshi akakondwe abacikula bwangu babo alimwi teshi akafwitewo nkumbu bamukalubinje banakashi nabi bana banshiwa babo. Mukwiinga bantu boonse baba bamucita shibi alimwi tabalemeki Lesa. Pamilomo yoonse palaswabo maswi abiibi. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Kulumbaisha 146:5

Ulicite coolwe muntu ucafwikwa kuMwaami Lesa wakwe Jakobo, ncakwiila muntu ucinkite manungo muMwaami Lesa, Lesa wakwe.

Kulumbaisha 21:8

Nobaami besu, lyaansa lyanu lilacata balwani banu, tabakoonshi kupusumuka mulyaansa lyanu lyalulyo.

Kulumbaisha 20:2

Aamutumine lucafwo kuswa kuŊanda yakwe isalalite. Ee, lucafwo lwanu luswe kuKalundu ka Siyoni.

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Kulumbaisha 78:70

Wakasala Defedi musebenshi wakwe. Wakamukusha mubweembeshi bwa mbelele.

Kulumbaisha 78:68

Sombi wakasala mukowa wa bene Juda, alimwi wakasala Kalundu ka Siyoni ako nkaakalinga kusuni.

Kulumbaisha 21:1

NoBaami baLesa, mwaami wesu ulikondetwe pankusu nshemwakamupa. Ulisangalete abuumbi ceebo cakumulengesha kukoma balwani bakwe.

1 Makani 12:22

Bushiku abushiku, bashilumamba bakalinga kwisa mukusenkana aDefedi cakwaamba ayi bashilumamba bakwe bakafula abuumbi.

2 Samwelo 5:24

Na munyumfwebo coongo cakweenda kwa bashilumamba mwiculu lya shisamu isho, mweendeshe mukwiinga ingayi nebo neMwaami Lesa ndatanjila kunembo lyanu kwaamba ayi nkome likoto lya bashilumamba bene Filisiti.”

2 Samwelo 5:19

Mpeeke Defedi wakeepusha Mwaami Lesa ayi, “Sa bene Filisiti nje nkabalwaane? Sa mutoobaaba mumaansaangu ayi mbakoome?” Mwaami Lesa wakakumbula ayi, “Koya, mukwiinga bene Filisiti ndushinisho ntoobaaba mumaansaako ayi ubakoome.”

2 Samwelo 5:1

Mpeeke mikowa yoonse ya bene Isilaeli yakaya kuli Defedi kuEbuloni akwaamba ayi, “Swebo amwebo tuli bulowa bomwi.

2 Samwelo 3:1

Ono kulwana pakati ka baabo bakalinga kwiimikanina bamuŋanda yakwe Saulo abaabo bakalinga kwiimikanina Defedi, kwakatola ciindi cilaamfu abuumbi. Sombi lubasu lwakwe Defedi mbuli mbolwakalinga kuya ciindaawo kuyuma, lwalo lumwi lwakalinga kuya ciindaawo kulefuka.

Malaki 3:1

Mpomunyaawo Mwaami Lesa Shinkusu shoonse ulakumbula ayi, “Amubone ndaakutuma muntu wangu kunembo lyangu eshi akamambile nshila. Lyalo Mwaami ngomutooyandoola ulaakwisa muŊanda yakwe cakupulumukabo. Ncakwiila uyo ngomuntu wangu ngomutoolindilila eshi akese mukwaambilisha Cipangano cangu.”

Shakubelenga 34:19

Meena a bamatanjilili Mwaami Lesa mbwaakasala ngaaya. Mumukowa wakwe Juda nguKalebu mwanaakwe Jefune.

Joshuwa 15:20

Ono ici ncishi cakapekwa mukowa wakwe Juda ayi ncinebo kweelana ashipani shabo.

Kulumbaisha 89:24

Ndaakunoomusuni cakushomeka. Ndaakumupa nkusu shakunookoma lyoonsebo.