Dutolonomi 32:42 - Baibo Busansulushi Bwa Libuku Ili

⁴² Mifwi yangu ilaakunoonswenkabo bulowa bwabo, mupeeni wangu ulaakucaya abo bampikisha. Taaku mulwani nabi womwi weshi nkashiye, beshi bakacisikwe abeshi bakacatwe kunkondo, boonse balaakufwa.’

Dutolonomi 32:42 Referans Kwoze

Dutolonomi 32:23

“ ‘Ndaakulundika mapensho pali mbabo akubanyonyoola amifwi yangu.

Jelemiya 46:10

Sombi bushiku ubu mbwa Mwaami Lesa, Mwaami Lesa Shinkusu shoonse. Mbushiku bwakuboosha cishole, ee, cishole pabalwani bakwe. Mupeeni ulaakucaya tibili ukakute bulowa ee, kushikila nyotwa ya bulowa ikamaane. Mwaami Lesa Shinkusu shoonse ulaakubenga mulambu mucishi cakumatwa kulubasu lwa Mulonga wa Yufuletisi.

Malilo 2:5

Mwaami Lesa wakanyonyoola Isilaeli bweenka mbuli mulwani. Ee, wakamana kunyonyoola maanda a bwaami ashiyubilo sha mumo shoonse. Ncakwiila wakanungilako kulila akuungumana mucishi ca Juda.

Jelemiya 46:14

“Ambilisha muIjipiti, olobesha muMigidolu, ee, woolobeshe amuMemfisi alimwi amuTaapanesi ayi, ‘Amuye mumisena yanu akulibambila ceebo boonse abo mbomubambenaabo bamana kunkondo.’

Jelemiya 30:14

Boonse abo bakalinga kumusuni, bakamulubako. Ncakwiila bulya tabamubikiiko maano napaceyi. Ndakamuuma anga ngumulwani wanu akumupa mulandu anga ngumuntu shilunkutwe ceebo mulandu wanu ngunene abuumbi alimwi shibiibi shanu nshiinji.

Jelemiya 16:10

“Bantu aba waakubaambila maswi aya oonse, abalo baakukwiipusha ayi, ‘Ino ceebonshi Mwaami Lesa waamba ayi swebo tupolelwe mapensho a mushobo wooyu? Ino swebo twakabishanshi? Anu ncibiibinshi ncetwakacitila Mwaami Lesa, Lesa wesu?’

Kulumbaisha 68:23

kwaamba ayi mukepishe shimpanta shanu mubulowa bwa balwani banu, uku kumwi bakabwa banu kabalya bulowa kweelana ambobasuni.”

Kulumbaisha 45:5

Ncakwiila mifwi yanu ilikolete, ilapulinkana akuyasa balwani kumyoyo. Aboobo mishobo imwi ilakomwa akulyatililwa kuli ndimwe.

Jobo 13:24

Ino ceebonshi mwamfutatila? Ceebonshi mwananga ayi ndi mulwani wanu?

2 Samwelo 1:22

Buta bwakwe Jonasani bwalinga kununka lufu, amupeeni wakwe Saulo tewalinga kucite nkumbu, shalinga kooneka basankwa beshinkusu, shalinga kucaya balwani baanji.

Isaya 34:5

Ono mupeeni wangu neMwaami Lesa walibambila kale kunyonyoola. Ncakwiila ulaakwisa mukupa mulandu bene Edomu, bantu abo mbondakaamba cakushinisha ayi balyeelete kunyonyoolwa.

Jelemiya 12:12

Mutulundu toonse tutacite bwiisu muluyanga beshikunyonyoola balaakuwuumuka. Balaakucita boobo ceebo mupeeni wa Mwaami Lesa ulaakucaya kuswa kweela cishi kuya mukushika ankoceela, cakwaamba ayi taakuuwo aweshi akanooli muluumuno.

Kulumbaisha 45:6

Bwaami ubo bwakamupa baLesa mbwa lyoonse alyoonse. Mubweene bwanu mulaakweendelesha bantu banu cabululami.