Biblia Todo Logo
Bib sou entènèt

- Piblisite -




Dutolonomi 32:15 - Baibo Busansulushi Bwa Libuku Ili

15 “Bantu ba Mwaami Lesa bakabila, sombi bakamwaashukila. Bakeena ceebo bakalinga kulyatabo mushakulya. Sombi bakasuula Lesa, Mulengi wabo, akukaka Mwaandami shikubapulusha.

Gade chapit la Kopi




Dutolonomi 32:15
41 Referans Kwoze  

Nebo pakubashisha mucishi umo muli bubile abulongo bubotu ico ncendakashomesha bamashali babo bakulukulu, balaakutalika kulambila balesa bamwi. Balaakunkaka akupwaya cipangano cili pakati pali mbabo anebo, mukwiinga balaakunoolyatabo mushakulya.


Ndindakamusanina mucishi cibotu mwakalinga kukuta. Ono ingayi mutalike kukuta mwakalisumpula. Lyalo nebo mwakandubaako.


Ulaakuŋambila ayi, ‘Ndimwe Bata, ndimwe baLesa bangu, mwaandami alimwi amupulushi wangu.’


Bene Isilaeli alimwi abamatanjilili babo ndibakalinga kubungene mumikowa yabo Lesa wakaba ngomwaami wa bene Isilaeli.”


Mukwiinga bantu aba mbeshi cimpamya alimwi bashinka mumatwi abo akucala meenso abo. Nakuteshi boobo, naakwiinga kababonesha akunyumfwishisha, akuba amyoyo yakusuna kukutika kwaamba ayi basanduke kuswa kushibiibi shabo, ayi nebo neLesa mbashilike.’ ”


Ono ceebonshi tootoolemeka milambu ashipo bantu bangu nshibeelete kupa ndime? Ino nceebonshi webo Eli ulalemeka bana bako kwiinda ndime mukubaleka ayi baliinishe beene ceebo cakulya shipansha shiindaawo kubota sha milambu yoonse bantu njebabenga kuli ndime?


“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.


Baliinite alimwi balalya kabotu. Kubisha kwabo takumaniiwo. Taboomboloshi milandu ya banabanshiwa mbuli mboyeelete. Bakandu tababafuniiko mumakani abo.


Nebo ndime Mwaami Lesa uyo wakamulenga, ee, Lesa uyo wakabumba womwi awomwi pakati kanu mumala muli banyina alimwi Lesa uyo weshi akanoomucafwa. Mutaloondi nobasebenshi bangu bamulunyungu lwakwe Jakobo. Mwebo muli bantu abo mbondakasala alimwi mboonsuni.


Wakandwiita alimwi ayi, “Lengesha bantu aba bushicimpamya, alimwi ubashinke matwi abo akucala meenso abo. Kwabula boobo inga kababonesha akunyumfwishisha, akuba amyoyo yakusuna kukutika kwaamba ayi basandukile kuli ndime ayi nebo mbashilike.”


Ono mapensho kuli ndiwe omushobo ushipite, ee, kuli ndiwe omushobo olemenetwe milandu, webo omushobo wa bamucita shibi. Wakakaka Mwaami Lesa, ncakwiila wakafutatila Usalalite wa bene Isilaeli.


Amwise twiimbile Mwaami Lesa cakusangalala, Atwiimbe cakoolobesha kuMwaandami utufuna.


Mumyoyo yabo mulaswa shibiibi, kuyeeya kwabo nkwa shintu shitaluleme.


Bantu banu bakakoma mandabala acite malinga acishi cicite bulongo bubotu. Bakabwesa maanda ayo akalinga kuswite buboni, mikalo yakakabilwa limwi, shisamu sha maolifi, shisamu shicata shisepo shimwi amyuunda ya minyansa. Bakalinga kulya cili coonse ncebasuni akwiina abuumbi. Bakasangalala abuumbi mushintu shibotu nshemwakabapa.


“Mwaami Lesa ngumuumi! Aalumbaishikwe mwaandami wangu! Aasumpulwe Lesa umfuna alimwi ngomupulushi wangu!


Nobene Isilaeli, taaku lesa umwi uli anga nguLesa wanu, uyo weendeenda mwiculu mubulemu bwakwe, uleendeenda mumakumbi ayi amucaafwe.


Mwebo nobantu baluya, batacite maano, Sa mbomweelete kucita kuMwaami Lesa bulya? Sa teshi ngoIshiwanu, Mulengi wanu, uyo wakamulengesha kuba mushobo unene?


Mwaami Lesa wakaambila Mose ayi, “Webo utoofwa onoono, ono na ufwe, bene Isilaeli balaakucileka kushomeka kuli ndime akutalika kulambila balesa beensu ba mucishi ico ncebatooyaamo. Balaakunkaka akupwaya cipangano cili pakati pali mbabo anebo.


Saulo wakeepusha ayi, “Ino ndimwe baani, Nkambo?” Liswi lyakanyumfwika alimwi ayi, “Ndime Jesu uyo ngootoopensha.


Ono Mwaami Lesa weepusha ayi, “Ino inga ndalekelela buyani shibiibi shanu? Bana banu bakansuula akutalika kulambila balesa bateshi bancinencine. Ndakalinga kubapa shoonse nshebakalinga kusuni, sombi bakatolelela kucita bufuule akusowa ciindi cabo mumaanda a bafuule.


Mwaami Lesa utokwiipusha ayi, “Ino ncibiibinshi bamashali banu bakulukulu ncebakambonena, ico cakabalengesha kupambuka bobulya kuswa munshila yangu? Beene bakakonkela shibumbwabumbwa shitaaku mboshibete, lyalo abalo beene bakaba bantu bataaku mbobabete.


Bantu ba mushobo uyo mbayumu myoyo alimwi tabanyumfwi, sombi nebo ndakondwa mumilawo yanu.


Mwaami Lesa ngumuumi! Aalumbaishikwe mwaandami wangu! Aasumpulwe Lesa, Mupulushi wangu!


Balwani abo mbantu batacite nkumbu, milomo yabo ilaamba cakulisumpula.


“Nakubi kwaamba ayi ngumubile ucite ciwa ciinite alimwi ucite bukome bwiinite abuumbi,


Mpeeke bene Isilaeli bakabisha alimwi pameenso aMwaami Lesa ceebo bakatalika kusebensela baBaali aba Ashitaloti. Bakasebensela abalesa ba kuSilya, Sidoni, Moabu, Amoni alimwi aba kuFilisitiya. Bakafutatila Mwaami Lesa akucileka kumusebensela.


Nakubi boobo tebakalinga kushomeka kuli Lesa wa bamashali babo bakulukulu, bakamusuula akutalika kulambila balesa ba mishobo iyo Lesa njaakatanda mucishi ico.


Mwaami Usiya ndyaakaba ankusu abulemu, wakatalika kulisumpula. Ico cakalengesha bwaami bwakwe kuboola panshi. Wakabisha kuMwaami Lesa, Lesa wakwe mukuya muŊanda yakwe akutenta tununkila kabotu pacipaililo ca ntuto.


“Sombi bantu bangu tabakwe kunkutika. Ncakwiila bene Isilaeli tabakwe kunyumfwila.


Mwebo nobamulishalane lino, amuyeeye a Mwaami Lesa akwaamba ayi, ‘Sa ndaba anga nduyanga kuli ndimwe nobene Isilaeli? Sa ndaba anga ncishi ca munshinshe ushiya mbi?’ Ino ono ceebonshi nobantu bangu mutokwaamba ayi, ‘Tulyaangulukite kucita cili coonse ncetusuni, teshi tukaboolewo tubili kuli ndiwe.’


Kuswabo bwaami bwakwe Leoboamu ndibwakayuma, lakwe abantu bakwe bene Isilaeli bakacileka kukonkela Milawo ya Mwaami Lesa.


“Nakubi boobo bakamubukila akukaka kumunyumfwila. Bakafutatila Milawo yanu. Bakacaya balaluki banu abo bakalinga kubacenjesha akubalwiita shakusandukila kuli ndimwe. Bakalinga kumucobola ciindi aciindi.


Anebo ndaakumucita ayi abe mwanaangu mutaanshi, ndaakumusumpula kwiinda baami bamwi ba pacishi ca panshi.


Amwishibe ayi Mwaami Lesa, ngoLesa! Ngowakatulenga alimwi tuli bantu bakwe. Tuli bantu bakwe mbwaaembela anga nimbelele.


Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.


Sa mooye inga waluba shakulibotesha shakwe? Sa nabwiinga inga walubako lilaaya lyakwe lya pabwiinga? Sombi nebo bantu bangu bakanduba kwa ciindi cilaamfu, ee, kwanshiku shitakoonshi kubelengekwa.


Ndaakucita boobo kwaamba ayi mbooshe myoyo ya bene Isilaeli abo boonse bakanshiya ceebo ca shibumbwabumbwa.’


“Mwebo nobapailishi ndimwakafula, akwalo kubishisha ndimwe ndikwakeendaawo kufula. Mwebo bulemu bwanu mwakabushinta acintu ciletela musebaanyo.


Swiv nou:

Piblisite


Piblisite