Dutolonomi 32:14 - Baibo Busansulushi Bwa Libuku Ili

¹⁴ Ŋombe ampongo shabo shakalinga kukamika abuumbi. Mbelele, mpongo aŋombe shabo shakalinga kwiinite. Mbelele shisankwa shakalinga shibotu anga nsha kuBashani, awalo witi alimwi awaini shakalinga kwiinditeewo kubota.

Dutolonomi 32:14 Referans Kwoze

Matalikilo 49:11

Ulaanga mwanaambongolo kucisamu ca munyansa, munyansa ubotu abuumbi. Ulacapa shakufwala shakwe muwaini usalala, mumaanshi aminyansa asalala anga mbulowa.

Kulumbaisha 147:14

Ulalama manyinsa ako akukupa witi uunji wiindaawo kubota.

Kulumbaisha 81:16

Sombi mwebo inga ndamulisha shinkwa ubotu abuumbi. Ee, inga ndamulisha buuci buswa mumwaandami kushikila mukakute.”

Mika 7:14

NoBaami baLesa amube beembeshi ba bantu banu, bantu abo mbomwakasala. Nabi balekala beenka muluundu, kuli cishi ca bulongo bubotu cibashingulukite. Amubaleeke banoolya anga nimbelele mumafulo abotu akuBashani alimwi akuGilyadi bweenka mbobakalinga kulya kalekale.

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”

Esekelo 39:18

Mulaakulya nyama ya bashilumamba bayumu akunwa bulowa bwa baleli ba cishi ca panshi. Boonse balaakucaikwabo anga nimbelele shisankwa, bana ba mbelele, mpongo nabi anga mbacende. Nkokwaamba ayi kucaikwabo anga nshifubwa shiinite sha kuBashani.

Isaya 7:22

Ulaakunookama mukupa uunji cakubulabo balya. Ee, abo beshi bakacaale mucishi balaakunoolyabo mandili abuuci.

Isaya 7:15

Mukukomena kwakwe ulaakunoolyabo mandili abuuci kushikila akukula akusala cibotu acibiibi palwaakwe.

Kulumbaisha 22:12

Balwani baanji bambika pakati anga mbacende. Boonse banshinguluka anga mbacende bacite nkusu ba kuBashani.

Jobo 20:17

Teshi akekale buumi bulaamfu ayi akabone milonga ya mafuta a olifi, nabi kubona tulonga uto tukunka mukupa abuuci.

2 Samwelo 17:29

buuci, mabishi, mafuta aswa kumukupa alimwi ambelele. Bakacita boobo mukwiinga bakalyaamboosha ayi bantu balya balyeelete kufwa nsala, nyotwa alimwi balema ciine muluyanga.

Boomboloshi 5:25

Sisela wakasenga maanshi, sombi wakamupa mukupa, Wakamuletela mandili mumbale ifongomene ya bwaami.

Matalikilo 18:8

Abulaamu wakabwesa bwaanda, mukupa, anyama ilya ya moombe akubambila beensu abo. Ciindi ndibakalinga kulya alakwe wakalinga pafwaafwi mucisamu mweenka umo.

Ciyubululo 14:20

Minyansa iyo yakatyanwa momunya umo, pansengwe lya ndabala inene. Mpeeke mucilindi ico cakutyaninamo minyansa mwakaswa bulowa ubo bwakakunka makilomita ali 300 akuya panshi mpashi mamita ali 2.

Shakubelenga 18:12

“Ndamupa shintu shibotu shoonse sha mafuta a olifi, waini alimwi ashili anga ngamaila shitaangunwa kutebulwa, isho bene Isilaeli nshebapa ndime neMwaami Lesa kuswa mumyuunda yabo.

Jobo 29:6

Ŋombe ampongo shangu shakalinga kukamika abuumbi. Shisamu shangu sha maolifi shakalinga kukomena kabotu mubulongo bwa mabwe.

Dutolonomi 28:47

Ceebo cakutasebensela Mwaami Lesa cakukondwa akusangalala uyo weshi akamupe coolwe mushintu shoonse,

Neyemiya 9:25

Bantu banu bakakoma mandabala acite malinga acishi cicite bulongo bubotu. Bakabwesa maanda ayo akalinga kuswite buboni, mikalo yakakabilwa limwi, shisamu sha maolifi, shisamu shicata shisepo shimwi amyuunda ya minyansa. Bakalinga kulya cili coonse ncebasuni akwiina abuumbi. Bakasangalala abuumbi mushintu shibotu nshemwakabapa.

Neyemiya 9:26

“Nakubi boobo bakamubukila akukaka kumunyumfwila. Bakafutatila Milawo yanu. Bakacaya balaluki banu abo bakalinga kubacenjesha akubalwiita shakusandukila kuli ndimwe. Bakalinga kumucobola ciindi aciindi.

Osiya 11:4

Ndakabatanjilila antaambo ya nkumbu, ee, kubatanjilila antaambo ya lusuno. Ndakabaangulula lijoko kuswa munshingo shabo akukotama ayi mbasanine.