Dutolonomi 30:16 - Baibo Busansulushi Bwa Libuku Ili

¹⁶ Ceebo ndamulwiita ayi musune Mwaami Lesa, Lesa wanu, kweenda munshila shakwe akukonkela milawo, milasho yakwe alimwi akwiisha kwakwe kumwi koonse. Na mukacite boobo, Mwaami Lesa, Lesa wanu ulaakumufusha akumupa coolwe mucishi ico ncemutooya mukubwesa akwikalaamo.

Dutolonomi 30:16 Referans Kwoze

Dutolonomi 30:6

Kuswawaawo Mwaami Lesa, Lesa wanu ulaakupa ndimwe abamulunyungu lwanu myoyo yakunyumfwila, kwaamba ayi mukamusuune amyoyo alimwi abuumi bwanu boonse, ayi mukatolelele kwikala mucishi ico.

Joni 14:21

Uyo usumina milawo yangu akucita mboyaamba, ngowooyo unsuni. Uyo usuni ndime, abalo baTa balaakumusuna, anebo ndaakumusuna akuliyubulula kuli nguwe.”

Dutolonomi 6:5

Suna Mwaami Lesa, Lesa wako amoyo wako woonse, abuumi bwako boonse alimwi ankusu shako shoonse.

1 Bene Kolinto 7:19

Ceebo kupalulwa nabi kutapalulwa taaku mbocibete. Cinene nkulama milawo yakwe Lesa.

Dutolonomi 4:1

Lyalo Mose wakaambila bantu ayi, “Kamukonkela milawo yoonse iyo njentoomwiisha, mulaakuba abuumi alimwi mulaakwikala mucishi ico ncaatoomupa Mwaami Lesa, Lesa wa bamashali banu bakulukulu.

Dutolonomi 30:17

Sombi na mukabule kucita boobo, mukayungoolwe kuya mukufukamina akulambila balesa bamwi,

Dutolonomi 30:19

Sunu ndeeta liculu alimwi acishi ca panshi ayi shibe bakamboni bangu. Ndamupa ciindi cakusala pakati ka buumi alufu, apakati ka coolwe amashingo. Ono amusale buumi kwaamba ayi mwebo abamulunyungu lwanu munooli boomi.

1 Baami 3:3

Solomoni wakalinga kumusuni Mwaami Lesa alimwi wakakonkela kwiisha kwa baishi baDefedi. Sombi alakwe wakalinga kubenga milambu akutenta tununkila kabotu pashipaililo shipusenepusene.

Tushimpi 3:1

Omwanaangu utanoolubaako nsheenkwiisha. Kolama milawo yangu mumoyo wako.

Isaya 1:19

Na kamulibambite kunyumfwila, mulaakulya shintu shibotu sha mucishi cino.

Dutolonomi 5:33

Mukeekonkele yoonse kwaamba ayi shintu shinoomweendela kabotu, alimwi kwaamba ayi mutolelele kunooli boomi mucishi ico ncemutooya mukubwesa.

Dutolonomi 32:47

Teshi maswi atacite ncito, sombi mbobuumi bwanu. Kamwaakonkela, lyalo mulaakwikala nshiku shiinji mucishi ico cili kwitala lya Joodani ncemutooya mukwikalaamo.”

Joshuwa 23:11

Anu aboobo amubikeeko maano kukusuna Mwaami Lesa, Lesa wanu.