Dutolonomi 3:11 - Baibo Busansulushi Bwa Libuku Ili

¹¹ Mwaami Ogi wakalinga ngomucaalishi kubaLefaimu. Bulo bwakwe bwakapangwa anshimbi alimwi bwakalinga mamita ali one mubulaamfu, mubufwaafwi mamita ali obilo kweelana ashipimo shisuminishitwe. Buciboneka abobulya mundabala ya bene Amoli ya Laba.

Dutolonomi 3:11 Referans Kwoze

Matalikilo 14:5

Mumwaaka wa likumi ayone Cedalaoma abaabo mbwaakalinga kucatenaabo pantu pomwi bakaya mukulwana akukoma bene Lefayi muAshitaloti Kanaimu, baSusimu muAmu, baEmi muliwesa lya Kilyataimu,

Jelemiya 49:2

Sombi ciindi cilaakushikila ndyeshi nkalishe lupeenga lwa nkondo kulwana Laba ndabala inene ya bene Amoni. Ndabala iyo ilaakuba matongo amandabala aishingulukite alaakutentwa. Kuswawaawo bene Isilaeli balaakutandaamo baabo bakalinga babatandaamo. Nebo neMwaami Lesa ndaamba.

2 Samwelo 12:26

Paciindi ico Joabu wakatolelela kulwana Laba ndabala inene ya bene Amoni alimwi wakalinga pafwaafwi akwiikoma.

Amosi 2:9

“Nakubi boobo ndakanyonyoola bene Amoli ceebo cabo. Bene Amoli bakalinga balaamfu anga nshisamu sha sida, alimwi bayumu anga njimibanga. Ndakanyonyoola shisepo shabo akunyonyoola miyanda yabo panshi peene.

Amosi 1:14

Ndaakutuma mulilo kumalinga a kuLaba, uyo weshi ukanyonyoole malinga. Kulaakuba ciyobeyobe ca nkondo pabushiku ubo. Nkondo ilaakukalalabo anga nimfula ya muuwo pabushiku ubo.

Esekelo 21:20

Ubike citondesho mukwakwa womwi kwaamba ayi mupeeni ukaye mukulwana bene Amoli ba kuLaba, acitondesho muumwi kwaamba ayi mupeeni ukaye mukulwana cishi ca Juda alimwi andabala inene ya Jelusalemu iyo icite lilinga.

2 Samwelo 11:1

Kumatalikilo amupewo, ciindi ico bamaami ncebakalinga kuyitaamo kunkondo, Defedi wakatuma Joabu abacinenenene bakwe pantu pomwi abashilumamba bene Isilaeli boonse kuya kunkondo. Bakakoma bene Amoni akushinguluka ndabala inene ya Laba. Sombi Defedi wakalingabo muJelusalemu.

1 Samwelo 17:4

Mpomunyaawo kumisumba ya bene Filisiti kwakaswa musankwa ndundwa minkulwa wakalinga kwiitwa ayi Golyati wa kundabala ya Gati. Wakalinga kulaampa mamita mpashi otatwe.

Dutolonomi 2:20

Cishi ici kalekale cakalinga kushibikitwe ayi ncishi ca baLefaimu, liina lya bantu bakalinga kwikalaamo umo. Bene Amoni bakalinga kwiita bantu aba ayi baSamusumimu.

Dutolonomi 2:11

Bakalinga kwiitwa alimwi ayi Lefaimu bweenka mbobakalinga kwiita baAnakimu, sombi bene Moabu bakalinga kubeeta ayi Emimu.

Ciyubululo 21:17

Lyalo munjelo uyo wakapima lubumbu akucana ayi lwakalinga kulaampa mamita ali 60 kweelana acipimo cakasuminishikwa.

Joshuwa 12:4

Bakakoma mwaami Ogi wa kuBashani. Uyu wakalinga ngowakweelaako pabene Lefaimu. Wakalinga kulela mundabala ya Ashitaloti aya Edileyi.

Joshuwa 13:12

Nkokwaamba ayi cishi coonse ca mwaami Ogi uyo wakalinga kulela kuAshitaloti aEdileyi mucishi ca Bashani. Anu Ogi ngowakacaalawobo eenka pabene Lefaimu. Ncakwiila Mose wakakoma bantu aba akubwesa cishi cabo.

Esekelo 25:5

Ndaakusandula ndabala yanu ya laba kuba mafulo akweembelelamo ngamela acalo cishi ca Amoni kuba musena wakulaminako mbelele. Lyalo ndyeshi mukeshibe ayi nebo ndi Mwaami Lesa.’

Matalikilo 6:15

Upange bulaampa mamita ali 133, mubufwaafwi mamita ali 22, akuya mwiculu mamita ali 13.