Dutolonomi 28:8 - Baibo Busansulushi Bwa Libuku Ili

⁸ “Mwaami Lesa, Lesa wanu ulaakumupa coolwe mushintu shoonse nsheshi mukanoocita akususha matala anu a shakulya shili anga ngamaila. Ulaakumupa coolwe mucishi ico ncaatoomupa.

Dutolonomi 28:8 Referans Kwoze

Dutolonomi 15:10

Mulyeelete kumupa amyoyo yoonse cakutatongooka. Mpeeke Mwaami Lesa ulaakumupa coolwe mumilimo yanu yoonse.

Bene Lefi 26:10

Mulaakutebula shakulya shiinji abuumbi isho nsheshi shikamane mwaaka. Nacibi boobo mulaakunoosowa shakulya shamatumba ayi mubikemo sha mwaaka upya.

Kulumbaisha 133:3

Buli anga ngumume wa kuKalundu ka Emoni, utoolokela paKalundu ka Siyoni. Uko nkokukalundu Mwaami Lesa nkwakashomesha kupa coolwe, ncakwiila abuumi bwamuyayaya.

Luka 12:18

Lyalo wakaamba ayi, ‘Mbulya mbweencite. Ntoomwaya matala angu akuyaka amwi anene mweshi nkabike shakulya shangu shoonse abuboni bwangu bumwi boonse.

Mateyo 6:26

Amubone bayuni, tabashangi, tabatebuli nabi kubika mumatala. Nakubi boobo Ishiwanu uli kwiculu ulabasanina. Sa mwebo tamuyandiki kwiinda bayuni?

Kulumbaisha 42:8

Sombi Mwaami Lesa ulatolelela kutondesha lusuno lwakwe lutamaani bushiku abushiku. Nceceeco anebo lyoonse ncemwiimbila nyimbo, kupaila Lesa uyo umpa buumi buno mbooncite.

Bene Lefi 25:21

Mwaami Lesa ulaakupa cishi coolwe mumwaaka wasanu awomwi kwaamba ayi mukaswe shakulya shikwana myaaka yobilo.

Agayi 2:19

Nakubi kwaamba ayi taaku shili anga ngamaila shacaalaako alimwi minyansa, nkuyu, mapomegilaneti amaolifi isho shitana kucata, kuswa kubushiku bwa sunu, nebo ndanoomupa coolwe.”

Kulumbaisha 144:13

Matala esu aasule shishango sha mishobo amishobo, ashalo mbelele shesu ashishalane cakutabelengeka mumafulo esu.

2 Baami 6:27

Lakwe mwaami wakakumbula ayi, “Na Mwaami Lesa taatookucafwa, nebo inga ndakucafwanshi? Sa nebo ndicitewo witi na waini?

Mateyo 13:30

Amwileeke misonde amaila shoonse shikulile pantu pomwi kushikila ciindi cakutebula. Lyalo ndaakwaambila beshikutebula ayi bakataangune kubunjika misonde akuyaanga milemile ayi itentwe. Lyalo ndyeshi bakacese maila akwaabika mubutala.’ ”

Kulumbaisha 44:4

Mwebo muli Baami bangu alimwi ndimwe baLesa bangu, baLesa abo balengesha bamulunyungu lwakwe Jakobo kukoma.

Dutolonomi 15:4

“Nacibi boobo, pakati kanu teshi pakabe muntu mukandu nabi womwi. Mukwiinga Mwaami Lesa, Lesa wanu ulaakumupa coolwe cinene abuumbi mucishi ico ncaatoomupa,

Dutolonomi 28:7

“Mwaami Lesa ulaakulengesha ayi balwani banu mukanoobakoma. Pakwisa mukumulwana balaakuswa lubasu lomwi, sombi pakumucica balaakumwaikabo.

Dutolonomi 28:20

“Na munoocita shibiibi mukukaka Mwaami Lesa, kulaakumuletelela shiyoosha, shimfulunganya, alimwi amapensho mushintu shoonse nsheshi mukanoocita, kushikila mukafwambaane kunyonyooka cakumaninina.

Dutolonomi 14:29

Shakulya ishi nsha bene Lefi mukwiinga balo taaku cipansha ca cishi ncebakapekwa, alimwi nsha baswamashi, bana banshiwa kubikaawo abamukalubinje banakashi bekala mumandabalaanu. Balyeelete kunoosa mukubwesa shoonse nshebasuni. Mukanoocita boobo kwaamba ayi Mwaami Lesa, Lesa wanu akamupe coolwe mumilimo yanu yoonse.

Kulumbaisha 1:3

Lakwe uli anga ncisamu cishangitwe kufwaafwi akalonga ka maanshi, ico cicata shisepo paciindi ceelete, alimwi cicite matewu atayumi. Mushintu shoonse nshaacita, lakwe ulaswitilila.

Kulumbaisha 128:2

Ulaakulya shisepo isho nshaasebensela. Ulaakupekwa coolwe amilimo yakwe ilaakuswitilila.