Dutolonomi 28:16 - Baibo Busansulushi Bwa Libuku Ili

¹⁶ “Mwaami Lesa ulaakushingana mandabalaanu alimwi amyuunda yanu.

Dutolonomi 28:16 Referans Kwoze

Malaki 2:2

mulyeelete kunoolemeka liina lyangu mumicito yanu. Na munoobula kunyumfwila, ndaakumushingana pantu pomwi ashintu isho nshemutambula ayi shinoomucafwa. Ncakwiila ndashishingana kale mukwiinga tamukonkeli mulawo wangu amoyo woonse.

Jowelo 2:3

Citoolya shishango cakumaninina anga ngumulilo. Kunembo lya ncico cishi cili anga ngumuunda wa Edeni. Sombi nkocitooswa kwababo anga nduyanga. Ncakwiila taaku nabi comwi citoocaalaako.

Jowelo 1:4

Shishango shakacaala kucisoshi cimwi, nsoshi shinene shakesa mukushilya. Shishango shakacaala kunsoshi shinene, twana twa nsoshi twakesa mukushilya. Shishango shakacaala kutwana twa nsoshi, Nsoshi shimwibo shakesa mukushilya.

Jelemiya 44:22

Ono Mwaami Lesa ndyaakacileka kunoolangilishabo pamicito yanu ibiibi alimwi ashintu shilensha bunya nshemwakalinga kucita, cishi canu cakaba cintu ceelete kushinganwa, kuba matongo alimwi kwakubula amuntu wikalaamo bweenka mbocibete sunu.

Jelemiya 14:18

Na ndaya muluundu ndabona bakacaikwa munkondo. Na ndaya mundabala, ndabona batoofwa kunsala. Balo balaluki abapailishi balacita ncito yabo cakuteshiba ancebatoocita.’ ”

Tushimpi 3:33

Mwaami Lesa ulashingana ba muŋanda ya bamucita shibi sombi ulapa coolwe bamuŋanda ya baluleme.

Malaki 4:6

Lakwe ulaakulengesha bamashali basankwa ayi batalike alimwi kunyumfwana abana babo. Na bakabule kucita boobo, ndaakwisa mukunyonyoola cishi canu.”

Malilo 5:10

Cikanda cesu citoolungula anga mumunyumbi. Ncakwiila nsala yalengesha mibili yesu kupya.

Malilo 1:1

Ndabala inene ya Jelusalemu yakalinga kuswite bantu. Ino ono ndabala iyo yacaala buyani cisuukila? Ndabala iyo yakalinga kulemekwa pakati ka mishobo. Ino ono yaba buyani anga ngumukalubinje? Ndushinisho yakalinga anga ngumwaami mwanakashi pakati ka shishi, sombi bulya yaba anga ngumusha.

Jelemiya 26:6

Ono na mutolelele kutanyumfwila, ndaakucita Ŋanda yangu ino bweenka mbondakacita musena wa Shilo. Lyalo liina lya ndabala ino lilaakunoosebenseshekwa mukushingana pakati ka mishobo yoonse ya mucishi ca panshi.’ ”

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Isaya 43:28

Abalo baleli banu bakabisha musena wangu usalalite. Paceebo ceeco ndakalengesha bene Isilaeli kunyonyoolwa. Ncakwiila ndakalekelesha bantu bangu ayi bacobolwe.”

1 Baami 17:12

Lakwe wakakumbula ayi, “Kweelana ambocibete lushinisho ayi Mwaami Lesa, Lesa wanu ngumuumi, mbweeke ubo nshiciteewo shinkwa. Ndicitebo tufulaulo tuniini mumbale atufuta twa olifi munkomeshi. Ndesa kokuno mukutepa nkuni akutola kuŋanda mukuteleka tuniini uto twakulya nebo amwanaangu. Ico nceshi cibe cakulya cesu cakweelaako, lyalo tulaakufwa kunsala.”

1 Baami 17:5

Elija wakanyumfwila shakaamba Mwaami Lesa akuya mukwikala kuKalonga ka Keliti kwicwe lya Joodani.

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

Dutolonomi 28:55

Aboobo taaku nabi womwi ngweshi akapewo nyama ya bana bakwe iyo njeshi akanoolya. Cilaakuba ncecakulya nceshi akanoocitebo ceebo ca mapensho ayo eshi akalete balwani banu muciindi ico nceshi bakashinguluke mandabalaanu oonse.

Matalikilo 5:29

Mwaana uyo wakamupa liina lya Nowa akwaamba ayi, “Kuswa kubulongo Lesa mbwaakashinganya uyu mwaana ulaakutufuna mukuyuwaana kwesu.”

Jobo 24:18

“Mucita shibi ulatolwa amukuuku wa maanshi. Musena wakwe mucishi wakashinganwa aLesa cakwaamba ayi taakoonshi kuya mukusebensa mumuunda wakwe wa minyansa.

Sekaliya 5:4

Mwaami Lesa Shinkusu shoonse waamba ayi, ‘Ndaakutuma lishingo ilyo lyeshi likenjile muŋanda ya mwiipi woonse amuŋanda ya wooyo ushomesha cakulumbila cabubeshi muliina lyangu. Lilaakunooshiite mumaandaabo kushikila likaanyonyoole cakumaninina.’ ”