Dutolonomi 25:1 - Baibo Busansulushi Bwa Libuku Ili

¹ “Ono na bene Isilaeli bobilo bapusana balyeelete kuya kunkuta. Lyalo boomboloshi balaakupa mulandu uyo wabisha akuleka wooyo utacite mulandu.

Dutolonomi 25:1 Referans Kwoze

Tushimpi 17:15

Kulekabo muntu ucite mulandu nabi kupa mulandu muntu utacite kampenda, nshikani shobilo isho Lesa nshaapatite.

Mateyo 3:10

Bulya keembe kakutimbwishako shisamu kumiyanda kalibambitwe kale. Aboobo, cisamu coonse citacati shisepo shibotu, cilaakutemwa akuwaalwa mumulilo.

Malaki 3:18

Paciindi ico bantu alimwi balaakubona bupusano buli pakati ka bantu baluleme abataluleme, bansebensela alimwi abatansebenseli.”

Abakuku 1:13

Meenso anu alisalalite abuumbi cakunoolangabo bubi kabucitika. Tamukoonshi kusuminisha ayi shitaluleme shinoocitikabo. Ino ono ceebonshi mutokweebelabo bamucita shibi aba batashomeki? Ino ceebonshi mulyuumwitebo bamucita shibi kabanyonyoola cakumaninina bantu baluleme kwiinda mbabo?

Abakuku 1:4

Milawo yamana nkusu. Koombolosha cakutanyengelela kwamana. Bamucita shibi batoolita masuku pamitwi ya baluleme. Munshila iyo koombolosha cakutanyengelela kwasendama.

Esekelo 44:24

“Na kwaba milandu pakati ka bantu, bapailishi mbobeelete koombolosha kweelana amilasho yangu. Balyeelete kulama kusekelela kwakulemeka ndime kweelana amilawo amilasho yangu. Balyeelete kulama bushiku bwangu bwakookesha bwa Cibelu.

Jelemiya 21:12

“Amunyumfwe maswi angu neMwaami Lesa akwaamba ayi, ‘Amoomboloshe bweelete nshiku shoonse. Amufune bantu batokwiipilwa mumaansa a baabo batoobapensha. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Bulaakunyaka anga ngumulilo uyo muntu ngwaatakoonshi kushimya.’ ”

Isaya 11:4

Sombi ulaakunokoombolosha bataaku mbobabete cabululami. Ulaakunokoombolosha bakandu ba mucishi ca panshi cakutanyengelela. Bantu batanyumfwi ulaakunooboomishabo kumaswi, bamucita shibi ulaakubacaya.

Isaya 5:23

Sombi ceebo ca makulo bantu abo balalekelela bantu bacite milandu. Taboomboloshi cabululami batacite milandu.

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Isaya 1:17

Amutalike kucita shibotu. Amusune kucita shiluleme. Ee, amuyumye balyatililwa. Kamufuninina batacite bamashali akwiimikanina bamukalubinje.”

2 Samwelo 23:3

Lesa wa bene Isilaeli waamba, Mwaandami wa bene Isilaeli wandwiita ayi, ‘Mwaami weendelesha bantu mubululami, uyo weendelesha cakuloonda Lesa,

Kulonga 22:9

“Ono pacikani cili coonse cakupikishanya pabuboni na ngamakani akumite kuŋombe, mbongolo, mbelele, shakufwala nabi cintu cili coonse cakalinga casoweka ico bamwi ncebatokwaamba ayi ncinebo, boonse balyeelete kutolwa kumusena wakunambililaako neMwaami Lesa. Uyo weenga wacanika pameenso akwe Lesa ayi utoobeca, ulyeelete kwiilikaawo ashimwi shili mbuli sheesho akupa mubye.

Dutolonomi 17:11

Mukacite kweelana amilawo njeshi bakamwiishe alimwi abupingushi mbweshi bakamupe. Mutakasuuli nsheshi bakamulwiite akucita shimbi.

Dutolonomi 24:22

Kutalubaako ayi mwebo mwakalinga basha mucishi ca Ijipiti. Nceceeco ncendamupeta mulawo uyu.

1 Baami 8:32

noBaami baLesa, amunyumfwe kwiculu uko akoombolosha basebenshi banu. Amupe mulandu uyo ulubite kweelana ambwaaelete akuleka wooyo utacite mulandu.

Isaya 5:20

Mapensho kubaabo baamba bubi ayi cibotu akwaamba cibotu ayi bubi. Balapilula munshinshe kuba mumuni, amumuni kuba munshinshe. Cilula balaamba ayi cilicite mise, cicite mise ayi cilalula.

Malilo 3:35

Lesa Wiindaawo wakwiculu taakoondwi kulita muntu masuku pamutwi pameenso akwe.

Malilo 3:36

Na woomboloshekwa cakunyengelelwa, Mwaami Lesa ulabona shintu sha mushobo uyo shoonse.