Dutolonomi 24:14 - Baibo Busansulushi Bwa Libuku Ili

¹⁴ “Kuteelesha kunyengelela musebenshi wanu mukandu, abe mwine Isilaelinyinaanu nabi muswamashi wikala mundabala imwi yomwi mucishi canu.

Dutolonomi 24:14 Referans Kwoze

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Tushimpi 14:31

Muntu uyo useka mubye mukandu, ingayi ulanyansha Mulengi wakwe, sombi uyo woonse ufwita nkumbu mukandu, ulalemeka Lesa.

Tushimpi 22:16

Uyo ulyatilila bakandu ayi abililewo, awooyo upa shipo kubantu babile kale, boonse balaba bakandu.

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”

Luka 10:7

Mukekaale muŋanda yeenka iyo alimwi mukalye akunwa coonse nceshi bakamupe mukwiinga musebenshi woonse ulalita pamulimo wakwe. Mutakanoobala maanda.

Amosi 2:7

Balyatoola mitwi ya bakandu anga batoolyatoola lusuko akulengesha baabo balyatililwa kulitwa masuku pamitwi. Mwaana abaishi balakumanina kumwanakashi womwi. Mukucita boobo balasebaanya liina lyangu.

Amosi 8:4

Amosi wakaamba ayi, “Amunyumfwe mwebo nomulyatilila bapengete akunyonyoola bakandu mucishi cabo.

Esekelo 22:7

Muli ndiwe taamu nabi womwi uyo ulemeka baishi nabi banyina. Muli ndiwe bantu balacenjeeka baswamashi akupensha bana banshiwa alimwi abamukalubinje.

1 Timoti 5:18

Ceebo Malembo akwe Lesa alaamba ayi, “Mutafwaliki cinsangala musune utoomulyatweetako maila kwaamba ayi alupuke.” “Musebenshi ulyeelete kupekwa malipilo akwe.”

Bene Lefi 19:13

“Mutapenshi muntu nabi womwi, nabi kumwiipila. Tamweelete kucelwa kufolesha musebenshi wanu nabi bushiku bomwibo.

Dutolonomi 15:7

“Ono na mundabala imwi mucishi ico Mwaami Lesa, Lesa wanu ncatoomupa muli mwine Isilaelinyinaanu utacite shiyandika mubuumi, tamweelete kuba boonyu mukutamucafwa.