Dutolonomi 19:8 - Baibo Busansulushi Bwa Libuku Ili

⁸ “Na Mwaami Lesa, Lesa wanu akanungeeko acimwi cishi, kweelana ambwaakashomesha cakulumbila kubamashali banu bakulukulu,

Dutolonomi 19:8 Referans Kwoze

Dutolonomi 12:20

“Na Mwaami Lesa, Lesa wanu akakomenye cishi canu, kweelana ambwaakashomesha, mulaakunoolya nyama ciindi cili coonse ncemusuni.

Kulonga 34:24

Na nkamane kutanda mishobo iyo kunembo lyanu alimwi akukomenyako cishi canu, taaku nabi womwi ngweshi akeeleshe kukoma cishi canu paciindi cakusekelela uko kucitwa mankanda otatwe.

Kulonga 23:31

Cishi canu cilaakutalikila kuLweenge Lusalala kushikila kuLweenge lwa Mediteleniyani, akuswa kuluyanga kushikila akuMulonga wa Yufuletisi. Ndaakumupa nkusu shakukoma beshi bakanooli mucishi ico, aboobo mulaakubatanda kunembo lyanu.

Esila 4:20

Mundabala iyo mwakalinga bamaami beshinkusu abo bakalinga kweendelesha mandabala oonse a kwitala lya Yufuletisi, alimwi akunoopekwa misonko ipusenepusene.

1 Baami 4:21

Solomoni wakalinga kweendelesha shishi shoonse kuswa kuMulonga wa Yufuletisi kuya mukushika kucishi ca Filisitiya kumanyinsa a Ijipiti. Aba boonse bakalinga kusonkela kuli nguwe alimwi wakabeendelesha kwabuumi bwakwe boonse.

Matalikilo 28:14

Balaakufula anga ngumuseese pacishi ca panshi. Balaakukomenesha cishi mumbasu shoonse alimwi kwiinda muli ndiwe abamulunyungu lwako, ndaakupa coolwe mishobo yoonse.

Dutolonomi 19:7

Nceceeco ncendaambila ayi musale mandabala anene otatwe.