Dutolonomi 17:9 - Baibo Busansulushi Bwa Libuku Ili

⁹ Mukabike milandu iyi mumaansa a bene Lefi bapailishi alimwi amoomboloshi utoosebensa paciindi ico, kwaamba ayi baipingule.

Dutolonomi 17:9 Referans Kwoze

Esekelo 44:24

“Na kwaba milandu pakati ka bantu, bapailishi mbobeelete koombolosha kweelana amilasho yangu. Balyeelete kulama kusekelela kwakulemeka ndime kweelana amilawo amilasho yangu. Balyeelete kulama bushiku bwangu bwakookesha bwa Cibelu.

Malaki 2:7

Ceebo bapailishi balyeelete kunokwiisha lushinisho lwapali Lesa. Paceebo ceeci, bantu balyeelete kunooya kuli mbabo mukwiiya kuyanda kwangu, mukwiinga mbasebenshi bangu nebo neMwaami Lesa Shinkusu shoonse.

Agayi 2:11

Wakaamba ayi, “Ipusha bapailishi na mulawo ulaamba ayinshi?

Jelemiya 18:18

Mpomunyaawo balo bakaamba ayi, “Kamwisa, tulifuuyefuye akubona mbweenga twacita Jelemiya. Bapailishi beshi banootwiisha milawo, basongo beshi bakanootupandako maano alimwi abalaluki beshi bakanootulwiitako maswi a Mwaami Lesa nkobali. Aboobo amwise, tumubekeshe milandu akutakutika sheesho nsheshi anokwaamba.”

Kulonga 22:8

Sombi na mwiipi wabula kucanika, muntu uyo wakalinga kulama buboni ubo ulyeelete kuletwa kumusena wakunambililaako neMwaami Lesa. Nkomunya uko, ulyeelete kwaamba pameenso angu ayi teshi ngowabwesa buboni ubo.

Dutolonomi 17:10

Lyalo mukacite bweenka mbweshi bakamulwiite abo beshi bakabe mumusena uyo womwi wakulambililaako ngweshi akasaale. Mulyeelete kubikaako maano kwaamba ayi mukacite shoonse nsheshi bakamulwiite.

Dutolonomi 21:5

Bapailishi bene Lefi abalo balyeelete kuya mukwiinga Mwaami Lesa, Lesa wanu wakabasala ayi banoosebensa mulimo wa bupailishi akunoopa coolwe muliina lyakwe alimwi akunokoombolosha milandu yakulwana abucayi yoonse.

Sekaliya 3:7

“Mwaami Lesa Shinkusu shoonse waamba ayi, ‘Na ukanokweenda munshila shangu akucita nsheensuni, ulaakunokweendelesha Ŋanda yangu amansa shangu. Lyalo ndaakukupa musena pakati ka baanjelo aba beemfwi waawa.

Kulonga 18:16

Na bantu bobilo batoopikishanya, balesa kuli ndime. Mpeeke anebo ndyeembona ululeme awabisha. Kuswawaawo ndabalwiita milasho alimwi amilawo yakwe Lesa.”

Dutolonomi 16:18

“Mukasale boomboloshi alimwi abacinenenene bamwi mumukowa wanu womwi awomwi mumandabala ayo Mwaami Lesa, Lesa wanu ngweshi akamupe. Bantu abo balyeelete kunokoombolosha cakutasalulula.

Dutolonomi 25:1

“Ono na bene Isilaeli bobilo bapusana balyeelete kuya kunkuta. Lyalo boomboloshi balaakupa mulandu uyo wabisha akuleka wooyo utacite mulandu.

Dutolonomi 33:10

Balaakwiisha bana bakwe Jakobo milasho yanu, balaakwiisha bene Isilaeli milawo yanu. Balaakunoopa tununkila kabotu kunembo lyanu alimwi amilambu yakutenta pacipaililo canu.

1 Makani 26:29

Kuswa pabamulunyungu lwakwe Isa, Kenaniya abana bakwe bakasalwa kuba bacinenenene aboomboloshi pakati ka bene Isilaeli. Balo tebakalinga kusebensa muŊanda yakwe Lesa.

Sekaliya 7:3

akwiipusha kubapailishi abalaluki. Bakeepusha ayi, “Sa inga twatolelela kulila mukwiinga wa kunyonyoolwa kwa Ŋanda yakwe Lesa mukulikasha kulya mumweenshi wasanu bweenka mbotwakalinga kucita myaaka iinji yeenda?”