Dutolonomi 15:14 - Baibo Busansulushi Bwa Libuku Ili

¹⁴ Mulyeelete kumupa shintu shimwi kuswa pasheesho Mwaami Lesa nshaakamupa camyoyo yoonse. Nkokwaamba ayi mbelele, shili anga ngamaila nabi waini.

Dutolonomi 15:14 Referans Kwoze

1 Bene Kolinto 16:2

PaSondo lyoonse, womwi awomwi pakati kanu ulyeelete kupatula maali a lucafwo ulo kumaali akwe amwi oonse kweelana ambwaacana, kwaamba ayi ndaakwisa kutakabi kusowa ciindi mukubunganya shipo.

Milimo ya Batumwi 20:35

Mushintu shoonse ndakamubonesha ayi kwiinda mukusebensa cankusu bweenka mbuli mbondakasebensa, inga twacafwa baabo batacite nkusu. Lyoonse kamwiibaluka maswi akaamba Mwaami Jesu ayi, ‘Kupa kulaleta shoolwe kwiinda kutambula.’ ”

Tushimpi 10:22

Coolwe ciswa kuMwaami Lesa ncecipa muntu kubila, alimwi milimo ya muntu uyo teekoonshi kwiilikaawo cili coonse.

Kulumbaisha 68:10

Lyalo bantu banu bakacana amusena wakwikalaamo muli ncico. Mwakapa bakandu nshebakalinga kubulite kwiinda mububotu bwanu.

Neyemiya 8:10

Lyalo Neyemiya wakabaambila ayi, “Kamuya mukalye shakulya shibotu, akunwa shakunwa shamise. Mutumineko shimwi kuli babo batacite shibambitwe kale. Bushiku bwasunu mbushiku busalalite kuMwaami Lesa. Mutoongumani ceebo kusangalala uko kumupa Mwaami Lesa, nkokumupa nkusu.”

Dutolonomi 15:13

Na mwamwaangulula, tamweelete kumuleka ayi aboolele maansaabo.

Dutolonomi 15:15

Kamwiibaluka ayi amwebo mwakalinga basha mucishi ca Ijipiti, ono Mwaami Lesa, Lesa wanu ngowakamwaangulula. Nceceeco ncentoomupeta mulawo uyu sunu.

Kulumbaisha 112:9

Ulaaba shipo shakwe kubakandu camoyo woonse. Bululami bwakwe mbwalyoonse alyoonse. Ulaakuba ankusu alimwi ulaakulemekwa.