Dutolonomi 13:18 - Baibo Busansulushi Bwa Libuku Ili

¹⁸ kulilabo na mukanookonkela milawo yakwe yoonse iyo njendamulwiita sunu alimwi akucita nshaasuni.

Dutolonomi 13:18 Referans Kwoze

Dutolonomi 12:28

Anu shoonse nshendamulwiita mulyeelete kushikonkela amyoyo yanu yoonse, mpeeke shintu shoonse shilaakunoomweendela kabotu pantu pomwi abamulunyungu lwanu lyoonse alyoonse, mukwiinga mulaakunoocita ciluleme alimwi cikondelesha Mwaami Lesa, Lesa wanu.

Mateyo 7:24

“Aboobo uyo woonse unyumfwa maswi angu aya akwaacita, uli anga ngumuntu ucite maano wakayakila ŋanda yakwe palibwe.

Mateyo 7:21

“Teshi kwaamba ayi boonse banjita ayi, ‘Nkambo, Nkambo’ balaakwinjila muBweene bwa kwiculu, sombibo wooyo ucita kuyanda kwa baTa bali kwiculu.

Dutolonomi 12:25

Na mukanookonkela mulawo uyu, Mwaami Lesa ulaakukondwa alimwi shintu shoonse shilaakunoomweendela kabotu pantu pomwi abamulunyungu lwanu.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Kulumbaisha 119:6

Na mbike maano kumilawo yanu yoonse, ingayi teshi nkalenshekwe nsoni.

Dutolonomi 12:32

“Mwebo mulyeelete kunoocita shintu shoonse nshendamulwiita. Tamweelete kunungaawo nabi kukushaawo.

Dutolonomi 13:17

Ono mutakeeleshi kubwesa cintu nabi comwi pasheesho shakaambwa ayi shilyeelete kunyonyoolwa. Lyalo Mwaami Lesa ndyeshi akamulekelele akumunyumfwila nkumbu. Ulaakumunyumfwila nkumbu akumulengesha ayi mukafuule abuumbi, kweelana ambwaakalasha bamashali banu bakulukulu,

Dutolonomi 14:1

“Mwebo muli bantu ba Mwaami Lesa, Lesa wanu. Paceebo ceeci, na mulicite cililo, tamweelete kulinengoola nabi kucesa misusu palumbwiishi.

Matalikilo 22:17

Ndashomesha ayi ndaakukupa bamulunyungu lwako baanji anga ninyenyeenshi mwiculu nabi museese wa muloombe lwa lweenge. Bamulunyungu lwako balaakukoma beshinkondonyinaabo.

Dutolonomi 7:26

Kutaleta cibumbwabumbwa nabi comwi muŋanda yanu mukwiinga lishingo lyeenka lili pali nshisho inga lyaba apali ndimwe. Mulyeelete kushipata akushisebaanya mukwiinga Mwaami Lesa wakashishingana.

Joshuwa 7:26

Ingayi pali Akani, bakalundikawo mabwe aanji abuumbi, ayo aciliiwo abobulya. Nceceeco musena uyu ncewiitilwa ayi Cinyika ca Akoli nkokwaamba ayi Cinyika ca Mapensho. Kuswawaawo bukali bwa Mwaami Lesa bwakamana.