Biblia Todo Logo
Bib sou entènèt

- Piblisite -




Dutolonomi 13:17 - Baibo Busansulushi Bwa Libuku Ili

17 Ono mutakeeleshi kubwesa cintu nabi comwi pasheesho shakaambwa ayi shilyeelete kunyonyoolwa. Lyalo Mwaami Lesa ndyeshi akamulekelele akumunyumfwila nkumbu. Ulaakumunyumfwila nkumbu akumulengesha ayi mukafuule abuumbi, kweelana ambwaakalasha bamashali banu bakulukulu,

Gade chapit la Kopi




Dutolonomi 13:17
26 Referans Kwoze  

Ingayi pali Akani, bakalundikawo mabwe aanji abuumbi, ayo aciliiwo abobulya. Nceceeco musena uyu ncewiitilwa ayi Cinyika ca Akoli nkokwaamba ayi Cinyika ca Mapensho. Kuswawaawo bukali bwa Mwaami Lesa bwakamana.


Kutaleta cibumbwabumbwa nabi comwi muŋanda yanu mukwiinga lishingo lyeenka lili pali nshisho inga lyaba apali ndimwe. Mulyeelete kushipata akushisebaanya mukwiinga Mwaami Lesa wakashishingana.


Mashiku ayo Mwaami wakaboneka kuli nguwe akwaamba ayi, “Ndime Lesa wakwe iso Abulaamu. Utaloondi, ndi awebo. Ndaakukupa coolwe abamulunyungu lwako ceebo ca kulasha nkondakalasha musebenshi wangu Abulaamu.”


Ndaakukupa bamulunyungu lwako baanji bweenka mboobona nyenyeenshi mwiculu, alimwi ndaakubapa cishi coonse ici. Ndaakupa coolwe mishobo yoonse pacishi ca panshi kwiinda mubamulunyungu lwako


Sombi tamweelete kubwesa cintu nabi comwi ico ceelete kunyonyoolwa. Na mucite boobo, ingayi mwaleta mapensho alimwi abunyonyooshi mumisumba yanu nobene Isilaeli.


lyalo Mwaami Lesa, Lesa wanu ulaakumunyumfwila nkumbu. Ulaakumukusha kuswa mumishobo iyo njaakapalanganya akumulengesha ayi mube ashoolwe alimwi.


Balaakufula anga ngumuseese pacishi ca panshi. Balaakukomenesha cishi mumbasu shoonse alimwi kwiinda muli ndiwe abamulunyungu lwako, ndaakupa coolwe mishobo yoonse.


Na kuli muntu utasuni Mwaami Jesu, aashinganishikwe! Malanata! Nkokwaamba ayi, “NoBaami besu, kamwisa!”


Ndaakupanga cipangano ca luumuno ambabo. Cilaakuba cipangano calyoonse alyoonse. Ndaakushimpya bulelo bwabo akubafusha alimwi ndaakubika Ŋanda yangu pakati kabo kwalyoonse alyoonse.


Nakubi kwaamba ayi waleta mapensho, pesule ulaakufwa nkumbu ceebo lusuno lwakwe lutamaani ndunene.


Nakubi boobo lakwe wakalinga kubanyumfwila nkumbu, wakabalekelela shibiibi shabo alimwi taakwe kubanyonyoola. Liinji liinji wakalinga kukomenya moyo kwaamba ayi atabi abukali bwakubacaya.


Amwiibaluke cakacitika Akani mwanaakwe Sela ndyaakasotoka mulawo wakapekwa pashintu shakaambwa ayi shilyeelete kunyonyooka. Sa te Lesa wakakalalila likoto lyoonse lya bantu bakwe bene Isilaeli? Ncakwiila Akani teshi ngowakafwa eenka ceebo ca cibiibi cilya.’ ”


Nacibi boobo bene Isilaeli tabakwe kunyumfwila Mwaami Lesa ndyaakabaambila ayi tabeelete kubwesa cintu nabi comwi mundabala inene ya Jeliko ico ceelete kunyonyoolwa. Akani mwanaakwe Kami, mwishikulu wakwe Sabudi, mucipani cakwe Sela mumukowa wakwe Juda, wakabwesa shintu shimwi. Aboobo Mwaami Lesa wakakalalila bene Isilaeli.


Paciindi ico Joshuwa wakabakonkomesha akubacenjesha ayi, “Uyo woonse eshi akeeleshe kuyaka ndabala inene ya Jeliko alimwi, Mwaami Lesa ulaakumushingana. Uyo woonse eshi akakabe lwiimbi, ulaakufwitwa mwaana wakwiiya musankwa. Uyo woonse eshi akayake minjililo, ulaakufwitwa shikeela musankwa.”


Ulaakumusuna akumupa coolwe cakwaamba ayi mulaakufula akuba abaana baanji. Ulaakupa coolwe myuunda yanu, cakwaamba ayi mulaakuba ashili anga ngamaila, waini alimwi amafuta a olifi. Ulaakumupa coolwe alimwi kwiinda mukumupa ŋombe alimwi ambelele shiinji. Shoolwe shoonse ishi ulaakumupeta mucishi ico ncaakashomesha bamashali banu bakulukulu ayi ulaakumupa.


akwaambila Mose ayi, “Kwiinda mukunyumfwila ndime, nyamuna bamatanjilili boonse bene Isilaeli akubacaya lumwi lubala, lyalo bukali bwangu ndyeshi bumane pali mbabo.”


Sombi ndabonesha lusuno lwangu kushuulu ashuulu sha baabo bansuni akukonkela milawo yangu.


Ceebonshi mulisuni bene Ijipiti baambe ayi, ‘Wakakusha bantu bakwe kuswa mucishi ca Ijipiti kwaamba ayi abacailebo limwi mutulundu akubanyonyoola cakumaninina.’ Mutakalali, amupilule miyeeyo yanu, mutaleti makatasho pabantu banu.


kulilabo na mukanookonkela milawo yakwe yoonse iyo njendamulwiita sunu alimwi akucita nshaasuni.


ayi mukabwese cishi umo mwakalinga bamashali banu bakulukulu. Ulaakumupa coolwe alimwi akumufusha kwiinda bwakalinga bamashali banu bakulukulu.


Mwakashisa bukali bwanu boonse Mwakakasha bukali bwanu bwiindaawo.


Teshi nkacite kweelana abukali bwangu, teshi nkanyonyoolewo Isilaeli alimwi mukwiinga ndi Lesa, kuteshi muntu. Nebo neUsalalite ndi pakati kanu, aboobo teshi nkese kuli ndimwe mubukali bwangu buyoosha.


Lyalo bakatenta ndabala inene iyo yoonse alimwi ashintu shoonse shakalingaamo, kukushakobo shintu sha silifa, golodi, bulonse alimwi asha nshimbi isho nshebakabika munkomwe ya buboni bwa Mwaami Lesa.


Ncakwiila Joshuwa wakatenta ndabala ya Ai akwiilobya, kweelana ambuli mbweebete asunu.


Swiv nou:

Piblisite


Piblisite