Dutolonomi 13:16 - Baibo Busansulushi Bwa Libuku Ili

¹⁶ Kuswawaawo mukabunjike shintu sha bantu ba mundabala umo pamusena ucanika bantu baanji. Lyalo ndabala mukeeteente alimwi ashintu shoonse shiliimo ayi ncipo kuMwaami Lesa. Ndabala iyo ilyeelete kunyonyookelabo limwi, tayeelete kuyakululwa alimwi, sobwe.

Dutolonomi 13:16 Referans Kwoze

Jelemiya 49:2

Sombi ciindi cilaakushikila ndyeshi nkalishe lupeenga lwa nkondo kulwana Laba ndabala inene ya bene Amoni. Ndabala iyo ilaakuba matongo amandabala aishingulukite alaakutentwa. Kuswawaawo bene Isilaeli balaakutandaamo baabo bakalinga babatandaamo. Nebo neMwaami Lesa ndaamba.

Joshuwa 8:28

Ncakwiila Joshuwa wakatenta ndabala ya Ai akwiilobya, kweelana ambuli mbweebete asunu.

Isaya 25:2

Amubone, ndabala inene mweesandula kuba mulwi wa shakapwayoolwa. Ncakwiila mwanyonyoola ndabala yalinga kucite lilinga. Ndabala inene iyi yalinga ciyubilo ca baswamashi, sombi bulya yaloba alimwi teshi ikayakululwewo tubili.

Isaya 17:1

Aya ngamaswi aamba pandabala ya Damasikasi. Mwaami Lesa waamba ayi, “Damasikasi teshi inoocili ndabala inene, sobwe. Bulya ilaakubabo mulwi wa sheesho sha kanyonyoolwa.

Joshuwa 6:24

Lyalo bakatenta ndabala inene iyo yoonse alimwi ashintu shoonse shakalingaamo, kukushakobo shintu sha silifa, golodi, bulonse alimwi asha nshimbi isho nshebakabika munkomwe ya buboni bwa Mwaami Lesa.

Mika 1:6

Paceebo ceeco Mwaami Lesa wakaamba ayi, “Samaliya iyo ndaakwiisandula kuba matongo, musena wakulimaamo minyansa. Mabwe a njiyo ndaakwaasowela mucinyika. Lwiimbi lwa njiyo lulaakucaalabo patuba.

Joshuwa 6:26

Paciindi ico Joshuwa wakabakonkomesha akubacenjesha ayi, “Uyo woonse eshi akeeleshe kuyaka ndabala inene ya Jeliko alimwi, Mwaami Lesa ulaakumushingana. Uyo woonse eshi akakabe lwiimbi, ulaakufwitwa mwaana wakwiiya musankwa. Uyo woonse eshi akayake minjililo, ulaakufwitwa shikeela musankwa.”

Dutolonomi 7:25

Shibumbwabumbwa shabo mukashiteente. Tamweelete kukumbwa silifa agolodi ili pali nshisho alimwi tamweelete kwiibwesa. Na mukacite boobo cilaakumucaisha. Mukwiinga bantu balambila shibumbwabumbwa, balalensha bunya Mwaami Lesa, Lesa wanu.

Dutolonomi 7:26

Kutaleta cibumbwabumbwa nabi comwi muŋanda yanu mukwiinga lishingo lyeenka lili pali nshisho inga lyaba apali ndimwe. Mulyeelete kushipata akushisebaanya mukwiinga Mwaami Lesa wakashishingana.

Esekelo 26:14

Ndaakushiyabo mwaandami apo beshikucaya nswi mpweshi bakanooyanikabo toombe twabo. Teshi ukayakululweewo tubili, Nebo neMwaami Lesa Shinkusu shoonse ndime ndaamba.’

Kulonga 22:19

“Musankwa uli woonse wakumana amunyama ulyeelete kucaikwa.

Joshuwa 6:21

Bakacaya shoonse shakalinga mundabala umo amipeeni yabo, nkokwaamba ayi bantu boonse, basankwa, banakashi, banike abacembele, kubikaawo aŋombe, mbelele alimwi ambongolo ayi shibe cipo kuMwaami Lesa.