Dutolonomi 12:27 - Baibo Busansulushi Bwa Libuku Ili

²⁷ Uko, mukanoobengelako milambu yakabumbulu yeelete kutentelwa pacipaililo ca Mwaami Lesa, Lesa wanu alimwi amilambu iyo njemulyako nyama akutila bulowa pacipaililo.

Dutolonomi 12:27 Referans Kwoze

Bene Lefi 17:11

Buumi bwa cintu cili coonse cuumi buli mubulowa. Anu nceceeco nebo neMwaami Lesa nceŋambila ayi bulowa boonse bunootilwa pacipaililo, kwaamba ayi shibiibi sha bantu shikushikwe. Nkokwaamba ayi bulowa ubo buli mbobuumi, bulakusha shibiibi.

Bene Lefi 1:13

Ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 1:9

Muntu uyo ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 1:5

Lyalo ulaakucaya mucende uyo apo kunembo lyangu neMwaami Lesa. Mpeeke bana bakwe Aloni bapailishi balaakusanseela bulowa mumbasu shoonse shone sha cipaililo cili pamulyango wa Tente.

Bene Lefi 4:30

Kuswawaawo, mupailishi ulaakusumpa munwe wakwe mubulowa bwa munyama uyu, akububika pameeca a mumakonko oonse a cipaililo. Bulowa boonse bweshi bukacaaleewo, ulaakubutila panshi pacipaililo.

Bene Lefi 3:1

“Ono na umwi muntu wapa ŋombe yakwe ayi ncipo ca bwanabwankashi kuli ndime neMwaami Lesa, ulyeelete kuba mucende nabi mpwishi itacite kampenda kali koonse.

Jelemiya 7:21

“Mwaami Lesa Shinkusu shoonse, Lesa wa bene Isilaeli waamba ayi, ‘Amutolelele, musenkanye milambu yanu yakutente amilambu imwi ibengwa, mulye anyama iyo nobeene.