Dutolonomi 11:21 - Baibo Busansulushi Bwa Libuku Ili

²¹ Lyalo mwebo abana banu mulaakwikala nshiku shiinji mucishi Mwaami Lesa, Lesa wanu ncaakashomesha kupa bamashali banu bakulukulu. Mulaakwikala tibili akumamanino acishi.

Dutolonomi 11:21 Referans Kwoze

Tushimpi 4:10

Omwanaangu, kokutika nsheentookwaambila akushikonkela. Lyalo myaaka ya buumi bwako ilaakufula abuumbi.

Tushimpi 3:2

Kwiisha kwangu kulaakukulengesha kwikala buumi bulaamfu abuumbi alimwi kulaakukulengesha kuswitilila mushintu shoonse.

Tushimpi 9:11

Nshiku shako shilaakufula kwiinda muli ndime ayalo myaaka ilaakunungwaako kubuumi bwako.

Kulumbaisha 72:5

Ndaseenga kwaamba ayi mwaami abamulunyungu lwakwe banoolelabo, kushikila lisuba amweenshi shikacileeke kupa mumuni.

Dutolonomi 4:40

Amukonkele milawo yoonse njendamupa sunu. Lyalo shintu shoonse shilaakumweendela kabotu kushikila akubamulunyungu lwanu. Alimwi mulaakutolelela kwikala mucishi ico Mwaami Lesa, Lesa wanu ncatoomupa ayi cibe caanu muyayaya.”

Ciyubululo 20:6

Balicite coolwe alimwi balisalalite abo beshi bakataangune kubushikwa kuswa kubafu. Kuli mbabo, lufu lwabili talucite nkusu, sombi balaakuba bapailishi bakwe Lesa alimwi aKlistu. Lyalo balaakweendelesha pantu pomwi anguwe kwamyaaka ili cuulu.

Isaya 65:20

“Muli njiyo teshi mukabeewo tubili kateta weshi akekalebo nshiku shiniini akufwa, nabi mucembele weshi akafwe kaatana kumana myaaka ya buumi bwakwe. Uyo weshi akafwe kaacitebo myaaka mwaanda, ulaakunoyeeyelwa ayi walinga kucilibo cikula bwangu. Alakwe uyo weshi akafwe kaatana kushika myaaka ili mwaanda, ulaakunooyeeyelwa ayi wakashinganwa.

Tushimpi 3:16

Busongo inga bwakulengesha kuba abuumi bulaamfu, ncakwiila inga bwakulengesha kubila akuba abulemu.

Dutolonomi 5:16

“ ‘Lemeka baiso abanyoko kweelana ambondakaamba nebo neMwaami Lesa, Lesa wanu ayi shintu shoonse shikakweendele kabotu alimwi ayi ukekale nshiku shiinji mucishi ico nebo neMwaami Lesa nceshi nkakupe.

Dutolonomi 6:2

Kulilabo kamucili boomi mwebo abamulunyungu lwanu mulyeelete kulemeka Mwaami Lesa, Lesa wanu akukonkela milasho amilawo yakwe yoonse njeentoomupa, kwaamba ayi mukekaale mucishi ico kwa ciindi cilaamfu.

Dutolonomi 11:9

Mulaakwikala ciindi cilaamfu mucishi muli bubile abulongo bubotu ico Mwaami Lesa ncaakashomesha kupa bamashali banu bakulukulu abamulunyungu lwabo.

Kulumbaisha 89:30

“Sombi na bana bakwe bakakake milawo yangu akukaka kukonkela nshendakaamba,