Dutolonomi 1:43 - Baibo Busansulushi Bwa Libuku Ili

⁴³ Ndakamulwiita Mwaami Lesa mbwaakaamba, sombi tamukwe kunyumfwaawo napaceyi. Mwakakaka mulasho wakwe alimwi mukulisumpula kwanu nobeene mwakaya mucishi ca tulundu mukulwana.

Dutolonomi 1:43 Referans Kwoze

Shakubelenga 14:44

Sombi balo bakatolelela kuya kucishi ca tulundu nakubi kwaamba ayi Libokoshi lya Cipangano talikwe kulonga alimwi aMose takwe kuswa pamisumba.

Milimo ya Batumwi 7:51

“Mwebo nobeshicimpamya! Myoyo yanu ilibo anga nja bantu batashomi muli Lesa alimwi matwi anu taanyumfwi makani akwe! Mulikoshenyebo abamashali banu bakulukulu mukwiinga amwebo tamunyumfwili Mushimu Usalashi!

Isaya 63:10

Nakubi boobo bakamwaashukila akukalasha Mushimu wakwe Usalashi. Aboobo wakabaalookila akuba mulwani wabo ncakwiila wakabalwana mwiine.

Shakubelenga 14:40

Pabushiku bwakaboolaawo macuunsa, bakanyamuka ayi bakakome cishi ca tulundu. Mpeeke bakaamba ayi, “Ono bulya tulilibambite kuya kumusena uyo Mwaami Lesa ngwaakatulasha. Ee, ncakwiila twakabisha.”

Shakubelenga 15:30

“Sombi muntu uli woonse ubisha kashanga, mwine Isilaeli nabi muswamashi, ulyeelete kuba amulandu wakuncobola nebo neMwaami Lesa. Aboobo ulyeelete kukushikwa kubantu bangu,

Dutolonomi 17:12

Uyo woonse weshi akanyanshe moomboloshi nabi mupailishi utoosebensa kunembo lya Mwaami Lesa, Lesa wanu ulyeelete kucaikwa. Munshila iyi mulaakukusha bubi ubu pakati ka bene Isilaeli.

Dutolonomi 1:26

“Sombi mwakakaka mulasho wa Mwaami Lesa, Lesa wanu. Ncakwiila mwakakaka kwinjila mucishi ico.