Dutolonomi 1:32 - Baibo Busansulushi Bwa Libuku Ili

³² Ono nakubi kwaamba ayi ndakamulwiita boobo, tamukwe kukonsha kushoma Mwaami Lesa, Lesa wanu.

Dutolonomi 1:32 Referans Kwoze

Kulumbaisha 106:24

Mpomunyaawo bakanyansha cishi ico cibotu abuumbi, mukwiinga tabakwe kushoma kushomesha kwakwe Lesa.

Judi 1:5

Ono ndisuni kumwiibalusha makani amwi, nakubi kwaamba ayi mulyeeshi kale. Mwaami wakafuna bene Isilaeli kuswa muIjipiti, sombi kunembo wakanyonyoola baabo boonse batakwe kumushoma.

Bene Ebulu 3:12

Nobamakwesu, amucenjele kwaamba ayi mutabi muntu nabi womwi mulikoto lyanu, ucite moyo ubiibi alimwi utashomi, weenga wamukusha kuli Lesa muumi.

Kulumbaisha 78:22

Shakacitika mukwiinga tabakwe kumushoma nabi kucinka manungo mulupulusho lwakwe.

Isaya 7:9

Cishi ca Isilaeli taciindiwo nkusu paSamaliya ndabala inene iindaawo ya ncico. Ayalo ndabala ya Samaliya tayiindiwo nkusu pamwaami Peka mwanaakwe Lemaliya. Ono na awebo ubule kuyuma mulushomo, ncakwiila teshi ukakomewo, sobwe.’ ”

2 Makani 20:20

Macuunsacuunsa bushiku bwakaboolaawo bantu bakaya kuLuyanga lwa Tekowa. Ndibakalinga kutalika kweenda, Jeoshafati wakaamba ayi, “Nobene Juda abene Jelusalemu! Amucinke manungo muMwaami Lesa, Lesa wanu, mulaakwiimikanabo nta. Kamushoma shimulwiita balaluki, mulanooswitilila.”

Bene Ebulu 4:2

Mukwiinga aswebo twakanyumfwa Makani Abotu bweenka mbuli mbabo. Sombi taaku bubotu mbobakacanaamo mukwiinga bakanyumfwabo, ono tabakwe kushoma.

Shakubelenga 14:11

Mpomunyaawo Mwaami Lesa wakaambila Mose ayi, “Ino bantu aba batootola ciindi cilaamfu buyani kabankaka? Ino batootola ciindi cilaamfu buyani kabacikaka kushoma muli ndime, nakubi kwaamba ayi ndacita shaankamiko shiinji pali mbabo?