Danyelo 9:4 - Baibo Busansulushi Bwa Libuku Ili

⁴ Ndakapaila kuMwaami Lesa, Lesa wangu akulyaambilila shibiibi sha bene misheesu ayi, “NoBaami baLesa, mulicite nkusu alimwi tulamulemeka. Mulashomeka kucipangano canu alimwi mulatondesha lusuno lwanu lutamaani kubaabo bamusuni alimwi banyumfwila milawo yanu.

Danyelo 9:4 Referans Kwoze

Bene Loma 8:28

Tulishi kwaamba ayi Lesa shintu shoonse ulasheensha kabotu kubaabo bamusuni, nkokwaamba ayi abo bantu mbwaakeeta kweelana akubamba kwakwe.

Kulonga 20:6

Sombi ndabonesha lusuno lwangu kushuulu ashuulu sha baabo bansuni akukonkela milawo yangu.

Dutolonomi 5:10

Sombi ndabonesha lusuno lwangu kushuulu ashuulu sha baabo bansuni akukonkela milawo yangu.

2 Makani 7:14

ono na bantu bangu beetwa muliina lyangu balibombya, bapaila, banambila akusanduka kuswa kushibiibi shabo, lyalo nebo ndaakubanyumfwa kwiculu, kulekelela shibiibi shabo akulengesha cishi cabo kubila alimwi.

Neyemiya 9:32

“Ono nobaLesa besu, ncakwiila muli baLesa beshinkusu, mulalemekwa alimwi mulakankamika abuumbi! Mulacita kweelana acipangano canu ca lusuno. Twapeenga abuumbi kuswa kuciindi bamaami ba bene Asilya ndibakatulyatila kushikila asunu. Bamaami besu, bamatanjilili, bapailishi, balaluki, bamashali besu bakulukulu abantu besu bamwi boonse bapenga abuumbi. Ono amwiibaluke mbotwakapenshekwa!

Dutolonomi 7:9

Amwiibaluke kwaamba ayi Mwaami Lesa, Lesa wanu ngoLesa eenkabo alimwi ulashomeka. Ulaakubamba cipangano cakwe akutondesha lusuno lwakwe luli mushobo womwi lyoonse kushikila akumashalane ali cuulu abantu bamusuni alimwi bakonkela milawo yakwe.

1 Baami 8:23

wapaila ayi, “NoBaami baLesa, baLesa ba bene Isilaeli, taaku lesa uli mbuli ndimwe mwiculu nabi pacishi ca panshi! Mwebo mulacita kweelana acipangano ncemwapanga abantu banu, akubabonesha lusuno lwanu na bekala mukunyumfwila ndimwe camoyo woonse.

Kulumbaisha 32:5

Lyalo ndakasumina shibiibi shangu kuli ndimwe, alimwi nshikwe kushisa milandu yangu yoonse. Ndakaamba ayi, “Ntoolyaambilila shibiibi shangu kuli ndimwe noBaami baLesa,” ncakwiila mwakalekelela milandu yakubisha kwangu yoonse.

Dutolonomi 7:21

Aboobo mutabaloondi, Mwaami Lesa, Lesa wanu uli amwebo. NguLesa wiindaawo alimwi weelete kuloondwa.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

Jemusi 1:12

Ulicite coolwe uyo utolelela kushoma na weeleshekwa mukwiinga na wakoma masunko, ulaakutambula mushini wa buumi butamaani uyo Lesa ngwaakashomesha baabo bamusuni.

Luka 1:72

Wakaamba ayi ulaakunyumfwila nkumbu bamashali besu bakulukulu alimwi teshi akalubeeko cipangano cakwe cisalalite.

Jelemiya 3:13

Citooyandikabo nkusumina mulandu wako. Webo wakaashukila ndime neMwaami Lesa, Lesa wako. Wakalinga kubikila maano balesa beensu munshaashisamu shoonse shicite shimfule shibotu. Mukucita boobo tewakalinga kunyumfwila. Nebo neMwaami Lesa ndaamba.’ ”

Neyemiya 1:5

Ndakapaila ayi, “NoBaami baLesa, baLesa ba kwiculu, nobaLesa banene, nomulemekwa, mulalama cipangano ca lusuno kuli baabo bamusuni alimwi bakonkela milawo yanu.

Esila 10:1

Ono Esila ndyaakalinga kupaila akulyaambilila shibiibi, kaalila akuliwaala panshi kunembo lya Ŋanda yakwe Lesa, likoto linene lya bene Isilaeli, nkokwaamba ayi basankwa, banakashi alimwi abanike bakabungana kumushinguluka. Abalo bakalila abuumbi.

Danyelo 6:10

Danyelo ndyaakanyumfwa ayi mwaami wapanga mulawo uyo, wakenjila mucipinda ca peculu ca ŋanda yakwe apo pakalinga mbwelyo yakalinga kulangite kundabala ya Jelusalemu. Wakalinga kufukama mankanda otatwe pabushiku akupaila mukulumba Lesa wakwe bweenka mbwaakalinga kucita kuswabo kalekale.

Danyelo 9:3

Mpeeke ndakapaila kuMwaami Lesa cakulyaaba, kumukombelela kwiinda mukulikasha kulya, kufwala masaka akwikala mumilota.

Dutolonomi 7:12

“Na munyumfwe akukukonkela milawo iyi cakushomeka, Mwaami Lesa wanu ulaakutolelela kulama cipangano cakwe amwebo alimwi ulaakumutondesha lusuno lwakwe ulo lubabo mushobo womwi lyoonse, bweenka mbwaakashomesha bamashali banu bakulukulu.

Jelemiya 32:23

Sombi balo ndibakesa mucishi ico akucibwesa ayi ncabo, tabakwe kukonkela milawo yanu nabi kwikala kweelana akwiisha kwanu. Taaku nabi comwi ncebakacitaawo pasheesho nshemwaakabaambila ayi banoocita. Paceebo ceeco, mwakaleta mapensho a mushobo uyu pakati kabo.