Danyelo 9:24 - Baibo Busansulushi Bwa Libuku Ili

²⁴ “Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Danyelo 9:24 Referans Kwoze

Bene Loma 5:10

Twakalinga balwani bakwe Lesa, sombi wakatucita kwaamba ayi tube beshicibusanyina kwiinda mulufu lwa Mwanaakwe. Ono mbotuli beshicibusanyina, tulishinishite kwaamba ayi ulaakutupulusha ceebo ngumuumi.

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Shakubelenga 14:34

Mulaakupenshekwa kwamyaaka ili makumi one ceebo ca kubisha kwanu, nkokwaamba ayi mwaaka womwi ulaakunokwiimikanina bushiku bomwi panshiku shili makumi one nshemwakasowa pakubona cishi. Lyalo mulaakwishiba mbocaamba na nebo ndamwaalookila!

Bene Lefi 25:8

“Mubelenge myaaka yosanwe ayobilo akwiifusha mankanda osanwe awobilo, nkokwaamba ayi pantu pomwi myaaka ilaakuba makumi one ayosanwe alimwi ayone.

Milimo ya Batumwi 3:22

Ceebo Mose wakaamba ayi, ‘Mwaami Lesa wanu ulaakumutumina mulaluki wa mumushobo wanu bweenka mbuli mbwaakantuma. Mulyeelete kunyumfwila shintu shoonse nsheshi akamulwiite.

Isaya 56:1

Mwaami Lesa utokwaambila bantu bakwe ayi, “Kamoombolosha cakutanyengelela akucita shiluleme ceebo ndipafwaafwi kumupulusha. Bululami bwangu buli pafwaafwi kuyubululwa.

Isaya 51:6

Ono amulange kwiculu, mulange apacishi ca panshi. Liculu lilaakushiminganabo anga mbwiishi. Cishi ca panshi cilaakusansookabo anga ncakufwala abalo abo bekalaamo, balaakumana kufwabo anga mbaloonshi. Sombi lupulusho lwangu ndwalyoonse alyoonse alimwi kufuna kwanu teshi kukeelebo waawo peenka, sobwe.

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Isaya 51:8

Balaakunyonyookabo anga ncakufwala calikwa muswa. Sombi lupulusho lwangu ndwalyoonse alyoonse alimwi kufuna kwangu teshi kukeelebo waawo peenka, sobwe.”

Kulumbaisha 45:7

Mwebo ncemusunibo mbululami, sombi bubi mulibupatite. Nceceeco Lesa, Lesa wanu ncaakamusalila, akumupa kusangalala kwiindaawo, pabamaami bamwi boonse.

Ciyubululo 14:6

Mpomunyaawo ndakabona munjelo aumwi kaauluka mwiculu mwiine mwiine. Wakalinga kucite makani abotu atamaani kwaamba ayi akashimikile bantu ba mucishi ca panshi, kubantu bacite shikanda shipusenepusene, mikowa yoonse, milaka yoonse alimwi akumishobo yoonse.

Bene Ebulu 2:17

Nkokwaamba ayi wakaba mbuli bamakwabo munshila shoonse, kwaamba ayi abe Mupailishi wabo Munene, ushomeka alimwi shinkumbu, mukusebensela Lesa ayi shibiibi sha bantu shilekelelwe.

Esekelo 4:6

“Nshiku ishi shaakwiinda, ukoone alimwi. Ono ukasanduluke akoonena kulubasu lwalulyo akunyamuna shibiibi sha mushobo wa bene Juda kwanshiku shili 40. Nkokwaamba ayi bushiku bomwi bunanokwiimikanina mwaaka womwi wa mulandu wabo.

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.

Bene Ebulu 9:26

mukwiinga ubo naakalinga kupenshekwa lyoonse, kuswa kumalengelo a cishi. Sombi wakabonekabo linkanda lyomwi kwiimikanina boonse mulishalane lino lya mamanino, kwaamba ayi akushe shibiibi kwiinda mukulibenga kwakwe.

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

2 Makani 29:24

Lyalo bapailishi bakacaya mpongo isho akutila bulowa bwa nshisho pacipaililo ayi ngumulambu wakulekelelwa shibiibi sha bantu boonse. Bakacita boobo mukwiinga mwaami wakaambilisha ayi bene Isilaeli boonse babengelwe milambu yakutenta alimwi ayakulekelelwa shibiibi.

1 Joni 3:8

Uyo woonse ucita shibiibi uli kulubasu lwa Mubiibi ceebo lakwe Mubiibi ulabisha kuswabo kumatalikilo. Mwanaakwe Lesa wakeshita mukunyonyoola sheeshi sheenka shicita Mubiibi.

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

Bene Ebulu 10:14

Kwiinda mukulibenga linkanda lyomwi, wakalengesha kwaamba ayi abo mbwaasalasha kuswa kushibiibi shabo, banoosalalitebo cancinencine lyoonse.

Bene Ebulu 7:26

Jesu anu ngoMupailishi Munene utucafwa munshila shoonse shiyandika. Ulisalalite alimwi taacite kampenda nabi bubi muli nguwe. Wakapusanishikwa abamucita shibi alimwi wakasumpulwa kwiinda shoonse sha kwiculu.

Bene Kolose 2:14

Wakashiminganya milandu yesu alimwi aMilawo ya njiyo yoonse, akwiimanisha kwiinda mukwiipopa pamucilingano.

Bene Kolose 1:20

Kwiinda muMwanaakwe uyo, Lesa wakaboosha cibusa cakalinga pali nguwe alimwi ashintu shoonse, sha pacishi ca panshi alimwi akwiculu. Wakaleta luumuno kwiinda mulufu lwa Mwanaakwe pamucilingano.

Milimo ya Batumwi 3:14

Jesu wakalinga muntu usalalite alimwi ululeme. Sombi mwebo mwakamukaka akusenga Pilato ayi amwaangulwite mucayi.

Joni 1:41

Cintu citaanshi ncaakacita Andulu, nkubona Simoni akumwaambila ayi, “Twamucana Klistu.” (Ili liina lilaamba ayi “Usalitwe wakwe Lesa.”)

Luka 1:35

Munjelo wakakumbula ayi, “Mushimu Usalashi ulaakwisa pali ndiwe ankusu shakwe Lesa wiindaawo shilaakukufwekelela. Aboobo mwaana usalalite eshi akashalwe, ulaakunokwiitwa ayi Mwanaakwe Lesa.

Maako 1:24

“Anu twamucitanshi mwebo nobaJesu ba kuNasaleti? Sa mwesa mukutunyonyoola? Ndimwishi, ndimwe wooyo Usalalite uswa kuli Lesa!”

Mateyo 11:13

Mukwiinga kwiisha kwa balaluki bakulukulu alimwi aMilawo yakwe Mose, shoonse shakalinga kwaamba paBweene kushikila Joni ndyaakesa.

Mateyo 1:21

Ulaakushala mwaana musankwa, ukamutuumbe liina ayi Jesu, mukwiinga ngweshi akapulushe bantu bakwe kuswa kushibiibi shabo.”

Esekelo 28:12

“Webo omuntu, imba lwiimbo lwa buumba pamwaami wa Taya umwaambile ayi nebo neMwaami Lesa Shinkusu shoonse ndaamba ayi, ‘Wakalinga citondesho ca bubotu bwancinencine, kooswite busongo alimwi akuboneka kabotu.

Malilo 4:22

Nobene Siyoni, mulandu wanu wamana. Mwaami Lesa teshi akamulekele mubusha. Sombi mwebo nobene Edomu utoomupa mulandu. Ncakwiila micito yanu ibiibi ulaakwiibika patuba.

Bene Lefi 8:15

Mose wakacaya mucende uyo, wabwesa bulowa bumwi akusebensesha munwe wakwe pakunanika kumeeca a mumakonko one a cipaililo, kwaamba ayi acibenge kuMwaami Lesa. Bulowa bumwi boonse wakabutila panshi lya cipaililo. Munshila iyi wakacibenga alimwi akucisalasha.

Bene Filipi 3:9

alimwi akucanika muli nguwe. Nshiliyeeyeli kwaamba ayi ndiluleme kwiinda mukukonkela Milawo, sombi bululami bwangu bulacanika kwiinda mukushoma Klistu. Bululami ubu buswa kuli Lesa bulapekwa kwiinda mulushomo.

Mateyo 4:5

Kuswawaawo Mubiibi uyo wakatola Jesu kuJelusalemu, ndabala inene isalalite, akumubika pakansunswa ka ciluli ca Ŋanda yakwe Lesa.

Luka 21:22

Mukwiinga ici cilaakuba ciindi Lesa ndyeshi akaboneshe bantu bakwe ayi bakabisha kwaamba ayi shoonse shilembetwe muMalembo akwe Lesa shicitike cancinencine.

Milimo ya Batumwi 4:26

Bamaami ba pacishi bakalibambila, abalo beendeleshi bakabungana pantu pomwi ayi babukile Mwaami Lesa alimwi aUsalitwe wakwe.’

Esekelo 4:5

Ntookupa mweelo wa nshiku shakunyamuna shibiibi isho weelene amyaaka yakubisha kwabo. Nkokwaamba ayi ulaakunyamuna shibiibi sha bene Isilaeli kwanshiku shili 390.

Sekaliya 4:14

Mpeeke wakaamba ayi, “Aba mbobantu bobilo abo Mwaami Lesa wa cishi ca panshi coonse mbwaakasala akunanika mafuta ayi bakanoomusebensela.”

Isaya 42:4

Teshi akatonsheewo nabi kutyongola kushikila akalengeshe koombolosha cakutanyengelela kwikalilila pacishi ca panshi. Ncakwiila bamushishi sha muloombe lwa lweenge boonse batoolangila kwiisha kwakwe.”