Danyelo 8:8 - Baibo Busansulushi Bwa Libuku Ili

⁸ Mpongo iyo yakaba abulemu buunji, sombi keecicite bulemu buunji, liica lya njiyo linene lyakatyolwa. Mumusena wa ndilyo, mwakamena meeca anene amwi one. Lyomwi alyomwi lyakalanga kulubasu lwa ndilyo.

Danyelo 8:8 Referans Kwoze

Danyelo 7:2

Ndakalemba ayi, “Muciloto cangu mashiku ndakalanga akubona myuuwo yone keepuupa kuswa kumbasu shoonse akufundaanya maanshi a mulweenge lulaamfu.

Ciyubululo 7:1

Kuswawaawo ndakabona baanjelo bone kabeemfwi mumbasu shone sha cishi ca panshi. Bakalinga kukasha myuuwo yone kwaamba ayi itapuupili mucishi ca panshi, mulweenge nabi kucisamu cili coonse.

Danyelo 8:22

Meeca one ayo akaswa liica lyakutaanguna ndilyakatyolwa, aleemikanina malelo one eshi akaswe mumushobo wa mwaami uyo. Sombi malelo ayo teshi akabe ankusu sheelene abulelo bwakutaanguna.

Danyelo 8:5

Kaanciyeeya pacikani ico, cakuteengashila mpongo yakaswa kulubasu lwa kumbo, keecica cakutalyata panshi. Mpongo iyo yakalinga kucite liica lyomwi linene pakati ka meenso a njiyo.

Danyelo 5:20

Sombi ndibakatalika kulisumpula, kuba beshicimpamya alimwi beshilunkutwe bakakushikwa pacuuna ca bwaami akuswa pamusena wa bulemu.

2 Makani 26:16

Mwaami Usiya ndyaakaba ankusu abulemu, wakatalika kulisumpula. Ico cakalengesha bwaami bwakwe kuboola panshi. Wakabisha kuMwaami Lesa, Lesa wakwe mukuya muŊanda yakwe akutenta tununkila kabotu pacipaililo ca ntuto.

Maako 13:27

Lyalo MwanaaMuntu ulaakutuma baanjelo kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Mateyo 24:31

Kulaakunyumfwika lupeenga lwa nkusu, lyalo ulaakutuma baanjelo bakwe kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Danyelo 11:4

Pesule lyakuba ankusu shiinji, bulelo bwakwe bulaakubaanikamo shipansha shone. Lyalo bamaami abo bateshi bamulunyungu lwakwe balaakunoolela mumusena wakwe. Sombi teshi bakabe ankusu sheelene ankusu shakwe. Ncakwiila bulelo bwakwe bulaakunyaikwa kuli nguwe akupekwa kubamwi.

Danyelo 7:6

“Kaanceebela ndakabona munyama umwi wakalinga kuboneka anga ngushiluwe. Pamusana wakwe pakalinga mapapaminwa one ali anga nga muyuni. Wakalinga kucite mitwi yone alimwi wakapekwa nkusu abulemu bwakulela.

Danyelo 4:31

Kaacilyaamboosha, kwakanyumfwika liswi kalyaamba kuswa kwiculu ayi, “Omwaami Nebukadinesa, kutika nsheentooyanda kwaamba. Bulya wanyaikwa nkusu shako sha bwaami.

Esekelo 28:9

Sa ulaakunoocaamba ayi uli lesa pameenso abeshikukucaya? Ulaakunooli muntubo, kuteshi lesa mumaansa a baabo beshi bakakucaaye.

Esekelo 16:7

Ndakakulengesha kukomena kabotu anga cishango ca mumuunda. Wakakomena waba ankusu akuba mooye wiindaawo kubota. Wakamena nkolo amisusu yakalaampa, nakubi boobo wakalinga kweendabo matakosha.

Jelemiya 5:27

Ono bweenka mbuli shikuteya tuyuni mbwaasusha cinsangala atuyuni, mbweeke ubo maandaabo mbwaaswite shintu shakusaala. Ncakwiila bakabila akuba ankusu shiinji.

Esita 9:4

Ono cakapuka mubwaami bwakwe Sakisesi boonse ayi Modekayi wakaba munene muŋanda ya bwaami alimwi nkusu shakwe shakalinga kuya bufulilaako.

Dutolonomi 31:20

Nebo pakubashisha mucishi umo muli bubile abulongo bubotu ico ncendakashomesha bamashali babo bakulukulu, balaakutalika kulambila balesa bamwi. Balaakunkaka akupwaya cipangano cili pakati pali mbabo anebo, mukwiinga balaakunoolyatabo mushakulya.

Jelemiya 49:36

Ndaakulengesha muuwo kupuupa pacishi ca Elamu kuswa kumbasu shoonse shone. Ndaakupalanganya bantu bekalaamo kumbasu shoonse kushikila kukabule acishi nabi comwi uko bene Elamu beshi bakacice nkondo nkweshi bakabule kuya.

Danyelo 8:7

Ndakeebela mpongo iyo ndiyakalwana mbelele isankwa iyo. Mpongo iyo yakalinga kukalalite abuumbi cakwaamba ayi yakapunka mbelele iyo akutyoloola meeca a njiyo obilo. Kuswawaawo mbelele yakabula nkusu shakwiilwana. Mpongo iyo yakashindikila mbelele iyo panshi akwiilyatoola. Taaku wakalinga kukonsha kwiifuna kunkusu sha mpongo.