Danyelo 8:15 - Baibo Busansulushi Bwa Libuku Ili

¹⁵ Ono nebo neDanyelo kaanceebela cili anga nciloto ico akweelesha kwishiba ncecaamba, cakuteengashila ndakabona muntu wakeemikana kunembo lyangu.

Danyelo 8:15 Referans Kwoze

Danyelo 10:16

Lyalo munjelo uyo wakalinga kuboneka anga ngumuntu, wakatambika lyaansa lyakwe akunkumya kumilomo, lyalo ndakatalika kwaamba. Mpomunyaawo ndakamwaambila, “Nkambo, cili anga nciloto ici canengesha kubula nkusu abuumbi, aboobo nshikoonshi kucileka kututuma.

Ciyubululo 1:13

Ono pakati ka nshisho, pakalinga kuboneka anga pali muntu, ufwete cisani cakalinga kushika kumyeendo alimwi alaamba wa golodi pacaamba.

Danyelo 10:18

Mpeeke munjelo uyo wakancata alimwi, lyalo nkusu shangu shakaboolaamo.

Ciyubululo 13:18

Apa palisunikwi busongo. Uyo woonse ucite maano inga weshiba nambala ya munyama uyu nceipandulula mukwiinga ileemikanina liina lya muntu. Nambala ya munyama uyu ngu 666.

Maako 13:14

“Na mukabone Cintu cilya Ciloondesha ico cibisha kaciimfwi pamusena mpociteelete kuba, (utoobelenga anyumfwishishe), lyalo abo bali kuJudeya bakacicile kutulundu.

Maako 4:12

kwaamba ayi, ‘Balangishishe, sombi bataboneshi, bakutikishe, sombi batanyumfwishishi, mukwiinga inga basandukila kuli Lesa alakwe inga wabalekelela.’ ”

Mateyo 24:30

Lyalo kulaakuboneka citondesho ca MwanaaMuntu mwiculu, mpeeke bantu ba mishobo yoonse ya pacishi ca panshi balaakulila, ndyeshi bakabone MwanaaMuntu keesa mumakumbi ankusu alimwi abulemu bukankamika.

Mateyo 24:15

“Aboobo, na mukabone Cintu cilya Ciloondesha ico ncaakaamba mulaluki mukulukulu Danyelo, kaciimfwi paMusena Usalalite (utoobelenga anyumfwishishe),

Mateyo 13:36

Mpomunyaawo Jesu wakashiya bantu baanji balya akwinjila muŋanda. Mpeeke bashikwiiya bakwe bakaya mukumusenga ayi, “Amutupandulwite cikoshanyo ca nsaku ya misonde mumuunda wa maila.”

Danyelo 12:8

Ndakanyumfwa nshaakaamba, sombi nshikwe kushinyumfwisha. Mpeeke ndakeepusha ayi, “Nkambo, anu shintu shoonse ishi shilaakweela buyani.”

Danyelo 10:5

Ndakeenamuka akubona muntu wakalinga kufwete shakufwala sha nsalu iteshimite alimwi alamba wa golodi wiine wiine kaaimfwi kunembo lyangu.

Danyelo 7:28

“Ono makani ayo mpaaela peenka apa. Nebo neDanyelo ndakapenshekwa abuumbi mumoyo alimwi ciwa cangu cakasanduka kuboowa, sombi makani ayo ndakaaumunabo.”

Danyelo 7:13

“Muciindi ca cili anga nciloto ico mashiku, ndakabona wakalinga kuboneka anga ngumwanaamuntu keesa mumakumbi a kwiculu. Ndyaakashika pafwaafwi, wakatondeshekwa kuli Lesa walyoonse alyoonse.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Joshuwa 5:14

Lakwe wakakumbula ayi, “Nshibete kulubasu lwanu nabi kulubasu lwa balwani banu, sombi nebo ndi mutanjilili wa bashilumamba ba Mwaami Lesa.” Lyalo Joshuwa wakafubama mukumulambila akumwiipusha ayi, “Nkambo, ino ngamaswinshi ngomwaletela ndime nemusebenshi wanu?”

Danyelo 8:1

Mumwaaka watatu wa bwaami bwakwe Beloshasa, nebo neDanyelo ndakabona cili anga nciloto cabili.

Danyelo 8:19

Mpomunyaawo wakaamba ayi, “Ntookulwiita ceshi cikacitike kunembo muciindi ca bukali bwakwe Lesa. Cili anga nciloto citootondeka kuciindi ca meelelesho.

Sekaliya 1:9

Ono ndakeepusha ayi, “Nkambo, ino maaki aya atokwaambanshi?” Munjelo uyo wakalinga kubandika anebo wakankumbula ayi, “Ntookubonesha ncaatokwaamba.”