Danyelo 7:5 - Baibo Busansulushi Bwa Libuku Ili

⁵ “Munyama wabili wakalinga kuboneka anga ngubeya kaaimfwi amyeendo yakwisule. Munyama uyo wakalinga kucatite mapinga otatwe mumeeno akwe. Ono liswi lyakamwaambila ayi, ‘Tolelela kulya nyama iinji tibili ukute.’

Danyelo 7:5 Referans Kwoze

Danyelo 2:39

“Kuswa kubulelo bwanu, bulelo bumwi bulaakubuka. Bulelo ubo teshi bukanokweelene nkusu abwaanu. Kuswa boobo kulaakwisa bulelo bwatatu ubo bwakeemikaninwa abulonse. Bulelo ubo bulaakulela cishi coonse ca panshi.

Osiya 13:8

Ndaakumulwana anga ngubeya utoolangoola mwanaakwe. Ndaakumukwamoona. Ndaakumunyonyoola mpomunyaawo anga ninkalamu itoolya munyama. Ncakwiila ndaakumukwamoona anga ngumunyama wa muluundu.

Danyelo 11:2

Mpeeke munjelo uyo wakaamba ayi, “Ono ntookulwiita lushinisho. Bamaami bamwi botatwe balaakuboneka mucishi ca Pesha. Pesule mwaami wane ulaakubakonkela. Lakwe ulaakuba mubile kwiinda mbabo boonse. Aakuba abulemu kwiinda mububoni bwakwe, ulaakuyungoola bantu boonse ayi balwane bulelo bwa bene Gilisi.

Danyelo 5:28

“PASINI, nkwaamba ayi bulelo bwanu bwabaanishikwa akupekwa kubene Mediya alimwi abene Pesha.”

Isaya 56:9

Mwaami Lesa waambila baswamashi ayi, “Mwebo noonse nobanyama bamuluundu, ee, mwebo noonse nobanyama bamumusaansa! Kamwisa mucate bantu aba akubakwamoona.

Tushimpi 17:12

Ncibotu kukumana abeya wabweselwa baana, kwiinda kucana muluya kaacita shabuluya.

2 Baami 2:24

Elisha wakapiluluka wabalangilisha akubashingana muliina lya Mwaami Lesa. Mpeeke kwakesa bashiluwe banene bobilo bakaswa muluundu akuluma bacikula bwangu bali 42 pakati kabo.

Ciyubululo 13:2

Munyama uyo wakalinga kuboneka anga ngushiluwe. Shimpanta shakwe shakalinga anga nsha suntwe munene. Awalo mulomo wakalinga anga ngwa nkalamu. Mpomunyaawo shinshimwe uyo wakapa munyama uyu nkusu shakwe, cuuna cakwe ca bwaami alimwi ankusu shakwe shakweendelesha shoonse.

Danyelo 7:4

Mutaanshi wakalinga anga ninkalamu alimwi wakalinga kucite mapapaminwa anga ngumumbankwashi. Kaanceebela, mapapaminwa ayo akasutulwaako. Lyalo munyama wakanyamunwa akulengeshekwa kwiimikana anga ngumuntu. Mpomunyaawo wakapekwa kalango ka buntu.

Danyelo 7:6

“Kaanceebela ndakabona munyama umwi wakalinga kuboneka anga ngushiluwe. Pamusana wakwe pakalinga mapapaminwa one ali anga nga muyuni. Wakalinga kucite mitwi yone alimwi wakapekwa nkusu abulemu bwakulela.