Danyelo 7:25 - Baibo Busansulushi Bwa Libuku Ili

²⁵ Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Danyelo 7:25 Referans Kwoze

Ciyubululo 12:14

Mwanakashi uyo wakapekwa mapapaminwa obilo a mumbankwashi kwaamba ayi oolukile kuluyanga kumusena wakwe uko nkweshi akalamwe kabotu kwamyaaka ili yotatwe amusa, kuloonda shinshimwe.

2 Bene Tesalonika 2:4

Muntu uyo ulaakupikisha shoonse shiitwa ayi balesa nabi isho bantu nshebapaila alimwi ulaakuliyeeyela kwiindaawo nkusu pasheesho shoonse. Ulaakwiinjila akwikala muŊanda yakwe Lesa kaalibanda ayi, “Ndime Lesa.”

Danyelo 12:7

Munjelo uyo wakalinga kufwete shakufwala sha nsalu iteshimite alimwi uyo wakalinga kwiimfwi peculu lya maanshi wakatambika maansa obilo oonse kwiculu. Lyalo ndakamunyumfwa kaashomesha cakulumbila muliina lyakwe Lesa waLyoonse alyoonse ayi, “Ciindi ico cilaakuba ca myaaka yotatwe amusa. Mapensho eshi akese pabantu bakwe Lesa aakumana, shintu shoonse ishi shilaakwiinda.”

Ciyubululo 12:6

Mwanakashi lakwe wakacicila muluyanga, umo muli musena wakamubambila Lesa. Nkomunya uko ulaakulamwa kabotu kwanshiku shili cuulu amyaanda yobilo alimwi anshiiku shili makumi osanwe alyomwi.

Danyelo 2:21

Ulasandula nshiku ashiindi sha mumwaaka. Ulabika bantu pabwaami alimwi akubakushaawo. Ulapa busongo amaano akunyumfwisha shintu.

Ciyubululo 18:24

Ndabala inene ya Babiloni yakapekwa mulandu ceebo ca bulowa bwa balaluki alimwi abwa bashomi boonse bwakacanika mumo. Ee, abulowa bwa bantu boonse bakacaikwa mucishi ca panshi.

Danyelo 7:20

Peculu lya waawo ndakalinga kusuni kwishiba shameeca likumi ayo akalinga pamutwi wakwe alimwi ashakaliica ako kakaswa pesule akutupula meeca amwi otatwe. Ee, ndakalinga kusuni kwishiba shakaliica, ako kakalinga kucite meenso a muntu amulomo wakalinga kwaamba cakulisumpula, ako kakalinga kuloondesha kwiinda meeca amwi oonse.

Isaya 37:23

Ngani ngowalinga kutukana akucobola? Ngani ngootookalookila akusaamuna meenso cakulisumpula? Sa te ngooyo Usalalite wa bene Isilaeli?

Danyelo 7:8

Ndindakalinga kuyeeya pameeca ayo, ndakabona kaliica kaniini kakaswa pakati ka meeca amwi. Pakuswa kakatupula meeca amwi otatwe ayo akalingaawo kale. Kaliica ako kakalinga kucite meenso a muntu amulomo wakalinga kwaamba cakulisumpula.

Ciyubululo 17:6

Mpeeke ndakabona kwaamba ayi mwanakashi uyu wakalinga kukoletwe bulowa bwa bashomi alimwi bwa baabo bakacaikwa ceebo ca kushoma muli Jesu. Ndindakabona boobo, ndakakankamana abuumbi.

Ciyubululo 14:12

Nkokwaamba ayi ncibotu bashomi kutaboola pesule, abo bakonkela milawo yakwe Lesa alimwi akushomeka muli Jesu.

Danyelo 11:28

Mwaami wa bene Silya ulaakuboolela kumishaabo abuboni buunji ubo mbweshi akasaale, sombi kaacisuni kunyonyoola kupaila kwa bantu bakwe Lesa. Ulaakucita mbuli mbwaasuni akuboolela kumishaabo.

Ciyubululo 16:6

Mukwiinga bantu bakatila bulowa bwa bashomi alimwi abalaluki bakulukulu, nceceeco ncemwabapeta bulowa ayi banwe. Cilibo kabotu ceebo batambula cibeelete!”

Danyelo 4:25

Mulaakutandaanishikwa kuswa pakati ka bantu akuya mukwikala abanyama bamuluundu. Mulaakunoolya bwiisu anga niŋombe alimwi mume kuswa kwiculu ulaakunoomutontosha. Cilaakuba boobo kushikila myaaka yosanwe amyaaka yobilo ikeende. Kuswawaawo ndyeshi mukasumine ayi Mwaami Lesa wa kwiculu Wiindaawo ngomwaami pamalelo a bantu alimwi ngooapa kubantu abo mbwaasuni.

Danyelo 4:32

Ulaakutandaanishikwa kuswa pakati ka bantu akuya mukwikala abanyama bamuluundu. Ulaakunoolya bwiisu anga niŋombe kwamyaaka yosanwe amyaaka yobilo. Kuswawaawo ulaakusumina ayi Mwaami Lesa wa kwiculu Wiindaawo ngomwaami pamalelo a bantu alimwi ayi ngooapa kubantu abo mbwaasuni.”

2 Bene Tesalonika 2:3

Mutasuminishi muntu uli woonse ayi amubeece. Ceebo Bushiku teshi bukashikile bantu kabatana kwaashuka camamanino alimwi Muntu Mubiibi ulya uyo utoolindilabo kunyonyoolwa kaatana kuboneka.

2 Bene Tesalonika 2:8

Lyalo Muntu Mubiibi ulya ulaakuyubululwa. Ono Mwaami wesu Jesu pakwisa, ulaakumucaya kwiinda mukumuyoyela akumunyonyoola kubulemu mbweshi akeshiteemo.

Danyelo 3:26

Kuswawaawo Nebukadinesa wakasena pamulyango wa munyumbi akwiita ayi, “Shadileki, Mishaki, Abedinego, nobasebenshi ba Mwaami Lesa wa kwiculu Wiindaawo, amuswe!” Lyalo bakaswa ciindi ceenka ico.

Danyelo 4:2

Ndikondetwe abuumbi kumulwiita shitondesho sha nkumbu sha kwiculu ashaankamiko isho Lesa wa kwiculu Wiindaawo nshaancitila nebo.

Danyelo 4:17

Beshinkombe basalalite mbobaambilisha kupingula uko kwaamba ayi bantu boomi boonse beshibe ayi Mwaami Lesa Shinkusu shoonse ngoocite nkusu pamalelo a bantu alimwi ngooapa kubantu bali boonse mbwaasuni. Ncakwiila ulapa bantu balibombya kweendelesha malelo ayo.’

Danyelo 7:18

Sombi bantu basalalite bakwe Lesa wa kwiculu Wiindaawo, balaakutambula bulelo ubo bweshi bukabe bwaabo kwalyoonse alyoonse.’

Danyelo 8:14

Lyalo ndakanyumfwa usalalite umwi wakakumbula ayi, “Cilaakutola macolesha amacuunsa ali 2,300, lyalo Ŋanda yakwe Lesa ilaakusalashikwa.”

Osiya 7:16

Bantu aba tabasandukili kuli ndime neMwaami Lesa Shinkusu shoonse. Ncakwiila kutashomeka kwabo kulibo anga nkwa buta busendeme. Ono bamatanjilili babo balaakucaikwa kunkondo ceebo ca maswi a mucobwe ngobasebensesha. Paceebo ceeco balaakusekwa abuumbi kubene Ijipiti.”

Danyelo 8:9

Pakati ka meeca one ayo, kuliica lyomwi kwakamena liica limwi. Nkusu sha liica ilyo lyakamena shakamwaikila kumalenge, kwicwe alimwi akucishi cibotu.

Danyelo 8:11

Lyakalisumpula cakunyansha aMuleli wa likoto lya kwiculu. Lyakakasha milambu ya bushiku abushiku iyo yakalinga kubengwa kuMuleli uyo akubisha Ŋanda yakwe.

Danyelo 9:27

Muleli uyo ulaakuba acipangano ciyumu abantu baanji kwamyaaka ili 7. Musa wa ciindi ico waakwiinda, ulaakukasha kubenga milambu akupa shipo. Mpeeke ulaakubika Cintu cilya Ciloondesha pakansunswa ka ciluli ca Ŋanda yakwe Lesa alimwi cilaakunooli waawo kushikila uyo wakacibikaawo akanyonyoolwe kweelana akubamba kwakwe Lesa.”