Danyelo 6:23 - Baibo Busansulushi Bwa Libuku Ili

²³ Mwaami wakasangalala abuumbi akwaamba ayi Danyelo akushikwe mucilindi. Ndyaakakushikwa mucilindi ico, wakacanika ayi taacitewo cimenga nabi comwi ceebo wakacinka manungo muli Lesa wakwe.

Danyelo 6:23 Referans Kwoze

1 Makani 5:20

Bantu aba bakalinga kucinkite manungo muli Lesa, aboobo bakapaila kuli nguwe ayi abacaafwe. Lesa wakabacafwa akubalengesha kukoma bene Agi abaabo mbobakalinga kucafwanaabo.

Danyelo 3:25

Lyalo mwaami wakeepusha ayi, “Ino ceebonshi ntoobona basankwa bone batokweendaana mukati mumunyumbi? Tabaangitwe alimwi batooboneka anga tabatoopyaawo. Muntu wane pakati kabo utooboneka anga ngumwaana wa balesa.”

Maako 9:23

Mpomunyaawo Jesu wakamwaambila ayi, “Ceebonshi utokwaamba ayi, ‘Na kacikonsheka?’ Shintu shoonse shilakonsheka kumuntu ucite lushomo.”

Danyelo 6:18

Lyalo mwaami wakaboolela kuŋanda yakwe ya bwaami akwikala mashiku oonse cakubula kulyaawo alimwi kwakubula shakumusangalasha shili shoonse. Peculu lya waawo wakaba acilabila.

Isaya 26:3

Mwebo noBaami baLesa, mulapa luumuno lwiine lwiine kubaabo bashomeka lyoonse ceebo cakucinka manungo muli ndimwe.

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Kulumbaisha 37:40

Mwaami Lesa ulabacafwa akubafuna. Ulabafuna kuswa kubamucita shibi akubapulusha mukwiinga balayuba muli nguwe.

2 Makani 20:20

Macuunsacuunsa bushiku bwakaboolaawo bantu bakaya kuLuyanga lwa Tekowa. Ndibakalinga kutalika kweenda, Jeoshafati wakaamba ayi, “Nobene Juda abene Jelusalemu! Amucinke manungo muMwaami Lesa, Lesa wanu, mulaakwiimikanabo nta. Kamushoma shimulwiita balaluki, mulanooswitilila.”

Bene Ebulu 11:33

Kwiinda mulushomo, bantu aba bakalwana shishi alimwi akukoma. Bakacita shiluleme, mpeeke alakwe Lesa wakabapa nshaakabashomesha. Bakalengesha milomo ya nkalamu kutacaluka,

Danyelo 6:14

Mwaami ndyaakanyumfwa boobo, wakoongumana abuumbi akweelesha kuyandoola nshila yakufuninaamo Danyelo. Wakeelesha cankusu tibili lisuba ndilyakawa.

1 Baami 5:7

Ilamu wakakondwa abuumbi ndyaakatambula maswi akaswa kuli Solomoni akwaamba ayi, “Aalumbaishikwe Mwaami Lesa sunu ceebo cakupa Defedi mwaana musongo bobulya kwaamba ayi abe muleli wa mushobo unene uyu!”

Kulonga 18:9

Jetulo ndyaakanyumfwa makani oonse aya, wakasangalala

Danyelo 3:17

Na mukatuwaale mumunyumbi mutoonyaka mulilo uyoosha, Lesa uyo ngotulambila ulakonsha kutufuna kuswa mumulilo uyo. Ncakwiila nobaami, ulaakutufuna kuswa mumaansaanu.

Kulumbaisha 18:21

Ncakwiila ndakonkela nshila sha Mwaami Lesa. Nshikwe kubisha kwiinda mukufutatila Lesa wangu.