Danyelo 6:22 - Baibo Busansulushi Bwa Libuku Ili

²² Lesa wangu watuma munjelo uyo wacala milomo ya nkalamu. Tashikwe kuncisaawo napaceyuubo ceebo ndacanika ayi nshicite mulandu pameenso akwe alimwi nshikwe kucitawo cilubo nabi comwi kuli ndimwe, nobaami.”

Danyelo 6:22 Referans Kwoze

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.

Bene Ebulu 11:33

Kwiinda mulushomo, bantu aba bakalwana shishi alimwi akukoma. Bakacita shiluleme, mpeeke alakwe Lesa wakabapa nshaakabashomesha. Bakalengesha milomo ya nkalamu kutacaluka,

Milimo ya Batumwi 12:11

Mpomunyaawo Pita wakeshiba cakacitika akwaamba ayi, “Ono ndeshiiba calushinisho kwaamba ayi Mwaami Lesa ngowatuma munjelo ayi amfuune munkusu shakwe Elodi alimwi akushintu shoonse baJuda nshebalinga kusuni kucita pali ndime.”

Milimo ya Batumwi 24:16

Paceebo ceeco, ndeelesha lyoonse kwikala buumi bubotu pameenso akwe Lesa alimwi abantu.

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Mika 7:7

Sombi nebo ndanoolangila lucafwo kuswa kuMwaami Lesa. Ndanoolindila Lesa Mupulushi wangu. Ndushinisho Lesa wangu ulaakunkutika.

Danyelo 3:28

Lyalo mwaami wakaamba ayi, “Aalumbaishikwe Lesa wakwe Shadileki, Mishaki awakwe Abedinego! Wakatuma munjelo wakwe kwaamba ayi afune basebenshi bakwe. Bakacinka manungo muli nguwe akusuula mulawo wangu nemwaami. Bakalinga kulibambite kufwa kwiinda kusebensela akulambila lesa umwi, sombibo Lesa wabo.

Kulumbaisha 31:14

Nebo ndicinkite manungo muli ndimwe noBaami baLesa. Ncakwiila mwebo muli baLesa bangu.

1 Samwelo 17:37

Mwaami Lesa uyo wakamfuna kunkalamu abasuntwe banene, utoomfuna akumwine Filisiti ulya.” Lyalo Saulo wakaambila Defedi ayi, “Ncibotu, koya alimwi Mwaami Lesa abe awebo.”

Shakubelenga 20:16

Mpeeke twakalilila Mwaami Lesa ayi atucaafwe. Wakanyumfwa kulila kwesu akutuma munjelo uyo wakatukusha mucishi ca Ijipiti. Ono bulya tuli kuKadeshi, ndabala iyo ili kumanyinsa a cishi canu.

Milimo ya Batumwi 27:23

Mukwiinga mashiku Lesa uyo unyeendelesha alimwi ngoonambila, watuma munjelo wakwe kuli ndime.

Danyelo 6:23

Mwaami wakasangalala abuumbi akwaamba ayi Danyelo akushikwe mucilindi. Ndyaakakushikwa mucilindi ico, wakacanika ayi taacitewo cimenga nabi comwi ceebo wakacinka manungo muli Lesa wakwe.

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Isaya 3:10

Amulwiite baluleme ayi balo shintu shilaakunoobeendela kabotu. Ceebo balaakusangalala mumilimo ya maansaabo beene.

Kulumbaisha 118:28

Mwebo muli baLesa bangu, ndanoomulumba. Muli baLesa bangu, ncakwiila ndanoomusumpula.

Kulumbaisha 38:21

NoBaami baLesa, mutamfutatili, mutabi kulaale anebo nobaLesa, baLesa bangu.

Kulumbaisha 34:7

Ee, munjelo wakwe ulatabilila bantu abo balemeka Mwaami Lesa, alakwe ulabafuna kushintu shiyoosha.

2 Makani 32:21

Lyalo Lesa wakatuma munjelo uyo wakesa mukucaya bashilumamba bene Asilya abamatanjilili babo. Kuswawaawo mwaami wa bene Asilya wakaboolela kumishaabo kaafwite nsoni abuumbi. Ono bumwi bushiku ndyaakalinga kulambila muŋanda ya lesa wakwe, bana bakwe basankwa bamwi bakamucaya amipeeni.

Danyelo 6:20

Ndyaakashika wakeeta Danyelo campwampwa moyo ayi, “Danyelo omusebenshi wakwe Lesa muumi, sa Lesa uyo ngoosebensela cakushomeka wakonsha kukupulusha kunkalamu?”

2 Samwelo 22:7

Ono mumapensho angu ndakapaila kuMwaami Lesa. Ndakeeta Lesa wangu kwaamba ayi ancaafwe. Mpeeke wakakutika liswi kaali muŋanda yakwe. Wakanyumfwa kulila kwangu kwakusenga lucafwo.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

Mateyo 27:46

Paciindi ca 3 koloko peenka, Jesu wakoolobesha aliswi lya peculu ayi, “Eloi, Eloi, lama sabakatani?” Nkokwaamba ayi, “NobaLesa bangu, nobaLesa bangu, ino nciinshi ncemwandekeleshesha?”

Kulumbaisha 26:6

Ndasamba kumaansa kutondesha ayi taaku cibiibi ncendakacita, ndeendaana kucipaililo canu mukumulambila noBaami baLesa.

1 Samwelo 26:18

Mpeeke wakatolelela akwaamba ayi, “Anu nceebonshi nkambo ncemutooya cimfwimina nemusebenshi wanu? Nciinshi ncindakacita alimwi ngumulandunshi ngooncite?

Matalikilo 40:15

Nebo ndakacita kwiipwa kuswa mucishi ca baEbulu, alimwi akwalo kuno kuIjipiti taaku cilubo ncendakacita ceenga cankalika muntolongo.”

Bene Ebulu 1:14

Sa te baanjelo bakwe Lesa njimyuuyabo iyo imusebensela akutumwa kubaabo mbweshi akapulushe?

Jelemiya 37:18

Mpomunyaawo ndakeepusha mwaami ayi, “Ino ngumulandunshi ngondabishila ndimwe, bacinenenene banu nabi bantu aba ngomwambikila muntolongo?

Danyelo 6:4

Mpomunyaawo bacinenenene bamwi pantu pomwi abeendeleshi abo bakatalika kuyandoola mpweenga bapeta Danyelo mulandu munshila iyo njaakalinga kweendelesheshamo bwaami. Sombi bakaalilwa mukwiinga Danyelo wakalinga kushomeka alimwi taakwe kucitawo cilubite nabi cakutashomeka.

1 Baami 13:28

Mpeeke wakanyamuka akuya mukucana mubili wa mulaluki kookungubete munshila. Mbongolo ankalamu ashalo shakalinga kwiimfwi pafwaafwi amubili. Nkalamu taikwe kulyaawo mubili nabi kulumaawo mbongolo, sobwe.

Danyelo 6:7

Bacinenenene bamwi, beendeleshi boonse, beshikupandaako maano abacinenenene bamwi boonse basumina kwaamba ayi mwebo nobaami mupange mulawo wakwaamba ayi, ‘Kuswa sunu kushikila bushiku bwamakumi otatwe, muntu uli woonse uyo weshi akacanike kaapaila kuli lesa umwi nabi kumuntu umwi, kulekabo ndimwe nobaami, ulaakuwaalwa mucilindi ca nkalamu.’