Danyelo 5:6 - Baibo Busansulushi Bwa Libuku Ili

⁶ Ciwa ca mwaami cakasanduka kuboowa. Wakaloonda abuumbi cakwaamba ayi mumanungo mwakaboolabo tontolo.

Danyelo 5:6 Referans Kwoze

Naamu 2:10

Ndabala ya Ninife yanyonyoolwa, yacaala cisuukila alimwi yaba matongo. Myoyo yamanamobo kuboowa amwalo mumanungo mwaboolabo tontolo ceebo nkusu shoonse shamana. Shiwa shoonse shaloka kuboowa.

Danyelo 7:28

“Ono makani ayo mpaaela peenka apa. Nebo neDanyelo ndakapenshekwa abuumbi mumoyo alimwi ciwa cangu cakasanduka kuboowa, sombi makani ayo ndakaaumunabo.”

Esekelo 7:17

Maansa oonse alaakubabo lempwete amumanungo oonse mulaakuboolabo tontolo.

Danyelo 4:5

Sombi ndakalota cintu ciloondesha akubona shili anga nshiloto shilensha boowa ndindakalinga kulete.

Esekelo 21:7

Ono na bakwiipushe ayi, ‘Utootongelanshi?’ Ubakumbule ayi, ‘Ntootongela ceebo ca makani ayo eshi akese. Myoyo yabo boonse ilaakuswa kuboowa, maansaabo alaakubabo lempwete, balaakutyongola amumanungo abo moonse mulaakuboolabo tontolo.’ Makani ayo alaakucitika cancinencine. Nebo neMwaami Lesa Shinkusu shoonse ndaamba.”

Kulumbaisha 69:23

Amubalengeshe kupofola! Amulengeshe misana yabo kubula ncito!

Danyelo 4:19

Ono Danyelo uyo wiitwa ayi Beloteshasa wakakankamana abuumbi pacikani ico cakwaalilwa kwaambaawo. Aboobo mwaami Nebukadinesa wakamwaambila ayi, “Beloteshasa, ciloto ico abusansulushi bwa ncico butakuloondeshi, sobwe.” Mpomunyaawo Beloteshasa wakakumbula ayi, “Nobaami bangu, nicabota ciloto ici abusansulushi bwa ncico kashaamba pabalwani banu kuteshi ndimwe, sobwe.

Bene Ebulu 12:12

Paceebo ceeco, amuyumye shiso sha maansaanu alefukite, alimwi amumanungo anu mutoobukuma!

Danyelo 3:19

Mpomunyaawo Nebukadinesa wakakalala abuumbi pali Shadileki, Mishaki aAbedinego. Ncakwiila ciwa cakwe cakasanduka ceebo ca bukali. Lyalo wakalwiita basebenshi bakwe ayi babike mulilo mumunyumbi akulengeshaamo kulungula kwiinda mbomuba lyoonse mankanda ali osanwe aobilo.

Danyelo 2:1

Mumwaaka wabili wa bwaami bwakwe, Nebukadinesa wakalota ciloto ico cakamupensha abuumbi mumoyo cakwaamba ayi taakalinga koona tulo.

Isaya 35:3

Amuyumyeyumye maansa a baabo babula nkusu. Amupe nkusu myeendo ya baabo batootutumabo ceebo cakulefuka.

Isaya 5:27

Pakati kabo taaku weshi akaleeme nabi kulisuntula cakuwa, alimwi taaku nabi weshi akashinshile nabi koona. Taaku weshi akanoocite laamba usensuluka wiine nabi ntambo ya nkwabilo yeshi ikasutuke.

Kulumbaisha 22:14

Nkusu shangu shamana, shamanabo anga ngamaanshi apukwitwa panshi. Shifuwa shangu shilibo anga shaswaamo mumanungi. Awalo moyo wangu wababo anga mbukato bwasunguluka.

Danyelo 5:5

Cakuteengashila lyaansa lya muntu lyakaboneka akutalika kulemba palubumbu lwa ŋanda ya bwaami apo pakalinga kwiindaawo kutuba mukwiinga malampi akalinga kumunika abuumbi palubasu apo. Lyaansa ilyo Mwaami wakalibona kalilemba.

Jelemiya 50:43

Mwaami wa bene Babiloni wanyumfwa makani apali mbabo, aboobo maansaakwe atontola. Buumba bwamucata, utoonyumfwabo anga ngumwanakashi uli pankata.