Danyelo 5:2 - Baibo Busansulushi Bwa Libuku Ili

² Beloshasa ndyaakalinga kunwa waini wakwe, wakaambila basebenshi bakwe ayi baye balete nkomeshi sha golodi asilifa isho Nebukadinesa mushali wakwe nshaakaleta kuswa muŊanda yakwe Lesa kuJelusalemu. Beloshasa wakacita boobo kwaamba ayi lakwe, bacinenenene, bamakaakwe, bakasuwa bakwe banwiteemo.

Danyelo 5:2 Referans Kwoze

Danyelo 1:2

Mwaami Lesa wakaaba Jeoiyakimu mwaami wa bene Juda mumaansaakwe Nebukadinesa pantu pomwi ashintu shimwi shamakwebo sha muŊanda yakwe Lesa. Shintu ishi wakashitola kuŋanda yakwe lesa wakwe kuBabiloni akushibika muŋanda yakusungilaamo buboni.

2 Baami 24:13

Nebukadinesa wakabwesa abuboni boonse bwa muŊanda yakwe Lesa kubikaawo abwa muŋanda ya bwaami akubutola kuBabiloni. Nebukadinesa wakapwaya shisebensesho sha golodi sha muŊanda yakwe Lesa isho mwaami Solomoni nshaakapanga, bweenka bwakaamba Mwaami Lesa.

Danyelo 5:23

Ncakwiila mwebo mwakalisumpula akulwana Mwaami Lesa wa kwiculu. Mwakatuma bantu kumuletela nkomeshi shakaswa muŊanda yakwe. Lyalo mwebo, bacinenenene, bamakaanu alimwi abakasuwa banu mwakanwitaamo waini akulumbaisha balesa ba silifa, ba golodi, ba bulonse, ba nshimbi, ba shisamu alimwi aba mabwe abo batakonshi kubona, kunyumfwa nabi kwishiba cintu nabi comwi. Sombi tamukwe kulemeka Lesa uyo ucite buumi bwanu mumaansaakwe pantu pomwi anshemucita.

2 Baami 25:15

Mpeeke bakabwesa shikaye sha mulilo ambale shiniini shakusebensesha pakusanseela, nkokwaamba ayi shoonse shintu shakapangwa agolodi nabi silifa.

Danyelo 5:18

“Nobaami, Lesa wa kwiculu Wiindaawo wakapa bashali banu baNebukadinesa bwaami, bulemu, nkusu abulemu bwa bulelo bwabo.

Danyelo 5:13

Aboobo Danyelo wakaletwa kunembo lya mwaami. Alakwe mwaami wakamwiipusha ayi, “Sa ndiwe Danyelo womwi wa basha abo bata baNebukadinesa mbobakaleta kuswa kuJuda?

Danyelo 5:11

Kuli musankwa mucishi canu ucite mushimu wa balesa muli nguwe. Bashali banu baNebukadinesa kabacili baami, musankwa uyo wakacanika kwaamba ayi ulicite maano, lushibo alimwi abusongo anga mbalesa. Balo baNebukadinesa bashali banu bakamusala ayi abe munene wa beshikusonda, beshimampelampela, basongo ba shintu sha mwiculu alimwi abamukabaami.

Danyelo 5:4

Ndibakalinga kunwa waini bakalinga kulumbaisha balesa ba golodi, ba silifa, ba bulonse, ba nshimbi, ba shisamu alimwi aba mabwe.

Jelemiya 52:19

Mpeeke bakabwesa mbale shiniini, shikaye sha mulilo ambale shiniini shakusebensesha pakusanseela, mipika, shakubikawo malampi, mbale shifongomene sha shipo sha shakunwa, nkokwaamba ayi shoonse shintu shakapangwa agolodi nabi silifa.

Jelemiya 27:7

Mishobo ya bantu yoonse ilaakumusebensela akusebensela mwanaakwe amwishikulu wakwe kushikila ciindi cakukomwa kwa cishi cakwe. Paciindi ico mushobo wakwe ulaakunoosebensela mishobo iinji abamaami banene.

2 Makani 36:18

Nebukadinesa wakasaala shintu sha muŊanda yakwe Lesa, sha mucipinda cakusungilamo buboni ca Ŋanda yakwe Lesa alimwi abuboni bwa mwaami abwa bacinenenene bakwe akushitola kuBabiloni.

2 Makani 36:10

Mpeeke kumatalikilo amwaaka umwi mwaami Nebukadinesa wakatola busha Jeoiyakini kuBabiloni. Wakabwesa ashintu shamakwebo kuswa muŊanda yakwe Lesa akushitola kuBabiloni ashalo. Nebukadinesa wakabwesa Sedekiya shimishaabo Jeoiyakini akumubika pabwaami bwa bene Juda abene Jelusalemu.

2 Makani 15:16

Mwaami Asa wakakusha bankambiyakwe banakashi baMaaka pacuuna cabo kuŋanda ya kubwalo mukwiinga bakalinga bapanga cikoshanyo cilensha bunya cakwe lesa mwanakashi Ashela. Asa wakacitimbula akucitenta muCinyika ca Kidiloni.

2 Makani 11:20

Kuboolaawo wakeeba Maaka mwanaakwe Abusalomu. Mpeeke bakashala baana basankwa bone, nkokwaamba ayi Abija, Atayi, Sisa alimwi aShelomiti.

2 Samwelo 9:7

Defedi wakaamba ayi, “Utaloondi mukwiinga ndushinisho ndyeelete kukutondesha nkumbu ceebo ca baiso baJonasani. Ndakubooshesha luundu loonse lwakalinga lwa bankambiyako baSaulo alimwi ulaakunoolya tebulu yomwi anebo.”

Esila 5:14

Ncakwiila wakaboosha ashintu sha golodi alimwi asha silifa isho Nebukadinesa nshaakakusha muŊanda yakwe Lesa ya kuJelusalemu akushitola muŋanda ya balesa bakwe kuBabiloni. Mwaami Sailasi wakapa shintu ishi kumuntu wakalinga kwiitwa ayi Sheshibasa, uyo ngwaakasala kuba mweendeleshi wa cishi ca Juda.

Jelemiya 50:35

Mwaami Lesa waamba ayi, “Bene Babiloni abacaikwe amupeeni! Abacaikwe abo bekala muBabiloni pantu pomwi abacinenenene alimwi abasankwa basongo!

Danyelo 5:3

Lyalo bakaya baleta nkomeshi sha golodi isho shakaswa muŊanda yakwe Lesa kuJelusalemu. Mpeeke mwaami, bacinenenene, bamakaakwe abakasuwa bakwe bakanwitaamo.

Danyelo 5:30

Mashiku eenka ayo Beloshasa mwaami wa bene Babiloni wakacaikwa.