Danyelo 4:6 - Baibo Busansulushi Bwa Libuku Ili

⁶ Aboobo ndakeeta beshikumpandaako maano boonse muBabiloni kwaamba ayi bese bandwiite ciloto ncindakalota mbocakalinga kwaamba.

Danyelo 4:6 Referans Kwoze

Danyelo 2:2

Lyalo wakeeta beshimampelampela, beshikusonda, baloshi alimwi abasongo ba shintu shili mwiculu kwaamba ayi bese bamusansulwite ciloto ico. Ndibakashika, bakeemikana kunembo lya mwaami.

Isaya 8:19

Sombi bantu balaakumulwiita ayi musenge maswi kuswa kubeshikwaamba abafu alimwi abeshikusonda abo babulubusha akutepeta pakwaamba. Tamweelete kuyaako. Sa te mulyeelete kwiipusha Lesa wanu? Anu inga mweepushanshi kubafu kwiipushisha boomi?

Kulonga 7:11

Lyalo mwaami alakwe wakeeta basankwa basongo alimwi abeshimampelampela. Abalo kwiinda munkusu shabo bakacita bweenka ubo.

Danyelo 5:7

Lyalo wakoolobesha ayi kwiitwe beshimampelampela, basongo ba shintu shili mwiculu alimwi abamukamwaami. Ono ndibakesa mwaami wakabaambila ayi, “Uli woonse weshi abelenge ishi shilembetwe palubumbu apa akundwiita mboshaamba, ntoomupa shakufwala shibotu shifubelafubela shabwaami akufwalikwa ncetani ya golodi munshingo. Peculu lya waawo utoosumpulwa kuba muleli watatu mubwaami bwangu.”

Danyelo 1:17

Lesa wakabapa lushibo amaano akunyumfwisha shintu sha malembo oonse akwiiya. Kuswawaawo wakapa Danyelo maano akusansulula shili anga nshiloto alimwi ashilotobo.

Danyelo 2:48

Mpomunyaawo wakabika Danyelo pacuuna capeculu mubulelo bwakwe akumupa shipo shiinji. Wakamupa buleli bwa cishi ca Babiloni alimwi akwaamba ayi abe munene wa basongo boonse.

Danyelo 4:15

Sombi mushiye cishiki panshi kacaangitwe ncetani ya nshimbi abulonse cinoolibo muluundu alimwi mubwiisu. “ ‘Mume aumutontoshe alimwi eekale muluundu pantu pomwi abanyama ba mumo.

Danyelo 5:11

Kuli musankwa mucishi canu ucite mushimu wa balesa muli nguwe. Bashali banu baNebukadinesa kabacili baami, musankwa uyo wakacanika kwaamba ayi ulicite maano, lushibo alimwi abusongo anga mbalesa. Balo baNebukadinesa bashali banu bakamusala ayi abe munene wa beshikusonda, beshimampelampela, basongo ba shintu sha mwiculu alimwi abamukabaami.