Danyelo 2:49 - Baibo Busansulushi Bwa Libuku Ili

⁴⁹ Lyalo kweelana akusenga kwakwe Danyelo, mwaami wakalengesha Shadileki, Mishaki aAbedinego kuba bacinenenene mucishi ca Babiloni. Sombi Danyelo lakwe wakacaala kaasebensela kuŋanda ya kubwalo.

Danyelo 2:49 Referans Kwoze

Danyelo 1:7

Wacinenenene munene uyo wakabapa meena amwi. Danyelo wakatumbwa ayi Beloteshasa, Ananiya wakatumbwa ayi Shadileki, Mishaelo wakatumbwa ayi Mishaki aAsaliya wakatumbwa ayi Abedinego.

Esita 2:19

Ono bamyooye aba ndibakabunganishikwa lwabili, Modekayi wakalinga wacinenenene muŋanda ya bwaami.

Amosi 5:15

Amupate bubi akusuna shintu shibotu. Kamoombolosha cakutanyengelela munkuta. Mpashi Mwaami Lesa Shinkusu shoonse ulaakunyumfwa nkumbu pabene Isilaeli bakacaala.

Esita 2:21

Ono Modekayi ndyaakalinga kusebensela kuŋanda ya bwaami, Bigitana aTeleshi basankwa ba kubwalo bakacaikwa lushalo abo bakalinga kulindilila shipinda sha mwaami Sakisesi, bakacimwa mwaami abuumbi akupangana kumucaya.

Danyelo 2:17

Lyalo Danyelo wakaboolela kuŋanda yakwe kuya mukulwiita babye, nkokwaamba ayi Ananiya, Mishaelo alimwi aAsaliya.

Danyelo 1:17

Lesa wakabapa lushibo amaano akunyumfwisha shintu sha malembo oonse akwiiya. Kuswawaawo wakapa Danyelo maano akusansulula shili anga nshiloto alimwi ashilotobo.

Jelemiya 39:3

Lyalo bacinenenene ba mwaami wa bene Babiloni bakesa mukwikala pashuuna sha kuMwinjililo wa Pakati. Bacinenenene abo nguNegali Shalesa mwine Shamuga, Nebo Sasekimu mutanjilili wa bashilumamba, Negali Shalesa umwi munene wa bacinenenene alimwi abacinenenene ba mwaami wa bene Babiloni bamwi boonse.

Tushimpi 28:12

Na baluleme bakoma kulaba kusekelela kunene, sombi na mucita shibi wabwesa bweendeleshi bantu balaya mukuyuba.

Esita 3:2

Anu bacinenenene boonse ba mwaami abo bakalinga kwikala kumwinjililo wa mwaami bakalinga kufukamina Amani mukumulemeka ceebo mwaami mbwaakabalwiita. Sombi Modekayi lakwe wakakaka kucita boobo.

Danyelo 6:2

Kubikaawo abacinenenene botatwe, Pabotatwe abo womwi wakalinga nguDanyelo. Beendeleshi abo bakalinga kulangwa abacinenenene botatwe abo kwaamba ayi kubule ca mwaami cisoweka.

Danyelo 3:1

Bumwi bushiku Nebukadinesa wakabumbisha cibumbwabumbwa ca golodi cakalinga kucite mamita ali 27 kuya mwiculu alimwi amamita ali 3 mubufwaafwi mubunene. Cibumbwabumbwa ico cakabikwa muliwesa lya Dula mucishi ca Babiloni.