Danyelo 2:48 - Baibo Busansulushi Bwa Libuku Ili

⁴⁸ Mpomunyaawo wakabika Danyelo pacuuna capeculu mubulelo bwakwe akumupa shipo shiinji. Wakamupa buleli bwa cishi ca Babiloni alimwi akwaamba ayi abe munene wa basongo boonse.

Danyelo 2:48 Referans Kwoze

Danyelo 2:6

Sombi na mundwiite ciloto mbocalinga alimwi ambocaamba, ntoomupa shipo alimwi ashilambu abulemu buunji. Ono amundwiite ciloto mbocalinga alimwi ambocaamba.”

Danyelo 5:11

Kuli musankwa mucishi canu ucite mushimu wa balesa muli nguwe. Bashali banu baNebukadinesa kabacili baami, musankwa uyo wakacanika kwaamba ayi ulicite maano, lushibo alimwi abusongo anga mbalesa. Balo baNebukadinesa bashali banu bakamusala ayi abe munene wa beshikusonda, beshimampelampela, basongo ba shintu sha mwiculu alimwi abamukabaami.

Danyelo 4:9

“Beloteshasa omunene wa basongo boonse, ndishi ayi mushimu wa balesa basalalite uli muli ndiwe alimwi ayi uleshiba shishisitwe shoonse. Ciloto cangu nceeci, ndwiite mbocaamba.

Danyelo 5:29

Mpomunyaawo Beloshasa wakaamba ayi Danyelo afwalikwe shakufwala shilya shifubelafubela sha bwaami akufwalikwa ncetani ya golodi munshingo. Lyalo wakaambilishikwa ayi ngumuleli watatu mubwaami ubo.

Danyelo 5:16

Ono ndanyumfwa kwaamba ayi webo inga wakonsha kunyumfwisha shintu shoonse akusansulula shishisitwe. Ncakwiila na ukonshe kundwiita malembo aya ncaamba, utoofwalikwa shakufwala shifubelafubela alimwi ancetani ya golodi munshingo. Peculu lya waawo ulaakusumpulwa kuba muleli watatu mubwaami bwangu.”

Danyelo 3:30

Mpomunyaawo mwaami Nebukadinesa wakasumpula Shadileki, Mishaki aAbedinego mukubapa shuuna sha peculu mucishi ca Babiloni.

Danyelo 3:12

Ono Shadileki, Mishaki alimwi aAbedinego, baJuda bamwi abo mbomwakalengesha kuba bacinenenene mucishi ca Babiloni, tabakwe kumunyumfwila. Bantu aba batookaka kulambila balesa banu nabi cibumbwabumbwa ca golodi ncemwakeemika.”

Danyelo 3:1

Bumwi bushiku Nebukadinesa wakabumbisha cibumbwabumbwa ca golodi cakalinga kucite mamita ali 27 kuya mwiculu alimwi amamita ali 3 mubufwaafwi mubunene. Cibumbwabumbwa ico cakabikwa muliwesa lya Dula mucishi ca Babiloni.

Jelemiya 5:5

Aboobo ntooya kubamatanjilili babo nkabandikaabo. Ndushinisho balo balishishi nshila sha Mwaami Lesa asheesho shiyanda Lesa wabo.” Sombi abalo boonse bakakaka bweendeleshi bwa Mwaami Lesa akukaka kucita sheesho nshaayanda.

Jobo 1:3

Jobo wakalinga kufubite mbelele shili 7,000, ngamela shili 3,000, shipani sha ŋombe shili 500, mbongolo shili 500 alimwi abasebenshi baanji. Wakalinga mubile abuumbi pabantu bamwi boonse ba kwicwe.

2 Baami 5:1

Naamani wakalinga mutanjilili wa bashilumamba bene Silya. Wakalinga kulemekwa abuumbi kumwaami wa bene Silya mukwiinga kwiinda muli nguwe, Mwaami Lesa wakalinga kulengesha bene Silya kukoma lyoonse. Wakalinga shilumamba uyoosha, nakubi boobo wakaciswa bulwashi bwa manata.

2 Samwelo 19:32

Basilayi wakalinga wacembela abuumbi, kaacite myaaka ili 80. Ono wakalinga kubilite abuumbi alimwi ngowakalinga kupa shakulya mwaami Defedi ndyaakalinga kwikala kuMaanaimu.

1 Samwelo 25:2

Ono muMaoni uko, mwakalinga musankwa wakalinga kucite bukwebo mundabala ya Kamelo. Musankwa uyo wakalinga kubilite abuumbi. Wakalinga kucite mpongo shili cuulu alimwi ambelele shili shuulu shotatwe isho nshaakalinga kucesesha booya muKamelo.

1 Samwelo 17:25

Ono bene Isilaeli bakalinga kwaamba ayi, “Mwamubona muntu mbwaacitekobo kunyansha bene Isilaeli? Mwaami Saulo ulaakupa buboni buunji kuli wooyo weshi akamucaaye. Ulaakumupa amwanaakwe mwanakashi ayi eebe alimwi akwaangulula bamuŋanda ya bashali bakwe kukusonka musonko mucishi ca Isilaeli.”

Shakubelenga 24:11

Anu koya kumishaanu! Ndakalasha ayi ndaakukulambula, sombi Mwaami Lesa wakulengesha kutalambulwa.”

1 Samwelo 2:8

Ulasumpula bakandu kuswabo kwiine kumiyanda, ulakusha bakandu kuswa mubuumba bwabo. Ulabalengesha kwikala mubwanabwankashi abanaabaami akubalengesha kuba mumisena ya bulemu. Lwiimbi loonse lwa nsengwe ndwa Mwaami Lesa, pali ndulo mpaakayaka cishi ca panshi.

Danyelo 5:7

Lyalo wakoolobesha ayi kwiitwe beshimampelampela, basongo ba shintu shili mwiculu alimwi abamukamwaami. Ono ndibakesa mwaami wakabaambila ayi, “Uli woonse weshi abelenge ishi shilembetwe palubumbu apa akundwiita mboshaamba, ntoomupa shakufwala shibotu shifubelafubela shabwaami akufwalikwa ncetani ya golodi munshingo. Peculu lya waawo utoosumpulwa kuba muleli watatu mubwaami bwangu.”

Danyelo 8:27

Nebo neDanyelo mubili wakatyolooka abuumbi akuciswa kwanshiku shiinji. Lyalo ndakanyamuka akuboola kumulimo uyo wakampa mwaami. Sombi cili anga nciloto ico cakampensha abuumbi mumoyo alimwi ndakaalilwa kucinyumfwisha.

Danyelo 4:6

Aboobo ndakeeta beshikumpandaako maano boonse muBabiloni kwaamba ayi bese bandwiite ciloto ncindakalota mbocakalinga kwaamba.