Danyelo 2:46 - Baibo Busansulushi Bwa Libuku Ili

⁴⁶ Lyalo mwaami Nebukadinesa wakafukama cakushisha ciwa panshi kunembo lyakwe Danyelo mukumulemeka. Mpeeke wakaamba ayi milambu ibengwe kuli nguwe akumupa shipo.

Danyelo 2:46 Referans Kwoze

Milimo ya Batumwi 14:13

Ono mupailishi wakwe Siyusi wakalinga kucite ŋanda yakupaililaamo pafwaafwi andabala. Mpeeke wakaleta bacende alimwi amaluba pamulyango ceebo lakwe alimwi abantu boonse bakalinga kusuni kubenga milambu yakulemeka batumwi.

Milimo ya Batumwi 10:25

Cilya Pita ncaakaamba ayi enjile, Konelyasi wakaya mukumwaansha akufukama kunembo lyakwe.

Esila 6:10

Mulaakunoocita boobo ayi bakanoobenga milambu kuli baLesa ba kwiculu alimwi akumpaililaako kwaamba ayi nokweendela buumi abana bangu basankwa.

Ciyubululo 22:8

Nebo neJoni ndakanyumfwa alimwi akubona shintu ishi. Ono ndindakashinyumfwa akushibona, ndakafukama muliimfwa lya munjelo uyo wakambonesha shintu ishi ayi mulambile.

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.

Bene Lefi 26:31

Mandabalaanu anene ndaakwaalula matongo akunyonyoola misena yanu yakulambililaawo alimwi akukaka kutambula milambu yanu.

Ciyubululo 11:16

Mpomunyaawo bamaloba bali makumi obilo abone, abo bekala pashuuna shabo sha bwaami kunembo lyakwe Lesa, bakafukama cakishisha shiwa panshi akulambila Lesa.

Milimo ya Batumwi 28:6

Bantu abo bakalinga kulangilabo ayi utooshimba nabi kufwa cakwaalamukabo. Sombi ndibakalindilila ciindi cilaamfu kwakutabonawo cimwi cintu cakacitika pali nguwe, bakapiluka akwaamba ayi, “Ngulesa!”

Luka 17:16

Mpeeke ashike kuli Jesu, wakafukama kunembo lyakwe akumulumba. Shimanata uyu wakalinga mwine Samaliya.

Danyelo 3:5

Na munyumfwe kulila kwa mapeenga, pesule munyumfwe mitoolilo, tunkobele, tulumbu tunene atuniini alimwi akulila kwa shakulisha shimwi shoonse, mulyeelete kufukama akulambila cibumbwabumbwa ca golodi cakeemika mwaami Nebukadinesa.

Danyelo 3:7

Lyalo ndibakanyumfwa kulila kwa mapeenga ashakulisha shimwi isho, bantu boonse bamumishobo yoonse, bashikanda shipusenepusene amumilaka yoonse bakafukama akulambila cibumbwabumbwa cakeemika mwaami Nebukadinesa.

Danyelo 8:17

Mpomunyaawo Gabuliyelo wakesa weemikana kulubasu lwangu, sombi ndakaloonda abuumbi cakwaamba ayi ndakawita panshi. Mpeeke wakandwiita ayi, “Webo omuntu, kutika ncecaamba cili anga nciloto ici. Citokwaamba kuciindi ca kumeelelesho acishi ca panshi.”