Danyelo 2:11 - Baibo Busansulushi Bwa Libuku Ili

¹¹ Nobaami mwatwiipusha makani ayumu abuumbi. Taaku muntu nabi womwi weenga wakonsha kumulwiita ciloto canu, sombibo balesa. Balesa abo tabakali pakati ka bantu, sobwe.”

Danyelo 2:11 Referans Kwoze

Danyelo 5:11

Kuli musankwa mucishi canu ucite mushimu wa balesa muli nguwe. Bashali banu baNebukadinesa kabacili baami, musankwa uyo wakacanika kwaamba ayi ulicite maano, lushibo alimwi abusongo anga mbalesa. Balo baNebukadinesa bashali banu bakamusala ayi abe munene wa beshikusonda, beshimampelampela, basongo ba shintu sha mwiculu alimwi abamukabaami.

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Joni 14:23

Jesu wakakumbula ayi, “Uyo unsuni ulakonkela kwiisha kwangu alimwi baTa balaakumusuna. Lyalo nebo abaTa tulaakwisa kuli nguwe akwikala anguwe.

Joni 14:17

Mucafwi uyo nguMushimu Usalashi wiisha shalushinisho. Bamucishi tabakoonshi kumutambula mukwiinga tabamuboni nabi kumwishiba. Sombi mwebo mulimwishi mukwiinga ulekala amwebo alimwi ulaakwikala muli ndimwe.

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

Mateyo 19:26

Jesu wakabalanga akubaambila ayi, “Kubantu ici inga tacicitikiiwo, sombi kuli Lesa inga cacitika mukwiinga shoonse shintu shilakonsheka kuli nguwe.”

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Kulonga 29:45

Lyalo ndaakwikala pakati ka bene Isilaeli akuba Lesa wabo.

Matalikilo 41:39

Mpomunyaawo wakaambila Josefu ayi, “Lesa wakutondesha shoonse ishi, aboobo teshi acakutonsha kwaamba ayi webo ulicite busongo alushibo kwiinda bantu bamwi boonse.

Ciyubululo 21:3

Mpeeke ndakanyumfwa liswi lyakoolobeshekwa kuswa kucuuna ca bwaami ayi, “Ono musena wakwe Lesa waba pakati ka bantu! Ulaakunookalaabo, abalo balaakuba bantu bakwe. Lesa mwiine ulaakunooli ambabo alimwi ulaakuba Lesa wabo.

Jowelo 3:21

Nebo neMwaami Lesa neenkala paKalundu ka Siyoni ndaakuboosha cishole ceebo ca baabo bakacaikwa. Teshi nkalekeleewo baabo bacite mulandu wakutila bulowa bwabo.”

Isaya 8:18

Ono bulya ndime abaana Mwaami Lesa mbwaakampa. Mwaami Lesa Shinkusu shoonse ucite cuuna ca bwaami paKalundu ka Siyoni, watutuma kwaamba ayi tube nkombe yakwe yuumi kubene Isilaeli.

Kulumbaisha 132:14

Wakaamba ayi, “Ono muno mweshi nookala kwalyoonse alyoonse. Ee, mweshi nookala pacuuna ca bwaami mukwiinga ndisuniimo.

Kulumbaisha 68:18

Ndimwakatanta kalundu mwakatolelela abakacatwa munkondo. Mwakatambula shipo kuswa kubantu, nabi kuswa kubaabo baashu kwaamba ayi mwebo noBaami baLesa mwikale kooko.

2 Makani 6:18

“Ono sa cilaamba ayi mwebo nobaLesa ndushinisho inga mwekala mucishi ca panshi pakati ka bantu? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

1 Baami 8:27

“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

Shakubelenga 35:34

Anu tamweelete kubisha cishi ncemushiiteemo mukwiinga nebo ndime Mwaami Lesa uyo wikala pakati ka bene Isilaeli.’ ”

Kulonga 8:19

Pesule beshimampelampela bakaambila mwaami Falawo ayi, “NguLesa wacita sheeshi!” Sombi mwaami Falawo wakacita cimpamya akukaka kunyumfwila Mose aAloni kweelana abwakaamba Mwaami Lesa.

Matalikilo 41:8

Macuunsa wakalisukama, aboobo wakatuma nkombe kubeshimampelampela abasongo boonse ba muIjipiti ayi bese. Wakabaambila shiloto shakwe, sombi taaku wakakonsha kumupandulwita shiloto isho.

Isaya 47:12

“Ndwaako, kosunga shisoko abwaanga bwako, kayi wakalinga kushisebensesha kuswabo kubwanike. Cimwi ciindi shilaakukucafwa munshila imwi. Mpashi ulaakukonsha kuyoosha balwani bako.

Danyelo 4:4

Ndakalinga kwikalabo kabotu muŋanda yangu ya bwaami, kaandiibitebo akusangalala mukuswitilila kwangu.