Danyelo 11:33 - Baibo Busansulushi Bwa Libuku Ili

³³ “Bamatanjilili basongo balaakulwiitako baanji pakati ka bantu abo. Sombi kwaciindi ciniini bamatanjilili abo bamwi balaakucaikwa munkondo, bamwi kutentwa, bamwi kupambwa buboni akuwaalwa muntolongo.

Danyelo 11:33 Referans Kwoze

Joni 16:2

Balaakumutanda mushoonde shabo. Ono ciindi cilaakushika bantu beshi bakanoomucaya, ndyeshi bakayeeye ayi batoosebensela Lesa.

Mateyo 24:9

“Lyalo balaakumutola mukupenshekwa alimwi akumucaya. Bantu ba mishobo yoonse balaakumupata ceebo ca liina lyangu.

Malaki 2:7

Ceebo bapailishi balyeelete kunokwiisha lushinisho lwapali Lesa. Paceebo ceeci, bantu balyeelete kunooya kuli mbabo mukwiiya kuyanda kwangu, mukwiinga mbasebenshi bangu nebo neMwaami Lesa Shinkusu shoonse.

Ciyubululo 17:6

Mpeeke ndakabona kwaamba ayi mwanakashi uyu wakalinga kukoletwe bulowa bwa bashomi alimwi bwa baabo bakacaikwa ceebo ca kushoma muli Jesu. Ndindakabona boobo, ndakakankamana abuumbi.

Bene Ebulu 11:34

bakashimya mililo yakalinga kunyaka abuumbi, bakapulushikwa kukucaikwa amipeeni. Nakubi kwaamba ayi tebakalinga kucite nkusu, bakabaasho. Bakaba bashilumamba bayumu abuumbi, akukoma bashilumamba ba mushishi sha baswamashi.

Danyelo 12:10

Bantu baanji balaakusalashikwa, kulengeshekwa kubula tumpenda akuboteshekwa cakumaninina, sombi bamucita shibi balaakutolelela kuba bamucita shibi. Taaku mucita shibi nabi womwi weshi akanyumfwe, sombi basongo balo balaakunyumfwa.

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.

Ciyubululo 6:9

Ndyaakalamatula kalamatila wasanu, panshi lya cipaililo, ndakabona myuuya ya baabo bakacaikwa ceebo cakushimikila maswi akwe Lesa alimwi aceebo ca bukamboni bwancinencine.

Ciyubululo 2:13

Utokwaamba ayi, ‘Ndishi nkookala. Ulekala kumusena Satana nkwaaendelesha. Ulashomeka kuli ndime alimwi tookwe kusowa lushomo lwako muli ndime nabi paciindi Antipasi, kamboni wangu ushomeka, ndyaakacaikwa. Wakacaikwa kumusena nkomunya kwikala Satana.

Ciyubululo 1:9

Ndime Joni mukwabanu alimwi muli Jesu ndi pantu pomwi amwebo mukupenshekwa, mubwaami alimwi amukutolelela kushoma mumapensho. Ndakawaalwa pansumbu ino ya Patimosi ceebo ndakashimikila maswi akwe Lesa alimwi alushinisho Jesu ndwaakayubulula.

2 Timoti 4:6

Kwaamba pali ndime, ciindi cangu cashikila ayi mbengwe pacipaililo, nciindi cakushiya buumi buno.

2 Timoti 1:12

Nceceeco ncentoopengela bobulya. Nakubi boobo nshinyumfwi nsoni ceebo ndimwishi uyo ngoonshoma. Aboobo ndishinishite kwaamba ayi ulakonsha kusunga isho shoonse nshaakabika mumaansa angu ayi ndame kushikila bushiku bwakoombolosha.

1 Bene Kolinto 4:9

Ceebo ndabona kwaamba ayi swebo sobatumwi Lesa wakatubika kwisule kwiine anga mbantu bapingulwa kucaikwa. Twaba anga ncintu cakweebela kushilengwa shoonse, kuteeshibo kubantu, sombi abaanjelo boonse.

Milimo ya Batumwi 14:21

Paulo aBanabasi bakashimikila Makani Abotu muDebe akusandula bantu baanji ayi bashome muli Jesu. Kuswawaawo bakaboolela kuLisitila, Ikoniyamu kushikila akuAntyoki muPisidya.

Milimo ya Batumwi 11:26

Ndyaakamucana, wakamutola kuAntyoki. Mpeeke Saulo aBanabasi bakalinga kwikala mubwanabwankashi abantu ba mucoonde alimwi akwiisha bantu baanji kwamwaaka woonse. KuAntyoki nkomunya uko, bashomi nkobakataanguna kwiitwa ayi bene Klistu.

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Mateyo 20:23

Mpeeke Jesu wakabalwiita ayi, “Ncakwiila mulaakunwitaamo munkomeshi iyo, sombi nebo nshicite nkusu sha kusala wooyo eshi akekale kululyo lwangu nabi kucipiko. MbaTa beshi bakape misena iyi kubaabo mbobakabambila.”

Mateyo 13:11

Jesu wakabakumbula ayi, “Mwebo mwakapekwa lushibo lwa shintu shishisitwe sha Bweene bwa kwiculu, sombi balo tabakwe kupekwa.

Mateyo 10:21

“Muntu ulaakubenga mukwabo wa lifumo lyomwi ayi acaikwe, abalo bamaishiwabo balaakubenga bana babo. Abalo baana balaakubukila bamashali babo, akubacaisha.