Danyelo 10:19 - Baibo Busansulushi Bwa Libuku Ili

¹⁹ Kuswawaawo wakaŋambila ayi, “Cileke kuloonda. Webo ulalemekwa abuumbi pameenso akwe Lesa. Aboobo utalisukami nabi kuloonda cintu cili coonse.” Ndyaakaamba boobo ndakeendaawo kuyuma akwaamba ayi, “Nkambo amundwiitebo nshemweelete kwaamba ceebo mwanengesha kuba ankusu.”

Danyelo 10:19 Referans Kwoze

Isaya 35:4

Amulwiite baabo bacatwa boowa ayi, “Amuyume, mutaloondi. Lesa wanu ulaakwisa. Ulaakwisa mukuboosha cishole, kwisa mukulambula balwani banu. Ncakwiila ulaakwisa mukumufuna.”

Joshuwa 1:9

Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”

Boomboloshi 6:23

Sombi Mwaami Lesa wakamwaambila ayi, “Luumuno lube awebo, utaloondi ceebo teshi ufweewo.”

Danyelo 9:23

Ndiwatalikabo kupaila kuli Lesa, wakukumbula. Ndesa mukukulwiita kukumbula kwakwe ceebo webo ulalemekwa abuumbi pameenso akwe Lesa. Ono kutikisha mbweshi noosansulula akunyumfwisha cili anga nciloto ico mbocaamba.

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.

2 Bene Kolinto 12:9

Sombi wakankumbula ayi, “Luse lwangu lulikwene pali ndiwe, ceebo nkusu shangu shilaboneka bunene na koolefukite.” Ono nanoolilumbaisha cakukondwa ceebo cakulefuka kwangu kwaamba ayi nkusu shakwe Klistu shibe pali ndime.

Joni 14:27

“Ndamushiila luumuno. Ndamupa luumuno lwangu. Nshipi bweenka mbuli bamucishi ca panshi, sobwe. Myoyo yanu itapengi nabi kuloonda.

2 Timoti 2:1

Ono omwanaangu liyumyeyumye muluse ndootucite muli Klistu Jesu.

Joni 19:26

Jesu ndyaakabona banyina ashikwiiya ngwaakalinga kusunishi kabeemfwi pafwaafwi, wakaambila banyina ayi, “Ma, ngooyu mwanaanu.”

Joni 21:20

Pita ndyaakacebukila kwisule, wakabona shikwiiya uyo Jesu ngwaakalinga kusunishi keesa, shikwiiya uyu ngowooyo wakayaamina Jesu pabushiku ndibakalinga kulya mulalilo alimwi akwiipusha ayi, “Ngani eshi amwaabe noBaami?”

Joni 11:36

Mpomunyaawo baJuda bakaamba ayi, “Amubone ncakwiila bakalinga kunyumfwana.”

Joni 11:5

Jesu wakalinga kunyumfwana bumbi aMalita, mwanike wakwe alimwi aLasalo.

Joni 11:3

Aboobo banankashi shakwe bobilo bakatuma nkombe kuli Jesu ayi, “Nkambo, ulya mubyaanu ngomusunishi abuumbi ngumulwashi.”

1 Bene Kolinto 16:13

Amucenjele, mwiimikane cakutatenkaana mulushomo. Amube bantu batacite boowa, bayumu.

Agayi 2:4

Sombi yuma webo Selubabelo. Yuma awebo Joshuwa mwanaakwe Jeosadaki, mupailishi munene. Amuyume amwebo nobantu nobene cishi. Amusebense noonse ceebo nebo ndi amwebo.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Sekaliya 8:9

Mwaami Lesa Shinkusu shoonse waamba ayi, “Ono mwebo nomutoonyumfwa maswi aya kuswa kumilomo ya balaluki abo bakalingaako lwiimbi lwa Ŋanda yangu ndilwakayakwa, maansaanu aayume kwaamba ayi Ŋanda yangu iyakwe.

Danyelo 10:18

Mpeeke munjelo uyo wakancata alimwi, lyalo nkusu shangu shakaboolaamo.

Isaya 41:14

Mwaami Lesa Usalalite wa bene Isilaeli waamba ayi, “Mutaloondi nobamulunyungu lwakwe Jakobo nomutacite nkusu anga ncaambo. Mutaloondi nobene Isilaeli nabi muli mushobo uniini mukwiinga nebo nemwiine ndaakumucafwa Nebo neLesa usalalite wa bene Isilaeli ndime mupulusha.

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Kulumbaisha 138:3

Ciindi ndindakamulilila, mwebo mwakankumbula. Mwakanjumya moyo akunkalika caamba.

Bene Efeso 6:10

Cakweelaako ncakwaamba ayi, nobamakwesu amuyume muMwaami Lesa kwiinda munkusu shakwe shiindaawo.

Sekaliya 8:13

Nobene Juda abene Isilaeli, kalekale baswamashi bakalinga kushingana womwi awomwi mukwaamba ayi, ‘Aamulokele mapensho eenka akacitikila bene Juda abene Isilaeli!’ Sombi nebo ndaakumupulusha. Lyalo baswamashi abo balaakwaambilana womwi awomwi ayi, ‘Tambula shoolwe isho shakapekwa bene Juda abene Isilaeli!’ Aboobo amuyumye myoyo, mutaloondi.”