Danyelo 10:16 - Baibo Busansulushi Bwa Libuku Ili

¹⁶ Lyalo munjelo uyo wakalinga kuboneka anga ngumuntu, wakatambika lyaansa lyakwe akunkumya kumilomo, lyalo ndakatalika kwaamba. Mpomunyaawo ndakamwaambila, “Nkambo, cili anga nciloto ici canengesha kubula nkusu abuumbi, aboobo nshikoonshi kucileka kututuma.

Danyelo 10:16 Referans Kwoze

Danyelo 8:15

Ono nebo neDanyelo kaanceebela cili anga nciloto ico akweelesha kwishiba ncecaamba, cakuteengashila ndakabona muntu wakeemikana kunembo lyangu.

Isaya 6:7

Lyalo wakakumya mulomo wangu alikalangasha ilyo akwaamba ayi, “Bona, likalangasha ili lyakumya mulomo wako. Milandu yako yakushikwa pali ndiwe alimwi shibiibi shako shalekelelwa.”

Jelemiya 1:9

Mpomunyaawo Mwaami Lesa wakatambika lyaansa lyakwe, wancata pamulomo akundwiita ayi, “Bona, ndabika maswi angu mumulomo wako.

Danyelo 8:27

Nebo neDanyelo mubili wakatyolooka abuumbi akuciswa kwanshiku shiinji. Lyalo ndakanyamuka akuboola kumulimo uyo wakampa mwaami. Sombi cili anga nciloto ico cakampensha abuumbi mumoyo alimwi ndakaalilwa kucinyumfwisha.

Danyelo 8:17

Mpomunyaawo Gabuliyelo wakesa weemikana kulubasu lwangu, sombi ndakaloonda abuumbi cakwaamba ayi ndakawita panshi. Mpeeke wakandwiita ayi, “Webo omuntu, kutika ncecaamba cili anga nciloto ici. Citokwaamba kuciindi ca kumeelelesho acishi ca panshi.”

Danyelo 7:28

“Ono makani ayo mpaaela peenka apa. Nebo neDanyelo ndakapenshekwa abuumbi mumoyo alimwi ciwa cangu cakasanduka kuboowa, sombi makani ayo ndakaaumunabo.”

Danyelo 7:15

“Nebo neDanyelo, shili anga nshiloto nshendakabona shakankankamika akumpensha abuumbi mumoyo.

Ciyubululo 1:13

Ono pakati ka nshisho, pakalinga kuboneka anga pali muntu, ufwete cisani cakalinga kushika kumyeendo alimwi alaamba wa golodi pacaamba.

Joni 20:28

Tomasi wakaambila Jesu ayi, “NoBaami bangu, nobaLesa bangu!”

Luka 21:15

mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.

Luka 1:64

Amanebo kulemba boobo wakacikonsha kwaamba alimwi akutalika kulumbaisha Lesa.

Danyelo 12:8

Ndakanyumfwa nshaakaamba, sombi nshikwe kushinyumfwisha. Mpeeke ndakeepusha ayi, “Nkambo, anu shintu shoonse ishi shilaakweela buyani.”

Danyelo 9:21

Ndindakalinga kucipaila, munjelo Gabuliyelo, uyo ngondakalinga ndabonaawo kale mucili anga nciloto, wakesa kuli ndime kaauluka. Ico cakalinga ciindi cakubenga mulambu wa macolesha.

Esekelo 33:22

Ono macolesha muntu uyo kaatana kushika, lyaansa lya Mwaami Lesa lyakancata. Lyalo bushiku bwakaboolaawo macuunsa muntu uyo ndyaakesa, ndakakonsha kwaamba alimwi.

Esekelo 3:27

Sombi ndaakubandika andiwe, ndaakukulengesha kukonsha kwaamba alimwi. Lyalo ulaakubalwiita nebo neMwaami Lesa Shinkusu shoonse nsheshi nkaambe. Uyo woonse weshi akanyumfwile, aakanyumfwile. Alakwe uyo weshi akakake, aakakake ceebo aba mbantu baashu.”

Esekelo 1:26

Peculu lya musena ufongomene pakalinga cintu cakalinga kuboneka anga ncuuna ca bwaami cakapangwa kumabwe amakwebo eetwa ayi safaya. Peculu lya cuuna peene ico, pakalinga cakalinga kuboneka anga ngumuntu.

Shikushimikila 1:18

Ceebo busongo buunji bulesa abuumba, nkokwaamba ayi lushibo luunji lulaamba buumba buunji.

Boomboloshi 13:8

Mpeeke Manowa wakapaila kuMwaami Lesa ayi, “NoBaami baLesa ndasenga kwaamba ayi muntu ulya ngomwakatuma ese alimwi mukutwiisha nshetweelete kucita kumwaana uyo weshi akashalwe.”

Boomboloshi 6:15

Alakwe Gidyoni wakakumbula ayi, “Ino nebo nkambo, inga ndafuna buyani bene Isilaeli? Amubone cipani cangu ncecitacite nkusu pashipani sha mumukowa wakwe Manase. Alimwi nebo ndime ntacindeme mubamuŋanda ya bata.”

Boomboloshi 6:13

Mpeeke Gidyoni wakamukumbula ayi, “Nkambo, na Mwaami Lesa uli aswebo, ino ceebonshi mapensho aya oonse atootucitikila? Bamashali besu bakulukulu bakatwaambila ayi Mwaami Lesa wakacita shaankamiko ndyaakabakusha muIjipiti. Ino bulya shili kuli? Ncakwiila Mwaami Lesa watufutatila akutwaaba mumaansa a bene Midyani.”

Joshuwa 5:14

Lakwe wakakumbula ayi, “Nshibete kulubasu lwanu nabi kulubasu lwa balwani banu, sombi nebo ndi mutanjilili wa bashilumamba ba Mwaami Lesa.” Lyalo Joshuwa wakafubama mukumulambila akumwiipusha ayi, “Nkambo, ino ngamaswinshi ngomwaletela ndime nemusebenshi wanu?”

Kulonga 4:13

Sombi lakwe Mose wakakumbula ayi, “Sobwe noBaami baLesa, ndakombelela amutume umwi.”

Kulonga 4:10

Sombi Mose wakaamba ayi, “NoBaami baLesa nebo kuswabo kalekale nshaambiwo kabotu, alimwi ampomwatalikila kwaamba anebo, poonse nshintokwaambawo kabotu. Ndacelwa kuposha shikani alimwi ndicite kamaama.”

Danyelo 4:19

Ono Danyelo uyo wiitwa ayi Beloteshasa wakakankamana abuumbi pacikani ico cakwaalilwa kwaambaawo. Aboobo mwaami Nebukadinesa wakamwaambila ayi, “Beloteshasa, ciloto ico abusansulushi bwa ncico butakuloondeshi, sobwe.” Mpomunyaawo Beloteshasa wakakumbula ayi, “Nobaami bangu, nicabota ciloto ici abusansulushi bwa ncico kashaamba pabalwani banu kuteshi ndimwe, sobwe.

Danyelo 8:18

Kaacaamba kuli ndime, ndakalinga kuwisukite panshi apo mpondakalinga kulete cakufubama. Mpeeke lakwe wakancata akunjimika.