Boomboloshi 9:7 - Baibo Busansulushi Bwa Libuku Ili

⁷ Ono Jotamu ndyaakanyumfwa boobo, wakaya paKalundu ka Gelisimu akoolobesha ayi, “Amunyumfwe mwebo nobantu ba kuShekemu, kwaamba ayi alakwe Lesa amunyumfwe.

Boomboloshi 9:7 Referans Kwoze

Dutolonomi 11:29

Mwaami Lesa aakumwinjisha mucishi ico ncemutooya mukwikalaamo, mukaambilishe coolwe paKalundu ka Gelisimu alyalo lishingo kuKalundu ka Ebali

Joni 4:20

Bamashali besu bakalinga kulambila Lesa pakalundu aka, sombi mwebo nobaJuda mulaamba ayi nkotweelete kulambilila nkuJelusalemu kweenka.”

Dutolonomi 27:12

“Na mukasubuke Mulonga wa Joodani, mikowa iyi ilyeelete kwiimikana paKalundu ka Gelisimu ayi ipe coolwe pabene Isilaeli bamwi boonse. Mukowa wakwe Simyoni, Lefi, Juda, Isaka, Josefu alimwi aBenjameni.

Isaya 1:15

“Mwaakunyamuna maansaanu pakupaila, teshi nkamulangilisheewo, sobwe. Teshi nkanyumfwe nabi mukapaile mankanda aanji buyani mukwiinga maansaanu aliswitebo milandu yakutila bulowa.

Tushimpi 28:9

Na muntu kaasuula milawo nabi mupailo wakwe ulalensha bunya kuli Lesa.

Tushimpi 21:13

Na muntu wacala matwi akwe ayi atanyumfwi kulila kwa mukandu, alakwe aakulila lucafwo, taaku beshi bakamukumbule.

Joshuwa 8:33

Mpomunyaawo bene Isilaeli boonse pantu pomwi abamaloba babo, bamatanjilili, boomboloshi kubikaawo abaswamashi mbobakalinga kwikalaabo, bakeemikana mumbasu shobilo sha Libokoshi lya Cipangano lya Mwaami Lesa, kabalangite kubapailishi bene Lefi abo bakalinga kuliyumwite. Musa umwi wa bantu wakeemikana kunembo lya Kalundu ka Gelisimu awalo umwi wakeemikana kunembo lya Kalundu ka Ebo. Bakacita boobo kweelana abwakabalwiita Mose musebenshi wa Mwaami Lesa ayi banoocita na ciindi cakupekwa coolwe cashikila.

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Dutolonomi 11:30

Tulundu tobilo utu tuli kumbo lya Mulonga wa Joodani, mucishi ca bene Kenani bekala muCinyika ca Joodani. Tuli cakumbo pafwaafwi ashisamu shinene sha kuMole pafwaafwi andabala ya Gilugala.

Boomboloshi 9:6

Lyalo bantu ba kuShekemu akuBeti Milo bakabungana pantu pomwi kucisamu ca mubanga pafwaafwi alibwe lilaamfu kuShekemu. Lyalo bakabika Abimeleki pabwaami.

Boomboloshi 9:8

Bumwi bushiku shisamu shakabungana kwaamba ayi shisale mwaami wa nshisho. Mpeeke shakaambila cisamu ca olifi ayi, ‘Ba mwaami wesu.’

Matalikilo 37:6

Wakabalwiita ayi, “Amukutike mbondalota.