Boomboloshi 9:4 - Baibo Busansulushi Bwa Libuku Ili

⁴ Kuswawaawo bakamupa maali makumi osanwe a silifa kuswa kuŋanda yakalinga kulambililwaamo Baali Beliti. Maali ayo wakaapa bantu batanyumfwi, bataaku mbobabete, kwaamba ayi bamukonkele.

Boomboloshi 9:4 Referans Kwoze

Boomboloshi 8:33

Gidyoni ndyaakafwa, bene Isilaeli bakacileka kulambila Mwaami Lesa akutalika kulambila baBaali. Bakasandula Baali Beliti kuba lesa wabo.

Milimo ya Batumwi 17:5

Sombi baJuda bamwi bakanyumfwa munyono akuyungoola likoto lya basankwa bataalala mbobakalinga kucana munshila. Lyalo baJuda alimwi abasankwa abo bakatalika shimfulunganya mundabala inene yoonse. Bakaya bapwaya cisasa ca ŋanda yakwe Jasoni, kabayeeya ayi mpashi momuli Paulo aSailasi kwaamba ayi babakuushe muŋanda akubatola kubantu.

2 Makani 13:7

Wakabunganya bantu bataaku mbobabete batanyumfwi abo bakakakatisha Leoboamu mwanaakwe Solomoni kucita mbobakalinga kusuni. Paciindi ico Leoboamu wakalinga mwanike alimwi kaatacite lushibo kwaamba ayi abakakile.

Boomboloshi 11:3

Mpomunyaawo Jefuta wakacica akushiya bamakwabo akuya mukwikala kucishi ca Tobu. Lyalo wakanyumfwana abasankwa bamwi bataaku mbobabete alimwi batanyumfwi abo bakatalika kumukonkela.

Tushimpi 12:11

Mulimi ulima cankusu ulatebula shiinji, sombi abo basowa ciindi cabo kushintu shitacite ncito, mbaluya.

Jobo 30:8

Lwakalinga ndusubo lutaaku mbolubete. Ndushinisho bakalinga bantu batanditwe mucishi.

1 Samwelo 22:2

Mpeeke bantu boonse bakalinga kuungumene, bakalinga munkongole abaabo batakalinga kukondetwe bakaya kuli nguwe, lyalo wakaba mutanjilili wabo. Pantu pomwi bakalinga basankwa mpashi myaanda yone.

2 Samwelo 6:20

Ono Defedi ndyaakaboola kuŋanda ayi ape coolwe bamuŋanda yakwe, Mikali mwanaakwe Saulo wakaswa ayi amukumanye akwaamba ayi, “Ee, sunu kwalingaanka mwaami wa cishi ca Isilaeli kupanga liina, mbomwalinga kuliyaloola pameenso abasebenshi banakashi ba bacinenenene banu anga ngumuntu muntubo! Ne, lushinisho cilensha ansooni.”

Sefaniya 3:4

Balaluki ba njiyo mbeshikulisumpula, mbantu batashomeki. Bapailishi ba njiyo balabisha musena usalalite Balasebensesha Milawo kwaamba ayi bacane mpindu.

Boomboloshi 9:27

Bantu abo bakalinga kunooya kumyuunda yabo mukuleta minyansa akupanga waini. Bakalinga kutola kuŋanda yakulambililamo lesa wabo uko nkobakalinga kusekelela. Ndibakalinga kulya akunwa bakalinga kucobola Abimeleki.