Boomboloshi 4:16 - Baibo Busansulushi Bwa Libuku Ili

¹⁶ Balaki lakwe wakatandaanya bashilumamba balwanina mushikoci abashilumamba bamwi boonse kuya mukushika kuAlosheti Agoyimu. Bashilumamba bakwe Sisela bakacaikwa boonse cakwaamba ayi taaku wakacaala.

Boomboloshi 4:16 Referans Kwoze

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Bene Loma 2:12

Bantu boonse bakabisha kabateshi Milawo balaakunyonyoolwa nakubi kwaamba ayi tebakalinga kwishi Milawo. Abo bakabisha kabeshi Milawo, Milawo yeenka iyo ilaakubashinina.

Isaya 43:17

Wakayobolola likoto lya bashilumamba beshinkusu alya bashilumamba balwanina mushikoci apamaaki. Kuswawaawo wakabakampeeka panshi cakwaamba ayi teshi bakabukeewo tubili. Ndushinisho bwakabeela cakubabo anga ndilampi lyashimishikwa.

Kulumbaisha 104:35

Bamucita shibi abanyonyoolwe mucishi ca panshi cino. Ncakwiila beshikubisha abalobe cakumaninina. Omoyo wangu lumbaisha Mwaami Lesa! Aalumbaishikwe Mwaami Lesa!

Kulumbaisha 83:9

Amubacite mbomwakacita bene Midyani, ee, bweenka mbomwakacita Sisela aJabini kuMulonga wa Kishoni.

Joshuwa 11:8

Ncakwiila Mwaami Lesa wakalengesha ayi bene Isilaeli bakome. Mpeeke bakabatandaanya kuya kuSidoni, kuMisilefoti Maimu, kuya mukweela akwicwe lya Cinyika ca Misipa. Taaku nabi womwi wakapuluka.

Kulonga 14:28

Lyalo maanshi akakumanabo poonse poonse akufwekelesha shikoci shankondo, beshikweensha alimwi abashilumamba boonse bene Ijipiti abo bakalinga bakonkela bene Isilaeli mulweenge. Taaku muntu nabi womwi wakacalaawo.

Boomboloshi 4:2

Aboobo Mwaami Lesa wakabaaba mumaansa akwe Jabini mwaami wa bene Kenani wakalinga kulela muAsoli. Mutanjilili wa bashilumamba bakwe wakalinga kwiitwa ayi Sisela. Sisela wakalinga kwikala mundabala ya Alosheti Agoyimu.

Boomboloshi 4:17

Lyalo Sisela wakacicila kutente yakwe Jaelo mukaakwe Eba mwine Keni ceebo Jabini mwaami wa kuAsoli wakalinga kunyumfwana abamumukowa wakwe Eba mwine Keni.

Joshuwa 10:10

Mwaami Lesa wakafulunganya bene Amoli mukuloonda bene Isilaeli. Mpeeke bene Isilaeli bakabacaya abuumbi kuGibyoni akubatandaanya, babakunkulusha Kalundu ka Beti Oloni, kabaya cibacayabo kushikila akuAseka alimwi aMakeda.

Kulumbaisha 83:10

Bamaami abo mwakabalobya muEndoli, mituntu yabo yakabola pabulongo.