Boomboloshi 3:2 - Baibo Busansulushi Bwa Libuku Ili

² Mwaami Lesa wakalinga kusuni kwiisha bamulunyungu lwa bene Isilaeli boonse kulwana nkondo, bunene bunene abo batana kulwanawo kale.

Boomboloshi 3:2 Referans Kwoze

2 Timoti 4:7

Ndalwana nkondo ibotu akumanisha kucica lubilo alimwi ndasunga lushomo lwangu.

2 Timoti 2:3

Kopengela pantu pomwi anebo mukuba shilumamba mubotu wakwe Klistu Jesu.

1 Timoti 6:12

Ulyeelete kulwana nkondo ibotu ya lushomo kwaamba ayi ukatambule buumi butamaani. Ceebo ici ncaakakwiitila Lesa bulya bushiku ndiwakaamba kabotu shalushomo lwako pameenso a bakamboni baanji.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

2 Makani 12:8

Nakubi boobo balaakuba mumaansaakwe Shishaki kwaamba ayi bakeshibe kupusana kuli pakati ka kusebensela ndime alimwi apakusebensela bamaami ba shishi shimwi sha panshi.”

Matalikilo 3:7

Ingayi bamanebo kulya, meenso abo akacaluka akubona ayi bali matakosha. Aboobo bakatunga matewu a mukuyu kwaamba ayi bafweke mibili yabo.

Matalikilo 3:5

Lesa ulishi kwaamba ayi na mwalyaako, meenso anu inga acaluka, alimwi ayi inga mwaba mbuli nguwe mukwishiba shibotu ashibiibi.”

Matalikilo 2:17

sombi kutalya shisepo sha cisamu cipa lushibo lwa bubotu abubi. Mukwiinga waakulyabo, ncakwiila ulaakufwa.”

Boomboloshi 3:1

Ncakwiila Mwaami Lesa wakashiyamo mishobo imwi mukwaamba ayi eeleshe bene Isilaeli abo batakwe kulwanawo nkondo kuKenani.

Boomboloshi 3:3

Mishobo yakalinga yacaala mucishi njeeyi. Baami bosanwe ba bene Filisiti, bene Kenani boonse, bene Sidoni, bene Ifi abo bakalinga kwikala kutulundu twa Lebanoni, kuswa kuKalundu ka Baali Emoni kushika mumwinjililo wa kuAmati.