Boomboloshi 3:16 - Baibo Busansulushi Bwa Libuku Ili

¹⁶ Mpomunyaawo Eyudi wakafula mupeeni wakalinga kukolete koonse koonse uyo wakalinga kulaampa masentimita ali 50 akuukwilika kuunshi lya shakufwala shakwe kulibelo lyalulyo.

Boomboloshi 3:16 Referans Kwoze

Ciyubululo 2:12

“Mutanjilili wa kucoonde ca kuPegamamu umulembele ayi, “Aya ngamakani aamba wooyo ucite mupeeni ukolete koonse koonse.

Ciyubululo 1:16

Mulyaansa lyalulyo wakalinga kucite nyenyeenshi shosanwe ashobilo, amwalo mukanwa mwakaswa mupeeni ukolete koonse koonse. Ciwa cakwe cakalinga kuboneka anga ndisuba lyashika pakati ka mutwi cilimo.

Bene Ebulu 4:12

Mukwiinga maswi akwe Lesa ali anga ncintu cuumi alimwi alicite nkusu. Alikolete kwiinda mupeeni ukolete koonse kobilo. Alatimbula pakati kushikila apali moyo amuuya alimwi apali shifuwa alimwi amoomo. Maswi akwe Lesa alayubulula sheesho bantu nshebayeeya alimwi anshebasuni.

Lwiimbo lwakwe Solomoni 3:8

Boonse balicite mipeeni. Boonse beenka bacibwene kulwana. Womwi awomwi ulicite mupeeni wakwe mukulibambila nkondo ibuka mashiku.

Kulumbaisha 149:6

Milomo yabo ayilumbaishe Lesa. Abamulumbaishe kabacite mipeeni ikolete koonse koonse mumaansaabo

Kulumbaisha 45:3

Amukobeke mupeeni wanu kulubasu lwa kukasolo mwebo nobeshinkusu, mweende ca bwaami mubulemu bwanu.

Boomboloshi 3:21

Mpomunyaawo Eyudi wakakusha mupeeni alyaansa lyakwe lyacipiko kuswa kulibelo lyakwe lyalulyo akuyasa mwaami mulifumo.

Boomboloshi 3:15

Sombi bene Isilaeli ndibakalilila Mwaami Lesa, wakabapa muntu wakabafuna. Wakalinga kwiitwa ayi Eyudi mwanaakwe Gela wa mumukowa wakwe Benjameni uyo wakalinga kusebensesha cipiko. Bene Isilaeli bakapa Eyudi musonko ayi atolele mwaami Egiloni wa kuMoabu.

Boomboloshi 3:17

Mpeeke wakatola musonko uyo kuli Egiloni mwaami wa kuMoabu. Mwaami uyo wakalinga kwiinite abuumbi.

2 Samwelo 20:8

Ndibakashika pamwaandami unene kuGibyoni, Amasa wakapola kwisa mukubakumanya. Paciindi ico Joabu wakalinga kufwete shakufwala shakwe sha nkondo. Mubukome wakalinga kwaangiteemo laamba kamukobeketwe acipokolo ca mupeeni. Ono ingayi atanunebo mweendo kuya kunembo, mupeeni wakaloka mucipokolo ca nguwo.